كرسى بلاستيك ع النيل ...جديد الجميل على سلامه

كرسى بلاستيك ع النيل

للشاعر الجميل على سلامه

نقلا عن المصرى اليوم

الصيف والدنيا نار
والحر ضيف تقيل..
ومصيف الغلابة
كرسى بلاستيك
ع الرصيف اللى بيطل على النيل..
إزازة مية..
وسندوتشات بيتى..
وشاى..
وأمل ف نسمة
وضحكة م القلب تكفى
مانعرفش إزاى..
يمكن ينام الحزن
ولو مؤقتاً..
شكراً يا وطن..
سايب ع الرصيف مساحة
لسة ماتباعتش..
خلى عينيك ع العيال
العربيات بتجرى بسرعة
والطريق مفتوح..
ساعات بحس إنك زى النيل
مجروح.. ساكت.. مابيتكلمش
اسرح زى ما انت عايز
بس عشان خاطر العيال
ماتبعدش..
متنساش تأكد ع الواد
رغبة أولى طب..
يا ستى
خليه يروح مطرح ما يحب..
لسة زى ما انت
تنجرح وعلى أد ما تتألم
ماتتعلمش..
جننتنى..
إنتى كمان اتغيرتى عن زمان..
فاكرة لما كنتى تلاقى
ف جيب القميص فلوس
تجرى علىَّ
وقبل ما تقوليلى ضايع منك إيه
كل شىء فى عينيكى يبان..
بقالك كتير مابتفتشيش جوايا..
ياه..
دى العيال نامت
لمى بقى الحاجات معايا

اسرح
زى ما انت عايز
بس عشان خاطر العيال
ماتبعدش..

؟؟؟؟؟؟؟؟؟؟؟؟؟؟؟؟

اقتباس :: لسة زى ما انت
تنجرح وعلى أد ما تتألم
ماتتعلمش..
جننتنى..

مش انت لوحدك والله

كلنا كده ياعم على

وأمل ف نسمه

وضحكه م القلب تكفي

مانعرفش ازاي..

يمكن ينام الحزن

ولو مؤقتآ..

شكرآ ياوطن..

بجد جميلة جدآآآ..وعلي أد ماهي بسيطة بس فيها معاني عميقه أوي..

مشكور يا أ/احمد ان حضرتك بجد جبتها..

وضحكة م القلب تكفى
مانعرفش إزاى..
يمكن ينام الحزن
ولو مؤقتاً..
شكراً يا وطن..
سايب ع الرصيف مساحة
لسة ماتباعتش..
خلى عينيك ع العيال
العربيات بتجرى بسرعة
والطريق مفتوح..

هيصة

» رنين مغناطيسى ..اخر ابداعات الجميل على سلامه
» أسلئة بريئة ..جديد المبدع على سلامه
» موسم امتحانات ...جديد الرائع على سلامه
» سمسم ومشمش ووائل ...جديد على سلامه ....رائعه بجد
» حتى همومك واقفة فى صفك ....جديد الجميل تميم البرغوثى ...رائعة