صرخات ساخرة (12) إدارة المنتدى ..!!

ما أحلاها إدارة المنتدى

بما إننا طبعا فى منتدى كبير لبلدنا .. وبما إننا فى سلسلة صرخات ساخرة والتى أصبحت بالتبادل مع أخويا الكبير إسلام طلعت .. قلت نشجع بعض شوية وأضيف حاجة بسيطة كده متواضعه لما يقدمه هو بإسلوبه السلس الجميل ..

تعالوا نتخيل أن المنتدى بمثابة دولة كبيرة كالدولة التى نعيش فيها .. ودعونى أعمل إسقاط بسيط .. وليكن الأعضاء مثلا هم الشعب المحكوم والمغلوب على أمره .. ويتوسط هؤلاء الأعضاء ,, كبار الأعضاء القدامى وهم من يمثلون طبقة كبار الدولة ورجال الأعمال الكبار والمستثمرين .. حتى نصل إلى نواب مجلسى الشعب والشورى ويتمثلون فى مشرفى أقسام المنتدي .. كما تظهر إدارة المنتدى بشكل حكومة جمهورية مصر العربية وهنا مربط الفرس ..

إدارة المنتدى ترى نفسها انها فوق القانون (قانون المنتدى) .. وينبغى التعامل معها بحذر .. وحينما تخطأ فهى الإدارة .. يعنى مين هيحاسب الإدارة ؟؟ مين هيحاسب نفسه ؟؟ دى حاجة غريبة قوى ..

تعالوا نتكلم شوية عن السطحية .. السطحية جاية من السطح وهو أعلى الشئ أو قمته أو ممكن تقول هوامشه .. بالظبط زى ما هو موجود فى الحكومة المصرية .. أحسن ناس ممكن تتعامل مع الأمور بسطحية مهمشة وضحك وهزار .. وأحسن ناس تتعامل مع كلام الشعب على انه فضفضة زى ما انا بفضفض كده .. أحسن ناس تتعامل بمبدأ كبر دماغك .. بالظبط هو ده اللى موجود فى إدارة منتدانا الجميل ..

مشكلة عاوزة تتحل .. حلها إيه ؟؟ كبر دماغك .. او همش الموضوع .. أو تعامل معه بهزار ومزاح وسطحية .. وعادى يعنى .. بكرة صاحب الموضوع ينسى .. هو هيقرفنا شوية وبعد كده الأمور هتسير عادى .. هى دى حلول الإدارة ..

فكرة جديدة وعاوزين ننشطها .. نتعامل معاها ازاى ؟؟ هيص الناس كلها وطبطب على كله وخلى كله أخر سلطنة .. ووزع أوسمة ونياشين على كله .. وأهو كله ببلاش ..

هو ده فكر الإدارة ..

ومننساش استمساك المديرين بالإدارة من غير داعى كما هو الحال تمسك الحزن الوطنى بالدولة رغم أنف الجميع ..

أكبر منتدى عربى له مديرين أتنين وبس .. أكيد منشئ المنتدى واحد منهم ودا حقه ..

لكن عندنا طبعا ما شاء الله المديرين عدد لا حصر له .. لدرجة انهم وصلوا إلى حد الملل .. ووصلوا المنتدى للحالة دى .. لدرجة ان الاحساس ده وصل للاعضاء نفسهم ..

منتدى شباب العمار النهاردة زى امبارح زى بكرة .. مفيش جديد ..

طيب مفيش جديد .. حاول تجدد .. أو سيب غيرك يجدد ..

زهقنا بقى من عصر مبارك وعاوزين نشوف عصر غيره حتى لو كان عصر (أسوأ) .. أهو ع الاقل يكون فى تجديد !!!!!!!!!!!

ولا إيه رأيكم يا شعب مغلوب على أمره قصدى يا (أعضاء) ؟؟ أنا كده هابقى زعيم ثورة زى سعد زغلول مثلا ..

واشوفكم على خير فى الأرميدان وابقوا زورونى بالعيش والحلاوة .. ويارب ما انطرد ..

.
.

[ندعوك للتسجيل في المنتدى أو التعريف بنفسك لمعاينة هذا الرابط]

.
.

انا عاوز عصير عنب [ندعوك للتسجيل في المنتدى أو التعريف بنفسك لمعاينة هذه الصورة]

فكرة تنطرد دا كان زمان أيام ما كانت الحكومة لسه حاطة فى عينها حصوة ملح
دلوقتى الحكومة بقت تتصرف فى المنتدى كأنة تركة ورثتها والأعضاء ملهومشى فيا حق
واللى يتكلم فرقة الأمن المركزى واقفة على الرئيسية بالعصيان
مش عارف موضوعك ده عدى منهم ازاى
بس الشهاده لله فى ناس هنا واخده حقها تالت ومتلت أسماء ليها شنه ورنه فى البلد زى صفوت الشريف وكمال الشاذلى كده محدش يقدر يدوس لهم على طرف واللى يزعل من الشعب يشرب من البحر عشان خاطر أعوان النظام
والنظام جت له تخمة ونايم فى العسل نوم
وده شجع اعوانه انهم يبرطعوا فى المنتدى زى ماهم عاوزين
يعنى عندك على سبيل المثال القماح حاطط توقيع مخالف للوايح والقوانين وهو عارف كده كويس بس تقول ايه مسنود
وصار مطلوبا من الشعب ان يرحل ويدور له على بلد تانية يعيش فيها يايرضى ويرضخ للأمر الواقع
اشوفك بعد بكره ياعمور
بس ياريت الاقيك
سلام

احنا بلد جمهورية

يعنى اعتقد ان لازم يكون فى انتخاب كل فترة

انا اطالب بالكوتة اللى الريس قال عليها [ندعوك للتسجيل في المنتدى أو التعريف بنفسك لمعاينة هذه الصورة]

إدارة المنتدى = حكومة الدكتور نظيف

ولا تعليق [ندعوك للتسجيل في المنتدى أو التعريف بنفسك لمعاينة هذه الصورة]

أ- مسعد النجار .. كلامك هيودينا احنا الاتنين ورا الشمس .. يا ترى هنروح انه منفى ؟؟ [ندعوك للتسجيل في المنتدى أو التعريف بنفسك لمعاينة هذه الصورة]
لكن بخصوص التوقيع المخالف للقماح .. أعتقد انه لسه منزله .. وأكيد مفيش مدير شافه لحد دلوقتى .. لكن الاشكالية ان القماح نفسه مشرف عام .. يعنى المفروض ما دام هو حاطه ومش همه مخالفة القوانين .. من وجهة نظرى يبقى أقل تقدير للى حصل ده وبجد مش هزار .. يترفع عنه الإشراف فورا ..

عموما أنا مستنى حد يدخل ويشكر شوية فى الحكومة بتاعتنا يمكن ترضى عنا وتخفف الحكم شوية ..

وردة بلادى .. حلوة موضوع الانتخاب ده .. لكن أظن انه صعب .. أنا شايف ان فى ناس نشيطة مش محتاجة ننتخبها .. بس ع الاقل يكون فى تغيير ..

أجمد مهندس كتب:: انا عاوز عصير عنب [ندعوك للتسجيل في المنتدى أو التعريف بنفسك لمعاينة هذه الصورة]

بطل المداخلات غير المفهومة دي يا شوريف

ـــــــــــــــــــــــــــ
كلمة بحنن بيها قلب الإدارة عليا :

بلاش تفتكروا أن موضوع دى بعمل بيها انقلاب عليكم .. دا مجرد تنشيط للمنتدى [ندعوك للتسجيل في المنتدى أو التعريف بنفسك لمعاينة هذه الصورة]

AhMeD ELSaYeD كتب:: إدارة المنتدى = حكومة الدكتور نظيف

ولا تعليق [ندعوك للتسجيل في المنتدى أو التعريف بنفسك لمعاينة هذه الصورة]

ولا تعليق ايه يا عمنا

الكلمتين دول يتقال فيهم مجلدات .. انت بتحاول تهرب من المنفى اللى احنا هانروحه ؟؟ معانا معانا [ندعوك للتسجيل في المنتدى أو التعريف بنفسك لمعاينة هذه الصورة]

حكومة الدكتور نظيف يعنى أنظف حكومة لحد ما نظفت الدولة من الفلوس .. ونظفت أفكار الشباب مبقاش فى فكر اصلا .. إضافة إلى نظافة الدولة من الموضوعات الجديدة .. يعنى روح ملل زى العسل

وسلملى على نظيف ..

الأستاذ عمرو إمام زعيم ثورة التغيير

على حق فى كل حرف قالها ونحن خلفك ننادى بنفس المضمون

فعلا يعنى مثلا:

ليه الإدارة ثابتة دايما ؟ ده أول سؤال

ليه مفيش مشرفين ؟ ده تانى سؤال

ليه بقوا يكسلوا يعنى ممكن يشوفوا الحاجة وميعملوهاش

مبقاش عندهم طاقة لشىء

ليه مبيسألوش فى اقتراحات الناس وشكواهم؟؟

ليه من حقهم يغيروا ألوانهم كل شوية وإحنا لأ؟؟

ليه الإدارة عايشة فى برج عاجى يا أخوانا ؟؟[ندعوك للتسجيل في المنتدى أو التعريف بنفسك لمعاينة هذه الصورة]

أرجوكم دعوة للإصلاح والتغيير

يا أستاذ عمرو لازم يبقى لينا طلبات تتقدم فى عريضة إصلاح

السلام عليكم ورحمة الله وبركاته

اذا كان هناك أنقلاب لابد من أنقلاب من أجل التغيير وليس أنقلاب من أجل الانقلاب دى أول حاجة

تانى حاجة ليه حضرتك بتطالب بتغيير الادارة وعلشان أيه ؟

على فكرة لو كان التغيير من أجل تنشيط المنتدىالعيب مش فى الادارة العيب على الاعضاء

الادارة مش مطلوب تعمل كل حاجة علشان

تنشط المنتدى لازم كل عضو يقدم فكرة لتنشيط المنتدى

وأحيانا عنصر الخبرة بيكون مطلوب يعنى لما تغير الادارة بعد ما أحترفت المنتدى بإدارة جديدة

تعك على ماتتعلم ويارتها هتقدم جديد

لى عودة

نريد الإجابة على أسئلة الأخت حنين

أعتقد اننا لسه بننده فى مالطة يا حنين

لسه مفيش حد صحى م النوم

أو صاحيين وبيستهبلوا [ندعوك للتسجيل في المنتدى أو التعريف بنفسك لمعاينة هذه الصورة]

عمرو البكرى كتب:: السلام عليكم ورحمة الله وبركاته

اذا كان هناك أنقلاب لابد من أنقلاب من أجل التغيير وليس أنقلاب من أجل الانقلاب دى أول حاجة

تانى حاجة ليه حضرتك بتطالب بتغيير الادارة وعلشان أيه ؟

على فكرة لو كان التغيير من أجل تنشيط المنتدىالعيب مش فى الادارة العيب على الاعضاء

الادارة مش مطلوب تعمل كل حاجة علشان

تنشط المنتدى لازم كل عضو يقدم فكرة لتنشيط المنتدى

وأحيانا عنصر الخبرة بيكون مطلوب يعنى لما تغير الادارة بعد ما أحترفت المنتدى بإدارة جديدة

تعك على ماتتعلم ويارتها هتقدم جديد

لى عودة

بالراحة علينا يا عم عمرو مبسوط

تنشيط منتدى ايه بس ؟؟

هو المنتدى عاوز ينشط ؟؟

المنتدى عاوز شحن من جديد

دا الملل خيم على أرجاؤه

وبعدين انا اتكلمت فى اكتر من نقطة

ردودها ع الاعضاء بسطحية دا أمر لابد الأخذ منه فى الاعتبار وبعناية شديدة

للأسف ممكن الادارة مش واخدة بالها من ده او بتتصرف بحسن نية ودا اكيد .. لكن لازم تاخد بالها من عواقب ما يصل إليه الطرف التاني من السطحية فى التفاعل ..

مش كل حاجة اضحك واهزر عليها

ومش كل حاجة برضه أخدها بجدية شديدة

لازم يبقى فى طرف وسط .. امتى أهزر وامتى أتكلم جد ..

أنا مش بعدل على الإدارة وهى أكيد شايفة أحسن منى

لكن على الاقل يبقى فى تبادل فى الافكار

وانا شايف تقريبا عدد الادارة تقريبا 7 أو يزيدون

عدد لا يستهان به أبدا .. يعنى كل واحد فيهم جدير انه يشيل أكبر منتدى

ومع ذلك مش شايفين جدييييييييييييييييييييييد

أما بخصوص الخبرة .. فأقولك .. صل ع النبى

مين فينا ابتدأ بالخبرة ..

مفيش مانع انه يكون فى عنصر خبرة واحد والتاني يتعلم ويشتغل ..

كلامك فتح عليا باب جهنم .. ابقى تعالى زورنى بعيش وحلاوة فى خان الخليلى مبسوط

ردودها ع الاعضاء بسطحية دا أمر لابد الأخذ منه فى الاعتبار وبعناية شديدة

ده حله بسيط ممكن التنويه عليه معاهم ونشد أنتباهم ليه

مش كل حاجة اضحك واهزر عليها

ومش كل حاجة برضه أخدها بجدية شديدة

لازم يبقى فى طرف وسط .. امتى أهزر وامتى أتكلم جد .

ده لان الادارة ناس مننا وقريبين مننا فده كله بيبقى عشم برضو ممكن التنويه والتنبيه على كده

انا شايف تقريبا عدد الادارة تقريبا 7 أو يزيدون

عدد لا يستهان به أبدا .. يعنى كل واحد فيهم جدير انه يشيل أكبر منتدى

فريق الكرة بيتكون من 11 لاعب مينفعش لاعب واحد يقوم بدور الدفاع والهجوم وخط الوسط

أما بخصوص الخبرة .. فأقولك .. صل ع النبى

عليه الصلاة والسلام

مين فينا ابتدأ بالخبرة ..

أكيد انت وانا وغبيره وغيره عايز الكل يبقى إدارى أمال الاعضاء هتبقى فين

مفيش مانع انه يكون فى عنصر خبرة واحد والتاني يتعلم ويشتغل ..

لو فيه عضو يصلح للادارة ممكن يقدم مقومات الادارة عنده للمنتدى وأكيد هيبقى من الادارة

لان الكلام مش لوجيك لما أقول لحد أستعد انت من الادارة

متابع

مين قال كده فريق الكرة 11 لاعب مينفعش واحد بس يلعب ويشيل الفرقة كله

كله هيبان .. متستعجلش يا استاذ عمرو

Amr Emam كتب:: كله هيبان .. متستعجلش يا استاذ عمرو

مش فاهم

يعنى هيبان ان كان فعلا ينفعش يلعب 11 واحد فى المنتدى زى الملعب ولا لأ ..

اقتباس :: حكومة الدكتور نظيف يعنى أنظف حكومة لحد ما نظفت الدولة من الفلوس .. ونظفت أفكار الشباب مبقاش فى فكر اصلا .. إضافة إلى نظافة الدولة من الموضوعات الجديدة .. يعنى روح ملل زى العسل

[ندعوك للتسجيل في المنتدى أو التعريف بنفسك لمعاينة هذه الصورة]
والله يا أ /عمرو كلامك خلص علي كل الكلام اللي عندي مش لاقية رد..

اقتباس :: أو صاحيين وبيستهبلوا [ندعوك للتسجيل في المنتدى أو التعريف بنفسك لمعاينة هذه الصورة]

أكيد بيستهبلوا..[ندعوك للتسجيل في المنتدى أو التعريف بنفسك لمعاينة هذه الصورة]

مش غامقة قوي كده يا عمور
خليت الصورة ضلمة زيادة عن اللازم

يلا اهو كلو بيهيص فى الهيصه ..

بس دى أقل حاجه عندنا ..

ـــــــــــ

اعتقد ان الكلام اللى عمرو كاتبه دا دا اقتباس من الكلام اللى كان بيتقاله لما كان مدير المنتدى بس فى صورة مهذبه شويه ..

اما بخصوص رد الاستاذذذذذذذذذذذذذذذذذ مسعد فاحنا بقينا نحط ثكر أصله أغلى وأطعم.. [ندعوك للتسجيل في المنتدى أو التعريف بنفسك لمعاينة هذه الصورة]

ودى أجمد صويطه عمرو أمام كتبها .. [ندعوك للتسجيل في المنتدى أو التعريف بنفسك لمعاينة هذه الصورة]

الغالى اسلام طلعت : مش مغمقها قوى ولا حاجة .. الصورة طلعت فى الضلمة ومفيش فلاش [ندعوك للتسجيل في المنتدى أو التعريف بنفسك لمعاينة هذه الصورة]

الثكر محمد عبد السلام : أنا كان بيتقالى أكتر من كده .. ولا تزعلشى

بس على الأقل كان بيبقى فى رد فعل جد شوية مش كله هزار يا محمد يا ثكرة انت

انتوا لازم تاخدوا قرار بينكم وبين نفسكم انكم تغيروا .. وتيجى منكم أحسن ما تيجى من غيركم [ندعوك للتسجيل في المنتدى أو التعريف بنفسك لمعاينة هذه الصورة] ..

رد أ/محمد عبد السلام الثكرة
يجبرنا اننا نعتذر للإدارة عن ثوء نوايا الأعضاء
الناس مثكره اهى ياجدعان
اهو انتوا كده
لا بيعجبكم العجب ولا الصيام فى رجب
ادام الله مولانا السلطان
وثكر مولانا السلطان
متأثف ياعمو محمد

[ندعوك للتسجيل في المنتدى أو التعريف بنفسك لمعاينة هذه الصورة]

مره واحد اول مره تروح الكوافير علشان تظبط شعرها ،، الست جاتلها بتقلها فرد ولا كوى

قالتلها لأ فلينى شويه [ندعوك للتسجيل في المنتدى أو التعريف بنفسك لمعاينة هذه الصورة]

بصراحة هقول رأيي

انا ميهمنيش مين مدير لكن يهمني آداء المنتدى

وخلينا ندخل في صلب موضوع الإدارة شوية

هي الإدارة يعني الأهداف والنتايج يعني ممكن دلوقتي

ممكن اراجع اهداف إدارتنا وأعرف أقيمهم من واقعهم بعد سنوات إدارة

ولا الإدارة خدمات فممكن أقيم الإدارة بخدماتها للمجتمع العماري

ولا الإدارة بالإستجابة لطلبات الأعضاء وإحترامهم

ومعاملتهم على أنهم أصحاب المنتدى وكنزه

وضمانة نجاحه

لكن لو الأمر زي ما الأستاذ عمرو مشبهو بالحكومة يبقى الموضوع إلى زوال

لأن لو مجموعة المؤسسين تعاملو بإستعلاء هيخسرو الأعضاء بكل سهولة

وحابب اقول إن بلدنا كبيرة جدا في عدد الشباب

وعدد المشتركين لا يعبر عن عدد الشباب ولا عدد اجهزة الحاسوب فيها

وده برضو معيار قياس لنجاح الإدارة

ولازم اي إدارة ناجحة نعمل منحنى لعدد الأعضاء على عمر المنتدى

المحصلة عاوزين نتيجة مش أشخاص

الإدارة لخدمة المنتدى واعضاؤه

مفيش كبير في مدير يعني بيدير بحيادية

لو تسلط ميكونش مدير يكون اي حاجة تانية

مسعد النجار كتب:: رد أ/محمد عبد السلام الثكرة
يجبرنا اننا نعتذر للإدارة عن ثوء نوايا الأعضاء
الناس مثكره اهى ياجدعان
اهو انتوا كده
لا بيعجبكم العجب ولا الصيام فى رجب
ادام الله مولانا السلطان
وثكر مولانا السلطان
متأثف ياعمو محمد

يااااه يا أستاذ مسعد

حضرتك عندك خطأ لغوى شنيع مع إن حضرتك على ما أفتكر مدرس لغة عربية

"سكر" تُكتب بالــ "س"مش الـ "ث"

برجاء تصحيح الرد "يعنى مفيش مدرس لغة عربية يغلط الغلط دا "

ـــــــــــــــــــــــــــ

عندى سوأل :

هو ليه أى حد بيعترض على أى حاجه حضرتك بتكون واقف فى أول الصف ومعترض معاه ..

أنا على حد علمى إنك مش منتمى لاى حزب معارضة ..

اقتباس :: عندى سوأل :

هو ليه أى حد بيعترض على أى حاجه حضرتك بتكون واقف فى أول الصف ومعترض معاه ..

أنا على حد علمى إنك مش منتمى لاى حزب معارضة ..

سؤال وجيه جداً [ندعوك للتسجيل في المنتدى أو التعريف بنفسك لمعاينة هذه الصورة]

» صرخات ساخرة (6) معيد بكلية الهندسة ..!
» صرخات ساخرة (9) لقطات من أم الدنيا مصر ..!!
» صرخات ساخرة (14) الفتنة الطائفية فى مصر ..!!
» صرخات ساخرة (5) 26 سنة خدمة ف ابتدائي ..!
» صرخات ساخرة (7) كوبرى العمار الجديد ..!