عايزينها عمار بلا مخدرات

هل تعلم أن الصيدلية إياها بتاعت المؤسسة عاملة خدمة التوصيل للمنازل للحقن إياها؟
هل تعلم أن مسئول الدليفري وأخصائي التسويق و التوزيع سواق موتسيكل عالموقف اسمه ثابت؟
هل تعلم أيضا ان هناك تضامن بين الطبيب إياه و الصيدلي صاحب الصيدلية لتوريد الزباين طازة؟ ده طبعا بعد ما بيقنعهم ان الحل الأمثل لأوجاعهم و آلمهم هو الحقن اللي بيكتبهالهم و يبعتهم يشتروها من الصيدلية إياها
هل تعلم ان الحقن دي مش بس سبب للتوهان و الإدمان لكن كمان تذكرة للخروج من الدنيا و ما فيها؟
هل تعلم ان محدش اشتكى الصيدلي اللي بايع ضميره ده و الصيدلية شغالة على عينك يا تاجر؟

بيتهيألي لازم وقفة لأن الموضوع كده زاد قوي عن حده و دي أرواح ناس انضحك عليهم بالمسكنات لحد ما بقت مخدرات في دمهم تضيع عليها فلوسهم و بعدها أرواحهم لأنها طبعا بلاويها كتير قوي

الموضوع كده بقى شائك جدا لعدة اعتبارات

زائر

طيب ياعم اسلام ما ادم الصيدليه دى . صاحبها معندوش ضمير نبلغ عنه.

مادام هو معندوش اخلاق ولا ضمير. مينفعش نسكت عليه,

لاننا كدا بنساعده . انا من رأى اننا نبلغ عنه . واكيد الحكومه تقدر توقعه .

معلش ياعمنا مادم الموضوع دخل فى تدمير صحه الناس وكمان طريق سريع للموت

يبقى مفيش اعتبارات فى الحالات دى خالص لاى حد

لازم نحاول على قد ما نقدر نعالج ونصلح

العضو الفاسد فينا

وهى حاجه من اتنين

ينصلح حاله ويمشى زى الناس ويبقى فوق راسنا

يانخلص منه ونريح الناس من بلاويه وساعتها مكانه هيبقى تحت الجـ....

والكلام على العموم

منتظر ياعم اسلام منك او من الاستاذ عمر اى تحرك

قانونى او شعبى وانا معاكم قلبا وقالبا

زائر

اقتباس :: ينصلح حاله ويمشى زى الناس ويبقى فوق راسنا

انت بتحلم ياعم احمد.اللى بيمشى فى الطريق دا استحاله يرجع.

اقتباس :: انت بتحلم ياعم احمد.اللى بيمشى
فى الطريق دا استحاله يرجع

يبقى اختار هو بايده الطريق التانى .

والله العظيم نفسى ومنايا اليوم ده

ونفسى تبقى مصر كلها كده

من غير مخدرات ومن غير سجاير كمان

وياريت يا عم اسلام نتحرك فعلا

وانا معكم

نشوف بقى ايه الشكوى اللى تتقدم وكيفية صياغتها

وانا معكم ولكن هل من دليل

ايضا توجد صيدليه بجوار قهوة النجارين تبيع كاش وبالتقسيط
يعنى هتاخد سواء معاك او مش معاك
والغريب ان التى تبيع بنـــــــــــــت
اخت صاحب الصيدليه

هل من دليل

فهد000 كتب:: الموضوع كده بقى شائك جدا لعدة اعتبارات

زائر

هل من دليل ايه ..؟؟. دا على عينك يا تاجر.

ربنا يهدينا جميعا

اقتباس :: وانا معكم ولكن هل من دليل

أسهل ما فى الموضوع ده الدليل

قولى بس عاوز دليل ايه ويكون جاهز عندك النهارده

معاكم قلبا وقالبا

اقتباس :: هل تعلم أن الصيدلية إياها بتاعت المؤسسة عاملة خدمة التوصيل للمنازل للحقن إياها؟

انتو لسه فاكرين دا من زمااااااااااااااااااااااااااااااااااان

وسبق واتكلمت

وبقى الحال كما هو عليه

الموضوع هياخذ

هياخذ 3 صفحات

ويتثبت زى اخوه

ودمتم

هى فين الحلوووووووول اعرض يا عم محمد انت اكتر واحد اتناولت الموضوع دا بحاذفيره

الناس الله عندها الدليل دي وساكتة بتتحمل جز من المسئولية

والله مش صيدلية المؤسسه بس يا دكتور احنا نخليها حمله ع الصيدليات كلهااااا

أنا لما جيت أكتب الموضوع كنت هسميه حملة شباب العمار ضد المخدرات بس رجعت قلت لنفسي ما ينفعش يبقى العنوان كده واحنا ما اتفقناش على حاجة
بس بيتهيألي من الردود الكل شايف ان لازم يكون فيه حل
و أنا دلوقتي بوعدكم بالحل
و هنعمل حملة فعلا و هننضف بلدنا و نحمي أهلها من البلاوي دي كلها
اللي بيروحوا لبتوع البانجو و الحشيش و الهيروين بيبقوا عارفين انه تعاطي لمخدرات و ضرر و بلا أزرق
أما الصيدليات فبتبدأ معاهم بالمسكنات بحجة انها هتريحهم من وجع الشغل و تخلي جسمهم مرتاح و أعصابهم رايقة و عال العال و بعد كده بتتطور شوية بشوية معاهم لحد ما توصل لمرحلة ما يقدرش الجسم يستغنى عنها و الجرعات تزيد و الحقن تتغير باللي مفعولها أشد
تخيلوا ان الحقن دي كفيلة بالموت السريع بمجرد ما تتسبب في جرح دوالي المريء و دوالي المعده و يحصل نزيف و بالسلامة
فعلا لازم لينا واقفة و الموضوع المرة دي لازم ما يعديش بالساهل كده و هنعمل كل اللازم و نكلم كل اللي يقدر يساعد علشان تنتهي المهزلة دي خالص من بلدنا ان شاء الله

ألف حمد و شكر ليك يا رب الصيدلي محبوس من يوم الخميس أربع أيام على زمة التحقيق
و لو ان ممكن كل اللي يحصل غرامة مالية و يتلغي ترخيص الصيدلية و نلاقيه بعدها فاتح صيدلية جديدة بترخيص جديد
لكن عزائنا الوحيد انه ممكن ينصلح حاله بعد البهدلة و الغرامة
و نتمنى ذلك و يارب عقبال باقي الصيدليات اللي بيتاجروا فيها بالبلا الأزرق ده

» مهرجان عمار يابلدى 2 ....هيكون عمار بكم ان شاء الله
» عايزينها أحلى بلد في الدنيا
» حكم جنائي في جناية مخدرات ببنها
» الى اين يا عمار ؟؟؟
» عمار يامشمش...