أيام زمان

موضوع: أيام زمان الأحد 21 نوفمبر 2010, 7:52 am

السلام عليكم ياأجمل شباب فى العالم

فاكرين أيام زمان أيام جدى وجدك أيام الكانون ايام الفرن الفلاحى اللى كان أحسن من أى بوتجاز 6 شعلة

أيام الشرب من ماء البحر أيام الخلخال اللى كان أحسن شبكة أيام شوية طين بتبنى شقة أيام كانت أوضة

لكل شخض فى بيت العيلة أيام ماكان الشغل بالنهار بالفاس أيام ما كان أصغر طفل سنا يعزق كام

قيراط أرض أيام الصون والعفاف ايام لما كنت تشوف العروسة يوم الليلة الكبيرة ايام لما

مكانشى فيها لا نت ولا محمول ولا دش أيام مكنش فيها نانسى ولا هيفا ولا روبى

دى كانت أيام زمان وللاسف كل اللى موجود منها دلوقتى معالم

والسؤال دلوقتى

عايزين نعمل مقارنة بين الحياه زمان والحياه دلوقتى فى كل المجالات ؟

وأيهما تفضل العيش الحياه القديمة أم الحياه الحديثة ؟

مستنى الاراء والمناقشات

دمتم بكل الود

موضوع: رد: أيام زمان الأحد 21 نوفمبر 2010, 9:02 am

موضوع جميل يا عمور

كل زمن له ميزات

انا اتمنى اعيش بتكنولوجيا النهاردة ومبادئ زمان

اما بخصوص القانون

كان أكله حلو جدااااااااا

تصدق انا جعت ؟؟ [ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: أيام زمان الأحد 21 نوفمبر 2010, 6:00 pm

انا فين وفين لما احن للماضى الجميل

بس دلوقتى يا عمرو عصر التكنولوجيا

طبعا لازم اواكب التكنولوجيا واعيش فيها لانها بتشهد الجديد

موضوع: رد: أيام زمان الأحد 21 نوفمبر 2010, 6:16 pm

قلبت عليا المواجع ياعمرو
لأنى لوقت ليس ببعيد كانت نومتى المفضلة على ضهر الفرن فى الشتا وفى البحرايه فى عز الصيف ومرواح الغيط قبل ما النهار يشقشق
كانت حياة جميلة وأجمل ما فيها البساطه والهدوء بعيدا عن الصخب

دلوقتى ذهن الإنسان مش قادر يلاحق التطور الكبير اللى بيحصل كل ثانيه ودايما مشدود ومتوتر ومبيلحقشى ياخد لقطه واحده من الحياة اللى عايشها تستقر فى ذهنه زى زمان
لكن نعمل ايه
قول للزمان ارجع يازمان

» تصرفات أيام زمان واليومين دول !
» الله على زمان قول للزمان ارجع يا زمان
» قلش زمان
» زمان يا حب
» أيام فى حضن الليل