بشــري سارة لشباب المعلمين

وزير التعليم المصرى يوافق على تعيين 63 ألف معلم

علمت مصادر صحفية أن الدكتور أحمد زكى بدر وزير التربية والتعليم المصرى،أرسل خطابا رسميا للجهاز المركزى للتنظيم والإدارة يخطره فيه بموافقته على تعيين 63 ألفا و760 معلما "مساعدا" على درجة "معلم"، ويطلب الحصول على موافقة الجهاز على تثبيتهم وظيفيا بالجهاز الإدارى للدولة.

ووفقا لجريدة "اليوم السابع" أوضح مصدر مسئول بـ "التعليم" أن الدكتور أحمد زكى بدر يعتزم مخاطبة الدكتور يوسف بطرس غالى وزير المالية لإخطاره بضرورة توفير درجات مالية للمعلمين،الذين تخطوا اختبارات "المعلم المساعد" فى نوفمبر 2009 بنجاح،بمجرد تسلمه موافقة الدكتور صفوت النحاس رئيس "المركزى للتنظيم والإدارة" على تثبيتهم.

وأضاف المصدر أن "بدر" أرسل خطابه إلى "النحاس" عبر الأكاديمية المهنية للمعلمين،والتى يرأس وزير التعليم مجلس إدارتها،وأن قرارات التعيين ستصدر لمستحقيها بعد مرور عام على نجاحهم فى الاختبارات، وهو ما يعنى أن المعلمين سيتسلمونها فى نوفمبر المقبل.

وتعليقا على مطالبات المئات من المعلمين المساعدين لـ "التعليم" بتسليمهم قرارات تعيينهم بمجرد حصولهم على الرخصة الدولية لقيادة الحاسب الآلى،شدد المصدر على أن القانون 155 لسنة 2007 المعروف بـ "قانون الكادر"،ينص على أن يبقى المعلم المساعد 3 سنوات فى درجته قبل أن ينتقل إلى درجة "معلم"،على أن يقضى منهم عامين قبل الاختبار وعام بعده،معتبرا أن الوزارة لم تتأخر فى تعيين الناجحين.

....

وزير المالية يوسف بطرس طلب حصر اسامى من سبق لهم العمل

لتثبيتهم بالعقود ولم يحدث شئ حتى الآن

الغريب بقى ان اللغات مكنش لها نصيب من العمل قبل كدة والله اعلم على السنة الجديدة

ادعيلنا يافندم

انا اخويا بقاله 3 سنين وكل ما يسال حد من المديريه يقولوا منعرفش حاجه

علشان فقد الامل وقال اركز فى الماجيستير احسن ،، ربنا يسهل بقه

زائر

يااااااااااااااااااااااااااا مسهل الحال

خلى الشباب يفرح بقى ..يا حلوتك يا زكى يا بدر

اقتباس :: علشان فقد الامل وقال اركز فى الماجيستير احسن ،، ربنا يسهل بقه

والله عنده حق......

انا كمان قررت وبعد فقدان الامل

مع بداية السنة الجديدة هبدا رحلة الحلم......بالدبلومة

والمشوار للماجستير

فقد الامل قام مذاكر للماجستير امال لو عنده امل زيادة كان عمل ايه هههههههههههههههههه

يا جماعة معظم الملتحقين بالتدريس التعيين هيكون فرصة ليهم علشان يخرجوا من الإطار ده

اللي عايز يسافر يسافر واللي عايز يخرج يشتغل في مكان تاني هيقدر يخرج

وهي دي الميزة الوحيدة من وراء التثبيت

الاجازة المفتوحة بدون راتب

وكل واحد وعلي قدر احلامه وامكانياته ومهاراته الخاصة

اقتباس :: والله عنده حق......

انا كمان قررت وبعد فقدان الامل

مع بداية السنة الجديدة هبدا رحلة الحلم......بالدبلومة

والمشوار للماجستير

ربنا يعينك ويوفقك

اقتباس :: فقد الامل قام مذاكر للماجستير امال لو عنده امل زيادة كان عمل ايه هههههههههههههههههه

اها وان شاء الله هيناقش فى شهر 12 بإذن الله

اقتباس :: يا جماعة معظم الملتحقين بالتدريس التعيين هيكون فرصة ليهم علشان يخرجوا من الإطار ده

اللي عايز يسافر يسافر واللي عايز يخرج يشتغل في مكان تاني هيقدر يخرج

وهي دي الميزة الوحيدة من وراء التثبيت

الاجازة المفتوحة بدون راتب

وكل واحد وعلي قدر احلامه وامكانياته ومهاراته الخاصة

طبعا ،، وكل الناس نفسهم فى كده ،، رينا يكرمهم جميعا

اقتباس :

اها وان شاء الله هيناقش فى شهر 12 بإذن الله

جامعة ايه وقسم ايه ؟؟

أحمد منصور كتب:

اقتباس :

اها وان شاء الله هيناقش فى شهر 12 بإذن الله

جامعة ايه وقسم ايه ؟؟

بنها ،، تربيه رياضيه ،، (ميكانيكية اصابة مفصل الركبه - فى السباحه)تقريبا ده عنوان البحث بتاعه

يا أستاذ أحمد إحنا مش فاهمين

الناس الجديدة الخريجين الجداد خاااااااااااالص اللى لم يسبق لهم أى شىء

ليهم نصيب فى القصة دى ولا ملهمش

ولا الموضوع خاص بالمدرسين المساعدين اللى هياخدوا تعاقد ومن ثم تثبيت؟؟

وضح لو سمحت

وجزاكم الله كل خير

الموضوع ده بيخص اللي في شهر 11 الجاي هيكون مر علي امتحانهم للكادر سنة

اقتباس :

بنها ،، تربيه رياضيه ،، (ميكانيكية اصابة مفصل الركبه - فى السباحه)تقريبا ده عنوان البحث بتاعه

بالتوفيق له يا باشا ان شاء الله

[ندعوك للتسجيل في المنتدى أو التعريف بنفسك لمعاينة هذه الصورة]

ربنا يصبرنا........ بعد ده كله ويقوللنا مدرس مساعد

لاء وايه أروح اقدم يقولولى الموجود عقود (مسرح ......صحافه)
اقولهم أنا انجليزى أشتغل ازاى مسرح ولا صحافه
حسبى الله ونعم الوكيل
لما نشوف اخرتها معاهم

دهب كتب:: ربنا يصبرنا........ بعد ده كله ويقوللنا مدرس مساعد

لاء وايه أروح اقدم يقولولى الموجود عقود (مسرح ......صحافه)
اقولهم أنا انجليزى أشتغل ازاى مسرح ولا صحافه
حسبى الله ونعم الوكيل
لما نشوف اخرتها معاهم

ههههههههههههههه مانا قولتلك ان اخرك هتمسكى اورج او زمارة مصدقتنيش[ندعوك للتسجيل في المنتدى أو التعريف بنفسك لمعاينة هذه الصورة]

لا بس الزمارة هتبقى عليكى ايه ههههههههههه

هتاكل منك حته [ندعوك للتسجيل في المنتدى أو التعريف بنفسك لمعاينة هذه الصورة]

بس انا عايزة اعرف مش اصلا الالتحاق ذى اما بيقول الاستاذ احمد انه على اللى فات سنه على امتحان الكادر

بتعهم انت ايه والنبى اللى وداكى انت كنت رحتى امتحنتى قبل كدا

اقتباس :

طب كنتي قولي واحنا نجيبلك واسطة

يمكن تمسكي حصص الالعاب ولا حاجة [ندعوك للتسجيل في المنتدى أو التعريف بنفسك لمعاينة هذه الصورة]

المدرس المساعد يعني مدرس متعاقد

لما يمتحن الكادر بياخد اللقب ده

وبعده بسنة بيبقي معلم وطبعا بتفرق كتير

وبعد التعيين بتفرق بتفرق يعني مش عايز اقولك المرتبات ايه حاجة ناااااااااار

هسيبك تتصدمي لواحدك ان شاء الله [ندعوك للتسجيل في المنتدى أو التعريف بنفسك لمعاينة هذه الصورة]

والله هما كان فاضلهم معايا لحد ما اكمل دراسة وأطردهم من حياتي إلي الابد

بس لو ربنا كرمهم وثبتونا يبقي للأسف هطردهم إلي أجل معلوم

انتي بالنسبالك المراكز في بنها بالهبل وشغالة كورسات الله ينور

روحي قدمي ورقك وهتلاقي شغل بسهولة وعلي الاقل بنها قريبة ومواصلاتها سهلة بدل

مايحدفوكي في عزبة ولا كفر جنبنا ملهوش مواصلات ولا معالم

واهو يبقي شغل لحد ما ييجي الفرج

وربنا يوفقك يارب وأهو علي الاقل احنا احسن من غيرنا [ندعوك للتسجيل في المنتدى أو التعريف بنفسك لمعاينة هذه الصورة]

» انا فرحان فى المعلمين
» من الوزير : بشري سارة للتربيه والتعليم
» سارة ..
» بشري سارة
» تحذير من تحميل الافلام والاغانى