حد فاكر ايام زمان

حبة زكريات من بتوع زمان

حد يجماعه فاكر واحنا صغيريين لما كنا بناخد مصروف
نص جنيه و كنا نروح المدرسه نجيب بيه ازازه حاجه ساقعه و كيس شيبسى

طب حد فاكر لبان على بابا لما كنا كلنا جايبين الالبوم
و بنشترى اللبان و نقعد نجمع صور الحراميه الى دماغتها طالعه من الزير
و نبدل الصور مع بعض عشان نكمل الالبوم وكان الواحد بيبقى نفسه يكسب اوى
وكانت الجوايز طقم كوبيات شاى او كوره كفر او شطرنج او مكاوه

طب حد فاكر لما كنا بنرجع من المدرسه بسرعه عشان نلحق
الفيلم الابيض و الاسود الى كان بيجى الساعه 1على القناه الاولى و نبقى
قرفانين يوم الاربع عشان مش هيجيبوا فيلم و هيجيبوا الحلقه الاخيره من مسلسل

طب حد فاكر يوم الجمعه لما كنا بنصحى من صباحيه ربنا
قبل اى حد فى البيت ونفتح التليفزيون ونقعد نستنى برنامج سينما الاطفال
ونبقى منشكحين موت واحنا قاعدين بنتفرج

طب حد فاكر لما كنا بنرجع من المدرسه و نبقى عايزين
نخلص الواجب بسرررعه اوى عشان محدش يغلس علينا و يسبونا نتفرج على مسلسل 7 و
ربع بتاع القناه الاولى ومكنش حد فينا بيتفرج على المسلسل بتاع
الساعه 6 الى بيجى عالقناه التانيه

طب حد فاكر كابتن ماجد لما كان بيقعد يشوط الكوره
فاربع خمس حلقات و احنا قاعدين منشكحين اوى ومستنين الى هيحصل ولا حد فاكر
مازنجر وفاتن و ابو الغضب

لو فاكرين احكو وللحديث بقيه

مش فاكر حاجة خالص!

لا مش فاكر
هههههههههههههههه

لي عودة

يوم الجمعه لوحده حكايه
كان عيد والله
بس ساعت ما الليل بيجى وافتكر ان الفاصل بينى وبين المدرسه
سعات النوم
بحس انى خلاص هموت
زى مايكون معلقين المشنقه هناك

ازيك ياد يا ابن عمى

اولا : احب اققولك ان قلبك اسوووووووووووووووود قوى
ثانيا : عاوز اققولك على سر وطبعا انا عارف انه اكيد اكيد مش فى بير
انا بقيت اتلكك انى اسمع او اعمل اى حاجه كنت بعملها زمان وانا صغير

(كنت بحلم ابقى كبير )
صباح الفـــــــــــــــــــــــــــــــــــــــــــــــــــــــــــــــــــــل يا ابن عمى

اقتباس :: طب حد فاكر لبان على بابا لما كنا كلنا جايبين الالبوم
و بنشترى اللبان و نقعد نجمع صور الحراميه الى دماغتها طالعه من الزير
و نبدل الصور مع بعض عشان نكمل الالبوم وكان الواحد بيبقى نفسه يكسب اوى
وكانت الجوايز طقم كوبيات شاى او كوره كفر او شطرنج او مكاوه

ياااااااااااااااااه ده انت رجعتنا ورا اوووووووووووى

والله زى ما يكون المشهد ده قدام عنيا دلوقتى فعلا

بس ايه اللى احنا كنا بنعمله ده؟؟ هههههههه

طيب حد فاكر الفيلم الهندى بتاع كل يوم سبت على القناة الاولى

ونقعد نسمع اميتابتشان فى الأفلام القديمة أوى دى وننبهر أوى بحركاته؟

طيب حد فاكر جودزيلا الضخمة لما كانوا كل ما تضيق بيهم ينادوا عليها فتيجى؟

طيب حد فاكر النمر المقنع وباباى والسبانخ بتاعته..؟؟ [ندعوك للتسجيل في المنتدى أو التعريف بنفسك لمعاينة هذه الصورة]

طيب حد فاكر ماما سامية لما كانت تقول للأطفال ( قول عروستى ) ههههههههه؟

طيب حد فاكر البسكوت اللى كان ملفوف فى ورق زى الالمنيوم وبنستلمه فى الابتدائى؟؟ [ندعوك للتسجيل في المنتدى أو التعريف بنفسك لمعاينة هذه الصورة]

موضوع جميل جدا وكل الحاجات دى اكيد الكل مر بيها..

بس نسيت لعب البلى الزلط لو كان حد يخسر زلطتين ولاحاجة تلاقيه قاعد متضايق وقرفان مع انى الزلط مالى الدنيا امخاخ ..

والبلى الحقيقى الى كنت تروح حتة ابو عجور تلعب هناك شغل احتراف يامعلم ..

وتجميع الوليتا والاستيك من عند الحاجة نعيمة ..

ههههههههههههههههه

موضوع زكريات جميل..

بالله عليك يا سامح

تقفل الموضوع

وسيب ايام زمان دى لربنا

بلاش تصحى الجروح

زائر

هى دى حاجه تتنسى
يخبر ابيض عمرها والله دى محفوره جوه الواحد
والواحد يأجر عجله ويسيب الشبشب رهن [ندعوك للتسجيل في المنتدى أو التعريف بنفسك لمعاينة هذه الصورة]
ونروح انا وعيال الحته نلعب كوره فى الرجالات
ونلعب بالليل ايستغمايه
وعنكب والشبر [ندعوك للتسجيل في المنتدى أو التعريف بنفسك لمعاينة هذه الصورة]
هههههههههههههههههههه
دى احلى ايام
وده غير التليفزيون
اول ربع ساعه اول ما القناه التالته تشتغل
بعد القران القط والفار ودنيا الاطفال
وماما ساميا
وعرستى عرستى عرستى [ندعوك للتسجيل في المنتدى أو التعريف بنفسك لمعاينة هذه الصورة]
يااااااااااااااااااااااااااااااااااااااه ليه بس تقلبو المواجع

اقتباس :: بالله عليك يا سامح

تقفل الموضوع

وسيب ايام زمان دى لربنا

بلاش تصحى الجروح

هههههههههههه

ايه يابو حازم انت مش بتستحمل ..

طب ناسى اولها اسكندر

دى كانت احلى ايااااااااااام بجد

بجد فكرتنى باجمل ايام حياتى

فين ايام المدرسه والصحيان ليها من بدرى ونقعد قدام شاعرنا نستنى بقيه زميلنا

عشان نمشى سوا ونفضل طول الطريق نتخانق انتى اللى اخرتينا وبعد كدا محدش يستنى حد

ونيجى تانى يوم برضه نستنى بعض قدام شارعنا و ومنمشيش غير لما نكمل برضه وكنت اكثر

واحدة بتاخرهم [ندعوك للتسجيل في المنتدى أو التعريف بنفسك لمعاينة هذه الصورة]

والصبح التليفزيون يجيب برنامج صباح الخير يامصر كنت بحب اسمع الاغنيه بتاعته اوى

واصحى عليها والاقى ولدى الله يرحمه وولدتى قاعدين يتفرجه عليه وكنت احب اغلس واروح

قالبه على القناة التانيه عشان اسمع برنامج عروستى لماما ساميه

يااااااااااااااااة فين الايام دى كانت اجمل ايام حياتى

ياسلام كانت ايام جميله بس انا حاسس ان ذكرياتك اغلبيتها عن الاكل شكلك طخين هههههههههههههههه

اقتباس :

القناة التانية كانت بتفتح الساعة 10

ياااااه ايام كانت ملهاش حل
فكرتونى بعجلتى اللى كنت بركبها لتالة اعدادى
وعلى طول كنت بقع بيها فى الترعة اللى عند بيتنا دايما
وبطلت اركبها علشان ردموا الترعة امخاخ بقي
كانت ايام وايام درس الاستاذ احمد حسين
واللعب فى حتة ابوعجور

زائر

حلوة قوى الذكريات دى

والله ورجعتنا أيام العشرينات يا سامح هههههههههه

طيب حد فاكر الكلمتين بتوع لعبة الأوستغماية :

خلاويص لسّة .. أجيب البوليس لسّة [ندعوك للتسجيل في المنتدى أو التعريف بنفسك لمعاينة هذه الصورة]

لو افتكرت حاجة تانية هارجع تانى

وفى كمان
غيروا ايديكوا يابنات كات قطع ايديكوا لما مفيش لعب [ندعوك للتسجيل في المنتدى أو التعريف بنفسك لمعاينة هذه الصورة]

زائر

خلاويص لسّة .. أجيب البوليس لسّة [ندعوك للتسجيل في المنتدى أو التعريف بنفسك لمعاينة هذه الصورة]
ههههههههههههههه
طب حد فاكر القطه العاميه [ندعوك للتسجيل في المنتدى أو التعريف بنفسك لمعاينة هذه الصورة]
وعلى العالى وعلى الواطى
[ندعوك للتسجيل في المنتدى أو التعريف بنفسك لمعاينة هذه الصورة]

ايام الزمن الهادي
طب حد فاكر اغنية اضحك بقي وافردها ياعم كان فيها علاء ولي الدين الله يرحمه

أه كانت مغنية غريبة صوتها غريب شويه كده

انا فكراها والله ههههههههههه

طيب حد فاكر

كان كل يوم الساعة 7 السبع كل يوم

مش عارفه على القناة الاولى ولا التانية

كانوا يذيعوا أغنيه عبد المنعم مدبولى مع أطفال كده وهو عامل قطر

وكان المفروض امهم هدى سلطان ..........؟؟ حد فاكر الأغنية دى

كان بيفضل يقول ( تووت تووت تووت تووت)

انا بس اللى كنت بشوفه فى مصر تقريبا ههههههههههههه

هحاول أشوف الأغنية دى على اليو تيوب

أهى لاقيتها الحمد لله

والله فكرتونى بأياااااااااااااااااااام جميلة جميلة جميلة