15 يناير عرض نتيجة الكادر على (بدر) اللهم اجعله خير

على فكرة انا بكده ليا السبق لأنى أول لما عرفت إن دكتور (زكى بدر) مسك الوزارة

كنت أول من تكهنت بإن الدكتور (بدر ) وزير التربية والتعليم الجديد

أول action ليه فى الوزارة هيكون من خلال المدرسين الجدد وأهو آدى اللى توقعته لاقيته

إتفضلوا ده جزء من الخبر/

أوضح الدكتور أسامة ماهر المنسق الفنى لاختبارات كادر المعلمين، أن المركز
القومى للامتحانات سيعرض مؤشرات النجاح بامتحانات تعيين 72 ألف معلم مساعد
فى وظيفة "معلم"، والذى عقدته الوزارة فى 21 نوفمبر الماضى، على الدكتور
أحمد زكى بدر وزير التربية والتعليم الجديد فى 15 يناير الجارى، تمهيداً
لاعتمادها ثم إعلانها على الموقع الإلكترونى للوزارة.

يا سلام!!! الموضوع ده عامل بالظبط زى ما يكون

انا أفضل مع مدرس أذاكر طول السنة ويمتحنى وف الآخر مش هو اللى يعلم الورق لأ

ييجى مدرس تانى جديد لا عارف المنهج ولا عارفنى ولا عارف درجة التصحيح من كام يعلملى الورقة

هل هذا عدل.؟؟؟؟؟؟؟؟؟؟؟!!!

طيب كمان نخلى بالنا بقى من جزء هام ورد فى الخبر بيقول /

وأشار ماهر إلى أن المعلمين المساعدين الناجحين سينتقلون تلقائياً إلى الدرجة
الوظيفية "معلم" لتتعاقد بعدها الوزارة مع معلمين مساعدين جدد بدلاً منهم
عبر اختبار تعقده الوزارة، لافتاً إلى عدم علمه بموعد منح المعلمين
الناجحين عقود عملهم الجديدة وموعد عقد امتحان المعلمين المساعدين الجدد.

هههههههه يا فرحة ما تمت..........!! يعنى حتى الناس اللى هتنجح فى الكادر

لسه السادة المسؤلين ميعرفوش معاد منحهم عقود العمل بالدرجة الوظيفية الجديدة

بصوا أنا مش هعقب علشان زهقت.........

دكتور زكى حضرتك منور الوزارة بجد

فوتكم بعافية

اقتباس :

هل مثلا النااس اللى إمتحنوا الكادر ونجحوا ,لحد دلوقتى ما بقوش مدرس أساسى أو مش هيبقوا لما

تطلع النتيجة ؟

لأ هو المشكلة إن التغيير الوزاى جه فى وقت غريب والناس دى هتروح فى الرجلين

مش كافية امتحنوا الامتحان يعنى بيبصموا بالعشرة إنهم موافقين على إنهم ينضموا إلى قافلة

المجنى عليهم ومهضومى الحقوق من طائفة المدرسين فى مصر المحروسة.

طيب ناس راضية بكده سبوهم بقى يروحوا لأجلهم وعلى رأى المثل رضينا بالهم........

اقتباس :

شكل عشماوى بالظبط

إن شاء الله يسمعك يا قماح [ندعوك للتسجيل في المنتدى أو التعريف بنفسك لمعاينة هذه الصورة]