واحنا لسه فى إبتدائي..

وإحنا لسه في إبتدائي

وسط اوراقى القديمة

اللى لسه منها باقي

شوفت صورتى بين زميلى

و احنا لسه فى إبتدائي

الوشوش كانت بسيطة

طاهرة لكن مش عبيطة

نرسم الأحلام خريطة

فى قلبها نقطة تلاقي

هو صاحبى

لما كان فى الدنيا صاحب

اما دول كانوا جيرانى

كل واحد فينا حقق

جزء من بعض الأمانى

أما دى الشاطرة البليدة

العنيدة أم الضفاير

تبقى حبى الأولانى

أد ايه حزنت عليها

لما راحت فصل تانى

ما احنا كنا تختة واحدة

فى تانية تالت

مره قلت

و هى قالت

لما مدت ايدها شالت

دمعة وقعت غصب عنى

جوه كراسة الحساب

كنا لسه صفحة بيضة فى الكتاب

الوشوش كانت بسيطة

طاهرة لكن مش عبيطة

نرسم الأحلام خريطة

فى قلبها نقطة تلاقى

واحنا لسه فى إبتدائي

_______

علي سلامــة

زائر

اقتباس :: الوشوش كانت بسيطة

بقالى كتير نفسى أخش أكتب أو أرد فى المنتدى الأدبى معرفتش

دايماً الكلام واللى بيكتبوا الكلام فكرهم بيبقى سابقنى بخطوة

لكن كلام أ/على سلامة بسيط تماماً مثل الكلمة التى اقتبستها منه

شكراً لجودة الانتقاء و حسن الاختيار

جميل جدا يا مارى

قصيدة رااااااائعة

وأختيار موفق

شكرا ليكى

علي سلامــة

» هما مين ( واحنا مين )
» كل سنة واحنا طيبين ياريس
» صمم شقتك واختار لونها واحنا معاك!!!!!!!!!
» الشركات الرأسمالية بتشجع مصر.. واحنا معاهم
» كل التافهين بيحبوا مصر ...واحنا معاهم ..! مقال روووعة