مقارنة في اول الزواج ونصه وآخره..!!

كلمة بحبك
بعد 6 اسابيع : بحبك بحبك بحبك ... بحبك
بعد 6 شهور : أه طبعا اكيد بحبك
بعد 6 سنين : ياساااااااتر! .... يعنى لو مش بحبك كنت هاتجوزك ليه ؟؟؟


بعد الشغل
بعد 6 اسابيع : حبيبتي انا جيت من الشغل
بعد 6 شهور : انا رجعت
بعد 6 سنين : فين الاكل يا هانم؟؟


جرس التليفون
بعد 6 اسابيع : حبيبتي فى حد عايزك على التليفون
بعد 6 شهور : التليفون دة ليكى
بعد 6 سنين : ماتردى ! انا عندى صداع


وقت الغدا
بعد 6 اسابيع : ماكنتش اعرف ان نفسك حلو في الطبخ اوى كدة
بعد 6 شهور : عاملة أكل ايه النهاردة ؟؟
بعد 6 سنين : بامية تانى... اووووووووف


لما تشترى فستان جديد
بعد 6 اسابيع : مبروك ياحبيبتي , هياكل منك حتة
بعد 6 شهور : انتى جبتى فستان جديد تانى ؟
بعد 6 سنين : اممم... بكام ده؟


لما يتفرجوا على التليفزيون
بعد 6 اسابيع : تحبي نشوف فيلم ايه ؟
بعد 6 شهور : ماتقلبيش المحطة الماتش جاي حالا
بعد 6 سنين : انا رايح السينما , نامى انتى بقى


لما تعزم اصحابها
بعد 6 اسابيع : وماله اهلا بيهم فى اى وقت
بعد 6 شهور : انتى كل اسبوعين هاتعزميلنا حد ؟
بعد 6 سنين : يوووووه دة مابقاش بيت ده


لما يروحو السوبر ماركت
بعد 6 اسابيع : تحبي تروحى انهى سوبر ماركت يا حياتى
بعد 6 شهور : وماله عم انور البقال ؟
بعد 6 سنين : انتى بتودى الاكل فين !؟؟


لما حماته تيجي علشان تزورهم
بعد 6 اسابيع : يا سلام ده البيت والعمارة والحتة كلها منوره يا طنط
بعد 6 شهور : هي أمك فاضية ماورهاش حاجة
بعد 6 سنين : نهار إسود ده .. هى أمك كل يوم تنطلنا أنا خارج ومش عارف هرجع إمتى!؟؟


لما ييجى عيد ميلادها
بعد 6 اسابيع : معلش كان نفسي اجيبهولك الماس
بعد 6 شهور : خدى 50 جنيه وهاتى اللى انتى عايزاه
بعد 6 سنين : مش عيد ميلادك كان السنة اللى فاتت هوكل سنة ولا ايه !؟


فى العيد
بعد 6 اسابيع : حبيبتي الكحك والبسكوت برة على السفرة
بعد 6 شهور : مش واجب بقي مامتك تجيب لنا الكحك
بعد 6 سنين : مش لازم كحك السنة دى .. انتى تخنتى اوى


وهى رايحة للدكتور
بعد 6 اسابيع : حبيبتي قولى لى قبلها عشان اعمل حسابي فى الشغل
بعد 6 شهور : خدى مامتك ولا حد من اصحابك
بعد 6 سنين : دكتور دكتوووووووور ... مانتى زى البمب اهو


مع المولود الأول
المولود الاول : زى القمر .... شبهك
المولود التانى : شبه اخوه
المولود التالت : ياريت تخللى بالك المرة الجايه.


لما يجي يزورك واحد صاحبك
بعد 6 اسابيع : تقابله من ع الباب وتستضيفه بالكتير ربع ساعة..وتنصحه إن الجواز ما فيش احسن منه
بعد 6 شهور : تاخده وتخرج بيه البلكونة وتشكي من مشاكل الزواج وتنصحه بعدم خوض التجربة..إبقى تعالى بكره..هستناك
بعد 6 سنين : تقوله ما تخليك تبيت معانا .. بجد والله


لما يزوركم حد من قرايبها ومعاه طفل صغير وشقي
بعد 6 اسابيع : لا لا براحته .. ما شاء الله ده عسل قوي ودمه خفيف
بعد 6 شهور : حاسب يا حبيبي .. إنزل من على الأنتريه
بعد 6 سنين : إنزل يا بن الـ.............(( طبعا عرفين ايه مكان النقاط )) [ندعوك للتسجيل في المنتدى أو التعريف بنفسك لمعاينة هذه الصورة]

ما هو ده اخره تعبنا

فى الاول كلام حلو

وفى الاخر [ندعوك للتسجيل في المنتدى أو التعريف بنفسك لمعاينة هذه الصورة]

طب ما الرجاله عندهم حق
مطحون فى الشغل طول النهار وييجى يلاقى الست هانم
قاعده تتفرج على الحاج متولى
والراجل يجى ياجل يلاقى الاكل شايط
تسأله تقولك معلش اصلى سوسو
صحبتى اتصلت عليه وانا بعمل الاكل وكانت بتسألنى
احلى واحد بيعمل كوافير وعقبال موصفتلها فى نص ساعه بس
كان معلش اشط شويه
وناقص ملح
والدنيا بايظه خالص
الله يكون فى الرجاله

هههههههههههههههههههههههه
ايه ياسندريلا التوبيك الجامد ده
والله موتنى من الضحك
[ندعوك للتسجيل في المنتدى أو التعريف بنفسك لمعاينة هذه الصورة]
للاسف ده جزء كبير من الحقيقه
لكن برضوا عشان ابقى محايده....بصراحه كده
الحل فى ايد الستات
اه صدقونى كل ست تقدر تخلى جوزها بيقولها احلى كلام حتى لو متجوزين من 20سنه
والله الرجاله دول....بيضحك عليهم بكلمتين حلوين...وفى ثانيه اول ما يسمعهم
تلاقيه اتغير تماما.....

طيبين.........بس مش دايما
[ندعوك للتسجيل في المنتدى أو التعريف بنفسك لمعاينة هذه الصورة]

والله الرجاله دول....بيضحك عليهم بكلمتين حلوين...وفى ثانيه اول ما يسمعهم
تلاقيه اتغير تماما.....
ههههههههههههههههههههه
قلبنا قلب خصايه
ههههههههههههه
يسلام يا استاذه لوكا جبتى من الاخر
الحل فى ايد الستات
والستات دلوقتى بقى قلبها جامد ومفتريين [ندعوك للتسجيل في المنتدى أو التعريف بنفسك لمعاينة هذه الصورة]

وشكراااااااااا