طلب من بنات المنتدى

ياجماعه انا بعانى وكتاب الله والدى ووالدتى راحو السعوديه لاخويا وقاعد لوحدى فالبيت وكانوا سيبين كفته اللى هى بالرز دى اللى بتتصبع ومش عارف اعملها وظهقت من اكل المحلات والتك اواى ده عاوز اكل حاجه بيتى كده فوالنبى عاوز كده بنات المنتدى اللى انا متاكد ان نفسهم حلو فالاكل بجد بتتعمل ازاى هى جاهزه وفالفريزر ازاى بقى احطها على النار وتطلع مستويه ومعاها الميه الحمره دى والنبى جوبونى وكمان الرز اللى بشعريه والمحمر كمان وكل ماجى اعمل حاجه هتقل عليكوا معلش بقى انتو اخواتى

[/center]بص جيب توم وقشره وبعدين دقه كويس وحطه في حله وعليه سمنه لعند ميقرب يتحمر قوم حاطط الطماطم اللي فرمتها في الخلاط وصفيتها علي التوم وبعد متنشف من ميتها تتسبك يعني قوم مزودها شوربه وحط عليها توابل واول متقلب حط الكفته فيها بس خلي بالك مبتخدش سوا عشان متفكش منك في الحله ودوق حدقها وبالهنا والشفا [center]

ماتنساااااااااااااااااااش تقمر العيش ياسيكا بص هتجيب الرغيف وتولع البوتجاز ماشى وبعدين تحط الرغيف على ضهره مره ومره على وشه بس ولما يسود شيله بسرعه كدا معناه ان هو اتحرق ارميه بقى وهات فينووووووو

ورده بلادى كتب:

سيكا لو مش عندك شوربة حط مية عادى ومعاها مكعب ماجى

بالنسبة للأرز

تجيب شوية رز صغننين وتحمرهم بمعلقتين سمنة وتفضل تقلب فيهم ولما يقربوا يحمروا تحط عليهم شوية من شعرية الرز الرفيعة دى حوالى 1/8 كيلو

هو حد بيعمل الرز والشعريه مع بعض انا اعرف يا ارز محمر وعااه ارز ابيض لوحده

وفى ارز بالشعريه


وفى ناس وكان جديد عليه الارز بالسان العصفور

والاجدد منه الارز بتاعك يا ورده هههههههههههههههههههههههههههه

على فكرة يا سيكا الظاهر عليهم مبيعرفوش يطبخوا وشكلهم هيورطوك ورطة جامدة

خليك فى الاكل اللى برة البيت أحسن وقضيها كشرى [ندعوك للتسجيل في المنتدى أو التعريف بنفسك لمعاينة هذه الصورة]

انا مش عارف يا استاذ عمرو والله انا دوخت هو انا هعمل الحاجات دى كلها انا هجرب هعمل ايه نفسى اكل اكل بيتى بس لو حاجه باظت هفضحكو فى المنتدى [ندعوك للتسجيل في المنتدى أو التعريف بنفسك لمعاينة هذه الصورة]

طب هو مينفعش زيت بدل السمنه معلش والنبى هتقل عليكوا انا جعااااااااااااان وبعدين انا شايف اختلاف على الرز حددوا انتو بتتحكموا فمصير نص كيلو رز لسه جيبوا من عند مقله الحاج محمد مرزوق دلوقتى اه بقله اهو

سيكا كتب:

انا مش عارف يا استاذ عمرو والله انا دوخت هو انا هعمل الحاجات دى كلها انا هجرب هعمل ايه نفسى اكل اكل بيتى بس لو حاجه باظت هفضحكو فى المنتدى [ندعوك للتسجيل في المنتدى أو التعريف بنفسك لمعاينة هذه الصورة]

طب هو مينفعش زيت بدل السمنه معلش والنبى هتقل عليكوا انا جعااااااااااااان وبعدين انا شايف اختلاف على الرز حددوا انتو بتتحكموا فمصير نص كيلو رز لسه جيبوا من عند مقله الحاج محمد مرزوق دلوقتى اه بقله اهو

متسمعش كلام الاستاذ عمرو واعمل اللى ورده قالتلك عليه هى تعرف اكتر منى فى النقطه دى بالذات ولطير الباكى برضوا كان رائيها انك تقلل الكميه

اقولك على حاجه انا بعملها لما مكنش عارفه اعمل حاجه فى الاكل وزهقنا من اكل التك واى واسمه برضوا اكل بيتى


هات علبه تونه ومعاه عيش وحط على التونه لمون وفلف اسود وطماطم يبقى اسهل بكتير


ولا اقولك هات كشرى وريح نفسك اسمع كلام الاستاذ عمرو

ظهقت من التونه هو كل يوم تونه وجبنه رومى اتخنقت يامروه اكل بيتى بيتى فهمانى بصى انا هاعمل واتكل على الله وربنا يستر وهقولكم على النتيجه بس لو حاجه باظت هقول بصوت عالى بنات منتدى شباب العمار مبيعرفوش يشرحوا متقلقوش مش حاجه تانيه [ندعوك للتسجيل في المنتدى أو التعريف بنفسك لمعاينة هذه الصورة] علشان بس لسه قدامى شهر عبال ميجوا ماشى

هو انت هتفضل تاكل الكفته وارز لغايه لما الناس ترجع ولا ايه يا سيكا

احنا ممكن كل واحده فينا يا بنات توصفله اكله كل يوم
وهو ينفذها لغايه لما الشهر يخلص ويبقى كله بثوابه بس انا عن نفسى محدش يستنى منى اقوله على اكله


لو حد عايز ياخد مكانى عشان انا بحب الاكل الجاهز

حلوه زى الشاطر دى والله يا اختى سومه فكرتينى بايام حلوة قوى [ندعوك للتسجيل في المنتدى أو التعريف بنفسك لمعاينة هذه الصورة] شكرا على الاقتراح ده بس انا اكيد فكرت فى كده بس محبتش اتقل عليهم والله وغير كده كل واحده منهم متجوزه وعندها عيال يعنى مش فضيالى انا لو روحت هتعمل وهتبقى مبسوطه بس بصراحه مبعرفش اتقل على غير عليكوا [ندعوك للتسجيل في المنتدى أو التعريف بنفسك لمعاينة هذه الصورة]

والله يا يااختى ورده فى واحد هيجى يتغدى معايا والله انا هاعمل زى مقولتولى بالظبط وربنا يستر بس انا متفائل

الفكره دى بقى يا اختى مروه عجبانى جدا اى نعم هتتعبوا معايا شويتين بس كله بصوابه بس ياريت تكون انواع مختلفه

واضحكى توى يا اخت حنين ماانتى لو بتعانى زى وبعدين انتى اصلا شكلك مبتعرفيش تطبخى

هو مين اللى هيقول لسيكا النهارده على اكله ؟

هو راح فين ليكون عمل الكفته بشكل تانى شكلنا غلطنا فى حقه يا بنات عايزين حد يدور عليه لايكون حصله حاجه


الله يسسمحك يا ورده

انا هنااااااااااااااااااااااااااااااا استنى شويه اما اخد نفسى متقلقوش الرز والله لسه على النار هروح اشوفه واجى احلى حاجه تطبخ وانت فاتح المنتدى علشان تعرف تطبخ ازاى [ندعوك للتسجيل في المنتدى أو التعريف بنفسك لمعاينة هذه الصورة]

هااااااااااااااااااااااااااااااااااااا [ندعوك للتسجيل في المنتدى أو التعريف بنفسك لمعاينة هذه الصورة]


وكتاب الله عملتها والله العظيم الكفته طلعوا زى ما انا بكلهم علطول والراجل كل وانبسط الحمد لله

بس فى تعليق بامانه انا عملت الرز بس حسيت ان شكله معجن شويه هقولكم عملت ايه حمرت الشعريه ونقيت الرز وغسلته وحطيت الميه من الحنفيه وحطيت مكعب ماجى بس