بنات المنتدى

موضوع: بنات المنتدى الإثنين 01 نوفمبر 2010, 8:55 pm

بسم الله الرحمن الرحيم

السلام عليكم ورحمة الله وبركاته

ان شاء الله ياجماعه احنا محتاجين مجموعه من البنات لتجهيز الملابس المستعمله
فى مقر الجمعيه
والعمل فى الجمعيه بدأ من يوم السبت الماضى والحضور كان ضعيف جدا
وطبعا المعرض قرب جدا فإن شاء الله عايزين نخلص الملابس خلال اسبوع
فياريت يابنات تكون حضرين من بكره
والجمعيه جاهزه طوال النهار للشغل
بس البنات الى اشتغلوا الايام الى فاتت كانو بيروح من بعد صلاة المغرب
واكيد دا طبعا وقت مناسب للجميع

والله المستعان

إن شاء الله نكون متواجدين كلنا

للعلم فقط ,,,

مقرجمعية شباب العمار هو :

الدور الثاني فوق مرسم الاستاذ صلاح موسى امام بنك التنمية والإئتمان الزراعي .

حتى لايختلط الامر على احد .

اقتباس :: إن شاء الله نكون متواجدين كلنا

الحضور امبارح = صفر

حتي البنت الوحيدة اللي موجودة علي طول مكنشي ينفع تشتغل لوحدها

معلش يا أستاذ احمد معلش يا جماعة

إمبارح كان فيه فعلا أزمة

بس يمكن فيه ناس متعرفش لسه هنقولها

وموضوع التوقيت الشتوى بيستوجب نروح بالنهار علشان متأخرش

فتلاقى مشكلة تانية ألا وهى إن المعظم عنده كلية بالنهار

يعنى وشوية حاجات كده

لكن إن شاء الله هيبقى فيه حضور النهاردة وبكره لغاية ما نخلص إن شاء الله

معلش ألتمسوا لينا الأعذار

ربنا يقوىكم يابنات هتوحشنى لمتكم والتجهيزات والجو اللى كنا بنعملوا

والله إنتى اللى واحشانا بجد

ربنا يسعدك وإحنا مفتقدينك جدااااااااااااااااااااااااااااااااااااا

فين أيامك بس؟

متخفيش فيه بنات كتير هنا خليفة ليكى فى الملاعب [ندعوك للتسجيل في المنتدى أو التعريف بنفسك لمعاينة هذه الصورة]

المسئولية مفيهاش اعذار

ومن اول مشروع شنطة رمضان اللي اتعمل زمان واللي بدأ بفلوس جمعتها بنت واحنا بنساعد بعض في العمل ده

احنا بنشيل جزء من المسئولية وانتوا بتشيلوا جزء

دلوقتي للاسف دوركم يكاد لا يظهر الا في التجهيز للمعرض

حتي كمان مشفناش بنت واحدة جابت اوراق اشتراكها في الجمعية حتي اللي كانوا بيلحوا علي فتح باب الاشتركات

وياريت لو عندكم نية للإستمرار

أولا : تقدموا طلبات الاشتراك في الجمعية او علي الاقل طلبات تطوع لو مش عايزين تشتركوا

ثانيا : تكونوا منظمين واحنا هنساعدكم في كدا لان لازم يكون ليكم هيكل منظم

ثالثا : يكون عندكم القدرة انكم تجمعوا بعض ساعة الشغل مش احنا اللي ندور عليكم

احنا بيكفي انك تقول لواحد بس كأنك قلت لكل الشباب

لكن للاسف انتوا محتاجين نقولكم بنت بنت

ونتمني نشوفكم تاني في الصورة المشرفة اللي عهدناها عنكم ..

وانا عارف اني بنده في مالطة وابقوا قابلوني [ندعوك للتسجيل في المنتدى أو التعريف بنفسك لمعاينة هذه الصورة]

ان شاء الله السنه الجيه ابقى اجى ابص عليكم ويوسف اوشوقيه ولادى يسعدوكم وانتوا ترتبوا وهما يبوظوا قصدى يكيسوا

اقتباس :

[ندعوك للتسجيل في المنتدى أو التعريف بنفسك لمعاينة هذه الصورة]

معاك حق والله

انا كنت هكلم البنات النهاردة فى الموضوع ده

خاااااااااااااااصة نقطة العضويات اللى فى الجمعية

إحنا فعلا محتاجين يكون لينا هيكل منظم معترف به عليه واجبات محددة المعالم

بس إنتم كمان مش بتساعدونا كويس

يعنى مثلا القسم اللى كنا بنعرف منه كل حاجة وبنتكلم فيه تم عزلة عننا

وحاجات تانية كتير مناه مبتجبوش سيرتنا إلا فى تجهيز الهدوم بس

لكن إحنا قبلكم بنطالب إنه يبقى لينا كيان واضح

ولسه أنا قايلة الكلام ده إمبارح للطير الباكى

وأعتقد كل البنات بتنادى بده

بس نوعدكم ن شاء الله اللى جاى يبقى أكثر إيجابية خاصة إن البنات عندها الدافع لكده

مش كلام لأ فعل إن شاء الله

الموضوع سهل جدا

ومش بيقف علي حد

اشتغلوا وخلوا في فرصة لبنات جديدة تدخل معاكم

علشان دوركم يستمر

وطلبات العضوية موجودة والهيكل موجود والشغل موجود والقسم موجود

حنين كتب:

طيب السلام عليكم الأول كده علشان هانقول كلام تقيل ع القلب

هيكل ايه بس ؟؟ .. بتفكرونى بالهيكل المزعوم بتاع اسرائيل مبسوط

مش لما تبقوا تشتغلوا الاول تدوروا على هيكلكوا ..!!

حقيقى احنا مكسوفين لكم سلف

هو انتم بتشاركوا ف ايه غير كوي الهدوم وكام يوم ف المعرض ؟؟

حتى الكوي الشئ الوحيد اللى فالحين فيه بتنشفوا فيه ريقنا علشان نجمعكم

وكل واحدة تدخل تقول اعذار واصلى كانى ومانى ..

يا جماعة احنا كنا عشمانين فيكم فى اكتر من كده بكتييييييييييييير

يعنى فين انتوا ودورة نور البيان .. ولا واحدة تقريبا بتحضر .. وتقريبا مش عارفة عنها حاجة

وتقريبا محاولتش انها تحث غيرها على حضورها ..

مع ان أهم دور للفتاة كان فى الدورة دى ..

مفتكرش مرة انكم عملتوا اجتماع بينكم وبين بعض وقومتوا بمعلومة جديدة او قرار متفق عليه بينكم

هو شرط اننا نفكر ليكم ؟؟

انتم ما شاء الله كلكم جامعيات وناس مدركة وفاهمة

مفيش واحدة فكرت فيكم فى انشاء مشروع وسعت من أجل انه يبقى على أرض الواقع

لازم تكونوا فى موضوع مسئولية بجد

يعنى فى ناس بتفكر فى مشروعات جديدة

يعنى فى خمس ست بنات يقوموا مشروع كامل لوحده واحنا نكون مساعدين فيه

او حتى تعملوا جلسة ولو دردشة كل شهر مرة علشان تقربوا من بعض

تتكلموا ف الدين .. كل واحدة تقول معلومة (من غير ما تتمنظر بيها على غيرها) معلومة صافية كده لوجه الله ..

معلش سامحونى لصراحتى

وكلامى ده لكل اخواتى البنات مش اخت حنين بس

يمكن كلامى ده يبقى غلط وانا مش فاهم صح

او اعتبروه على وجه النصيحة وان كانت بطريقة رخمة شوية

لكن والله كتبت الكلام ده من عشمى وظنى فيكم اللى خاب .. يارب ما يخبش تانى

ولو هتزعلوا يبقى تزعلوا من احمد منصور لانه هو اللى نكشنى بكلامه السابق مبسوط

واللى عاوزة تاخد حقها منه هو موجود اهو

والله المستعان .. السلام عليكم

!!!!!!

منظرنا اييييييييييييه تحفه

فرحتوهم فينا منكم لله [ندعوك للتسجيل في المنتدى أو التعريف بنفسك لمعاينة هذه الصورة]

عايزة اقول كلام بس بصراحه ضعفتوا موقفنا وعندهم حق وملناش عين [ندعوك للتسجيل في المنتدى أو التعريف بنفسك لمعاينة هذه الصورة]

روحوا ياشيخه ولا بدعيلكم ولا بدعى عليكم انتى وهى وهى [ندعوك للتسجيل في المنتدى أو التعريف بنفسك لمعاينة هذه الصورة]

الله عليك يا ابونسمة قلت الكلام اللي كنت عايز أقوله [ندعوك للتسجيل في المنتدى أو التعريف بنفسك لمعاينة هذه الصورة]

وطبعا

النهاردة الحضور للبنات = صفر

احنا لسة راجعين من هناك دلوقتي والله

اي نعم مكناش بنشتغل في الملابس وكنا بناكل شبسي بس المهم اننا كنا هناك [ندعوك للتسجيل في المنتدى أو التعريف بنفسك لمعاينة هذه الصورة]

ماتنسوش

إن أول شىء شجعنا للعمل العام

كان بدايته من موضوع ( يا أرض اشهدى ) وكان لأخواتنا البنات

اللى كانوا عاوزينا نساعدهم فى لم فلوس وتقديم مساعدات

فى صورة شنط أو ملابس أو أو ..

واللى كانوا عملوه فعلاً وبالتنسيق مع عنصر نسائى آخر ( أ/عفاف الديب )

وده شىء شجعنا وحسسنا إن الدنيا لسه بخير

لكن استمرارنا ناتج عن اتساع رقعة مشاركة الشباب معنا

وقلة رقعة مشاركة البنات نتيجة للارتباط أو الإنشغال بأمور أخرى خاصة ببيتها

..

وانا أشجع كل شىء ممكن تعمله أخواتنا البنات فى كل أمور العمال العام

إلاّ شىء واحد : الظهور الأخير فى مسرح العمل

لا لشىء إلاً أنهم درر مكنونة

تبث ضيها دون أن يرى أحد هذه الدرة

والله من وراء القصد

،،

إيـــهاب رفعت كتب:: ماتنسوش

إن أول شىء شجعنا للعمل العام

كان بدايته من موضوع ( يا أرض اشهدى ) وكان لأخواتنا البنات

اللى كانوا عاوزينا نساعدهم فى لم فلوس وتقديم مساعدات

فى صورة شنط أو ملابس أو أو ..

واللى كانوا عملوه فعلاً وبالتنسيق مع عنصر نسائى آخر ( أ/عفاف الديب )

وده شىء شجعنا وحسسنا إن الدنيا لسه بخير

لكن استمرارنا ناتج عن اتساع رقعة مشاركة الشباب معنا

وقلة رقعة مشاركة البنات نتيجة للارتباط أو الإنشغال بأمور أخرى خاصة ببيتها

..

وانا أشجع كل شىء ممكن تعمله أخواتنا البنات فى كل أمور العمال العام

إلاّ شىء واحد : الظهور الأخير فى مسرح العمل

لا لشىء إلاً أنهم درر مكنونة

تبث ضيها دون أن يرى أحد هذه الدرة

والله من وراء القصد

،،

سيدى ع الكلام هههههههههههههههههه

ربنا يجعلك نصير للغلابة يا هوبة هيصة

كلامك مظبوطززززززززز

عموما انا برضه بنصرهم .. وده نوع من أنواع التحفيز :\

انا فاهم أسلوبك ياعمرو

وربنا يجعل كل شىء بيتم فى المعرض فى ميزان حسناتك

بما إنك صاحب فكرة المعرض

ويجعله فى ميزان كل من شارك

وربنا يجعله قبل الكل فى ميزان حسنات أخواتنا لإنهم أصحاب المبادرة الأولى خاااالص

وآدى لينك الموضوع اللى غير مسارنا كلنا وكان ليه الفضل فى اللى احنا فيه دلوقتى

وكان واضح الغيرة فى اللى كنا فيها - نحن الشباب - من حماس أخواتنا فى الموضوع :

[ندعوك للتسجيل في المنتدى أو التعريف بنفسك لمعاينة هذا الرابط]

[ندعوك للتسجيل في المنتدى أو التعريف بنفسك لمعاينة هذه الصورة]

دمتم على الخير

،،

هههههههههههههههه

مش الموضوع ده اللي غير مسارنا يا دكتور

الموضوع ده كان فكرة من ضمن الافكار الكتير اللي نزلت علي المنتدي ومتنفزتشي هههههههههههههه

يمكن انت مقرتش كلامى

عمرو قرأ كلامى وفهمنى

الموضوع مكنش فكرة هاتتنفذ

الموضوع كان فكرة اتنفذت من قبل أخواتنا

( حنين - أم مريم - أم يوسف - أ/عفاف - وووووووووووو )

وكانوا بيعرضوها علينا مش أكتر

__

الفكرة إن الناس اتحركت قبلنا

وحركونا

واحنا ممنونين ليهم بده

من باب قوله تعالى :

( ولاتنسوا الفضل بينكم )

فنعذرهم الآن على قلة المشاركة نظراً للظروف التى يفرضها أى بيت على محارمه

وننتظر منهن بإذن الله أفضل مما نعمل

فهم أصحاب فضل وسبق

..

دمتم على الخير

،،

لا يا دكتور الكلام حاجة والفعل حاجة تانية

بالنسبة للكلام فالموضوعات اللي اتعملت فيها افكار وحتي تم في بعضها بعض التحركات الضعيفة

كتير جدا وملهاش حصر

لكن انا بتكلم عن اول تحرك حقيقي اللي كان مشروع شنطة رمضان يمكن انت مكنتش موجود معانا في الوقت ده

المشروع ده اتفقنا نلم تبرعات ليه وفعلا اتحركنا كلنا

لكن اكبر تحرك واكبر تبرع اتجمع كان من خلال الاخت ام يوسف بمفردها

والكلام انا بقوله من باب ولا تنسوا الفضل بينكم زي ما انت قلت

وبعد كدا كان دور اخواتنا البنات بينحصر في توزيع شنط رمضان وفي معرض الملابس

وبعض المشاركات في الابحاث والنزول مع جمعية رسالة

وطبعا الاخوات اللي شاركوا معروفين جيدا

لكن طبعا أغلبهن أصابهم الفتور الان

لكن طبعا لسة في اللي مستمرين وبمنتهي النشاط وربنا يجزيهم عن هذا العمل كل خير

وده اللى انا عاوز اثبته من الأول

لهن فضل + حماسة

لكن معندهمش الوقت الفاضى مثلاً زيك يا أ/أحمد + اعتبارات البيت ..

فلنعذر .. ولا نحكم بالفتور على أحد أو بالتقصير

وهو المطلوب إيضاحه##

يا جماعة مش محتاجة الكلام ده كله

انا والله قلت كلامة من باب التحفيز وإن كان عن طريق المزاح علشان فى عشم ..

وأكيد اخواتى البنات مش زعلانين من الكلام اللى انا قلته واللى زعلانة من اى كلمة قلتها فأنا بسحبها ..

حقا كل بنت شاركت فى العمل ولو بأقل القليل فهى خير من كثير من الشباب اللى مساعدوش فى أى شئ ..

وكمان أى بنت شاركت بأقل القليل فنحن نحفظ لها ما فعلت .. يكفى ان وراها بيت وأسرة وأب وأم واخ ممكن حد فيهم يمنعها من الخروج فى أى وقت ..

الراجل منه حر نفسه يخرج وقت ما هو عاوز لكن اخواتنا البنات المحترمات لا يملكون ذلك ..

فكون انها بتيجى على نفسها وتشارك حتى ولو بالسلام والاطمئنان على اخواتها البنات اللى بيشتغلوا فهذا فضلوا استطاعوا ان يقدموه .. وعلينا نحن ان نحفظ لهم ذلك ..

وبكرر .. كلامى اللى فات من دافع التحفيز على سبيل المزاح فقط عشم فى اخواتى البنات ..

وربنا يجازيهم عنا خير .. وأكيد كان لهم دور قوى فى البداية والكل يشهد بهذا ..

وكلهم فضليات .. وكلهم محترمات .. وكلهم متساوون فى الفضل فيما بينهم فى العمل الخيرى ..

أى خدمة يا جماعة الفتيات .. المرة دى نصفتكم .. ياريت بقى القرشنات تيجى لى ع البيت علشان الواحد عاوز يحوش والحالة ضنك [ندعوك للتسجيل في المنتدى أو التعريف بنفسك لمعاينة هذه الصورة]

والله المستعان

معلش عندى كلمتين عايزة اقولهم من فترة

احنه مشاء الله مبقناش فالحين غير فى الكلام وبقينا اكثر ناس تتكلم وخلاص

يعنى زمان كنا نزعل ونقول متكتبوش اى حاجه من العمل بتاعنا على المنتدى ويبقى بينا

طيب ماشى مبقناش ننطق ولقينا الحال ساء اكثر يعنى هو فعلا لازم نهلل ونعيد ونزيد فى الكلام

عشان نقول محتاجينكم تيجوا تجهزوا امال كان مزعلكم اما كنا نطلبكم على المنتدى

طيب مانتم دلوقتى عارفين ومكبريين

كل يوم نتكلم ونقول هنيجى وهنعمل وهنسوى عايزة اشوف بنت من اللى جم تقول جيت ومسكت

كويت طرحه حتى فين بقى بنات المنتدى اللى شاطريين بس فى الكلام

وربنا احنه مافالحين غير فى الكلام وبس ودى حقيقه بس حقيقه تزعل بجد

طبعا كالعادة هتقوله ماشغولين ربنا يقويكم بس مشغولين يبقى نقول احنه مش فاضين

ومش هنقدر نشارك معاكم و ونعتزر وساعتها الشباب يتصروفوا فى اللبس دة

اما مش نقعد نقول هنعمل ونسوى وكلام الليل مدهون بزبدة يطلع عليه النهار يتبخر

دلوقتى والحمد لله اللبس حتى اللى اتعمل يعتبر عايز يتعاد كمان بسبب الاهمال

وان محدش بييسال وكله شاطر بس يقول ويتكلم يافرحتى

عموما من دلوقتى ياااااريت الشباب يجوا هما اللى يكملوا لانى البنات اعتذرت خلاص

ومحدش بيجى ولا هيعمله حاجه يبقى الاول تيجوا تشيلوا اللبس دة قبل مايتبهدل اكثر من كدا

ودلوقتى يبقى مسئوليه اللبس بقت من اختصاص الشباب واللبس فعلا لو قعد اكثر من كدا مش

هيبقى له مكان غير انه يترمى افضله والله

والله اما بلغت اللهم فشهد

اة ومعلش ولو حد زعل من كلامى

وكل سنه وانتم طيبين

[ندعوك للتسجيل في المنتدى أو التعريف بنفسك لمعاينة هذه الصورة] انا يابت اجيلك هدى نفسيتك ياشوقيه

» هام لكل بنات المنتدى
» طلب من بنات المنتدى
» بنات المنتدى
» هام لمعظم بنات المنتدى
» كلمات لكل بنات المنتدى وكل البنات الملتزمه