تخاريف

موضوع: تخاريف الجمعة 12 مارس 2010, 2:16 am

وضعت العنوان وبناء عليه سطرت حروف الموضوع .....ليثبت فشله كباقى الإجتهادات

لما سمعت نتيجة الكلية مافرحتش برغم إنى أول مرة ف حياتى أجيب نقدير كويس لكن ماشوفتهمش فرحانين

عندما قرر دكتور طه اللإضراب عن الطعام او حتى المحاليل لم أتذوق طعم عصير القصب من خالد امام السنترال

وبالرغم من تسجيلى القديم هنا معاكم ماملتش منكم

فوجئت بالحفريات تحت المسجد الأقصى وحينما تذكرت أنه معراج رسول الله زهلت وعندما فاز الزمالك على الطلائع لم أتذكر الموضوع

عارفين مين اللى كسب ف حرب 73 ؟

قالوا لى أن الجيش المصرى من أقوى جيوش العالم وقالوا سنظل عشرات السنين حتى نلحق بالمعدات الإسرائيلية !!

تخيلوا واحد بيسألنى هتشغل مراتك ولا لأ؟ واحد فى 2010 بيسأل سؤال زى ده

للدين وطن يحميه

الخروج عن الحكام حرام والمعارضة بعض من أعمال الكفر"على لسان شيخ" !

تخيلوا كل ما اجى أفتح المنتدى والصفحات التانية أنسى انى دخلت ع المنتدى أساسا

أنا الأن كائن مستهلك وليس منتج ؟ جاوبونى

لن تعيش الوقت الكافى لتتعلم كل شئ بنفسك ..إستفيد من تجارب الأخرين

وصلت نسبة الفساد فى مصر أعلى قيمها وفى إرتفاع كما وصلت نسبة الملل على المنتدى أعلى قيمتها وفى إ......

للتغير دم يتجدد

موضوع: رد: تخاريف الجمعة 12 مارس 2010, 5:14 am

واقف فى مفترق طرق

موضوع: رد: تخاريف السبت 13 مارس 2010, 12:12 am

واقفين طوابير

على بوابات الدم

نبتاع هم

لا الحارس بيعدي نظرنا يشوف

ولا بيطوف بينا ريح طيب

طيب وأنا ساكت ليه؟؟

ساكن ليه؟؟؟

لجل يفوت طيفي على الأرض يعلم

أو قول حتى يسلم وماحد يرد

وانا واقف زي الجميزة الشايخة

وقفتي بايخة

ولا بتموت جتتي ولا بتفوت

زي الطيف

وهاتني ع الحال داكتير؟؟

والا سحابة صيف؟؟

موضوع: رد: تخاريف السبت 13 مارس 2010, 8:41 pm

مش فاهمة حاجة مش عارفة العيب فيا ولا العيب فى الموضوع

اسفة على اسلوبى فى التعبير

موضوع: رد: تخاريف السبت 13 مارس 2010, 11:41 pm

اقتباس :: مش فاهمة حاجة مش عارفة العيب فيا ولا العيب فى الموضوع

لا العيب مش فيكى ولا فى الموضوع

بس هى فكره الموضوع كده

يعنى مأخوذه على م أعتقد من اسم العمود الشهير

لأستاذ الكتابه الساخره فى مصر

جلال عامر

وممكن تشوفى عينه من العمود ده يا نونا من هنا

تخاريف ..بقلم جلال عامر

موضوع: رد: تخاريف السبت 13 مارس 2010, 11:42 pm

والله نسيت انى اقول

موضوع مميز جدا يا بشمهندس وطريقه جديده فى الكتابه

وبجد الاسلوب عاجبنى اوى

موضوع: رد: تخاريف السبت 13 مارس 2010, 11:49 pm

تصدق يا أبوحميد دى أول مرة تردلى فيها على موضوع

والله العظيم لو كنت أعرف أنه هيعجبك كده كنت خرفت من أول ماكتبت هنا

مرورك فرحنى أوى

ومروركم جميل زى القمر اللى انا شايف حته منه دلوقتى م الشباك

» تخاريف.......
» تخاريف........2
» تخاريف ،،
» تخاريف فى نهاية عام!!
» تخاريف دردشة