دعوة للتصالح ..

السلام عليكم إخوانى واخواتى بمنتدى شباب العمار

لن أطيل عليكم

ولكنى أحسست بضيق عما فعلته طرفكم فى فترة ماضية

تلك دعوتى للتصالح

دعوة للتصالح مع النفس

ودعوة لمصالحة الآخرين

ينبغى علينا كل فترة ان نعيد النظر فى صداقاتنا

ونتمهل مع من نحبهم ونكن لهم ولو ذرة من حب

دعوة لتصفية الحسابات دون أى عتاب أو لوم

دون الخوض فيما فات

فما اسمى ان تتصالح مع نفسك

وتشعر بهدوء واستقرار نفسى

عقلك وزهنك يحتاج لاستجمام

يحتاج لبرهة من الوقت لأن تعيد فيها حساباتك

جسدك يحتاج لراحة من انفعالات وعصبيتك

ما اجمل ان تتصالح مع نفسك

علشان فعلك يوافق كلامك

علشان ميبقاش فى تناقض بين المواقف اللى بتعملها وبين آراءك

علشان يبقى فى انسجام بين عقلك وقلبك وبين حركات إيديك

وعلشان كمان تحس ان كل الناس حلوة

وان كل الناس مهما عملوا فانت لازم تلتمس ليهم الأعذار

وانهم ممكن يكونوا هم الصح وانت الغلط

ومش هتعرف دا إلا لو اتكلمت وتواصلت بنفسك مع الانسان اللى انت بتنكر عليه فعله

دعوة للتصالح مع النفس

علشان تحس انك مرتاح البال

علشان تعرف تصلى وانت قريب من ربنا

علشان تحس باستقرار عاطفى حتى ولو انك تحب نفسك

يبقى فى عاطفة بينك وبين نفسك

علشان تحس باستقرار اسرى

تحب ابوك وامك وتحمد ربنا كل لحظة انه محرمكش من نعمة وجودهم معاك

وعلشان كمان تعرف تفكر لمستقبلك

وعلشان تعرف تحب الخير للناس

دعوة للصفاء مع الآخرين

لا تسمح لأمر ربما يعكر صفو علاقتك مع الناس

فكرت بينى وبين نفسى

لاقيت أن الدنيا دى كلها مش محتاجة لذرة من انفعالاتى الزائدة عن اللزوم

الدنيا دى كلها متستاهلش حركة أصبع يدى بطريقة انفعالية

انا جربت قبل كدا انى اتصالح مع نفسى

والحمد لله كانت بتيجى بفايدة

وكل مرة ببقى هادى أكتر من اللى قبلها

ويمكن البعض حس بالنقطة دى فيا الفترة اللى فاتت

خصوصا حبايبى اللى كنت بتعصب عليهم بعشمى فيهم

وطبعا برجع انفعل تانى

فقلت أشارككم معايا المرة دى يمكن يبقى تأثيرها أقوى

حقيقى أجمل حال انك تكون هادئ (ريلاااااااااكس)

وأنا اول من أقدم هذه الدعوة

ببسمة عريييييييييضة [ندعوك للتسجيل في المنتدى أو التعريف بنفسك لمعاينة هذه الصورة] .. تسع الكل

أقول لأعز أصدقاء كل شباب العمار

وكل شباب جمعية شباب العمار

إن كنت قد تسرعت فى الحكم على شئ فعلتموه

وبدر منى ما أساءكم

فسامحونى .. معلش انا اخوكم

واعتبروا هذا الموضوع بمثابة تجديد لعلاقتنا كما يجدد الجسم الدورة الدموية كل فترة

اعتبروا الموضوع دا زى (Refreshment) لجسمك وزهنك ودمك

بلاش يبقى دمك حامى على حبايبك وزمايلك

خلى دمك رايق

روق دمك

روق واستغفر ربنا

أنا بقول الكلام دا لنفسى قبلكم والله العظيم

ولو حالك مش مظبوط .. حاول تغير من حالك

وان ضاقت بيك الدنيا .. اذكر الله تصفالك

وأقول لا إله إلا أنت سبحانك إنى كنت من الظالمين

أحبكم فى الله [ندعوك للتسجيل في المنتدى أو التعريف بنفسك لمعاينة هذه الصورة]

..

نبعد شوية عن المطبخ السياسى

بمشكله ومآسيه

فى بينا مليوووووووووووون نقطة متفقين فيها

تعالوا نتشابك

ونبقى حبايب

ونتكلم فى حاجة تحسسنا بالتفاؤل لبكرة

فى مشروع حلو يبنى عمار جديدة

وبلاش نندب حظنا

ونستشعر فجر يوم جديد فيه شروق

وفيه شعاع نور وأمل

حد عاوز يصالحنى يا جدعان ؟؟ [ندعوك للتسجيل في المنتدى أو التعريف بنفسك لمعاينة هذه الصورة]

والله الموضوع جاى فى وقته جدا

واجمل حاجة فعلاً التسامح وخاصة إنك تتسامح مع نفسك الاول وتهدى

وتحمد ربنا كتيييييييييييييييييييييييييييييييير

وفعلا ساعات الأمور بتبقى أقل بكتييييييييييييييييييييير من إننا نشلها ونزعل

فكوها يا جماعة والله الحياة أقصر بكتير من كل الهم ده

انا بعد موضوعك ده شجعتنى أصالح كل البشر بقلب أبيض ناسى كل الأسى والظلم

كلنا بنغلط وكلنا بنزعل والحياة اجمل من كل ده

ومعلش يا عمرو هختم زى ما قال فريد [ندعوك للتسجيل في المنتدى أو التعريف بنفسك لمعاينة هذه الصورة]

الحياة حلوة بس نفهمها

الحياة حلوة ما أحلى أنغامها

ياسلام عليك... والله يستحق اسمك ان يكون جنبه 10185 مساهمة ...والله الدنيا ماتستاهل...تصدق دعوتك ايجابية جدا لدرجة انا نفسي بقيت ريلاكس لما قريت موضوعك....جزاك الله كل خير

تتصالح مع نفسك

علشان فعلك يوافق كلامك

علشان ميبقاش فى تناقض بين المواقف اللى بتعملها وبين آراءك

علشان يبقى فى انسجام بين عقلك وقلبك وبين حركات إيديك

وعلشان كمان تحس ان كل الناس حلوة

وان كل الناس مهما عملوا فانت لازم تلتمس ليهم الأعذار

وانهم ممكن يكونوا هم الصح وانت الغلط

ومش هتعرف دا إلا لو اتكلمت وتواصلت بنفسك مع الانسان اللى انت بتنكر عليه فعله

دعوة للتصالح مع النفس

علشان تحس انك مرتاح البال

علشان تعرف تصلى وانت قريب من ربنا

علشان تحس باستقرار عاطفى حتى ولو انك تحب نفسك

يبقى فى عاطفة بينك وبين نفسك

علشان تحس باستقرار اسرى

تحب ابوك وامك وتحمد ربنا كل لحظة انه محرمكش من نعمة وجودهم معاك

وعلشان كمان تعرف تفكر لمستقبلك

وعلشان تعرف تحب الخير للناس

حنين كتب:: والله الموضوع جاى فى وقته جدا

واجمل حاجة فعلاً التسامح وخاصة إنك تتسامح مع نفسك الاول وتهدى

وتحمد ربنا كتيييييييييييييييييييييييييييييييير

وفعلا ساعات الأمور بتبقى أقل بكتييييييييييييييييييييير من إننا نشلها ونزعل

فكوها يا جماعة والله الحياة أقصر بكتير من كل الهم ده

انا بعد موضوعك ده شجعتنى أصالح كل البشر بقلب أبيض ناسى كل الأسى والظلم

كلنا بنغلط وكلنا بنزعل والحياة اجمل من كل ده

ومعلش يا عمرو هختم زى ما قال فريد [ندعوك للتسجيل في المنتدى أو التعريف بنفسك لمعاينة هذه الصورة]

الحياة حلوة بس نفهمها

الحياة حلوة ما أحلى أنغامها

جميل ردك يا حنين

واجمل من كدا تفاؤلك السريع

لدرجة انك غيرتى توقيعك بشكل سريع

أسعدتينى لانى حسيت انى قدرت اوصل معلومة [ندعوك للتسجيل في المنتدى أو التعريف بنفسك لمعاينة هذه الصورة]

أشكرك بشدة

ففعلا والله يا عمرو سبحان الله أنا تفاعلت مع موضوعك بسرعة

وبجد أرتحت لما ملئتنى روح التسامح والأمل

وعاوزة أقول إنه كمان كدرب من دروب التصالح مع نفسك

إنك تحمد ربنا إنه لسه فيه حاجات جميلة جواك

بس الحاجات الجميلة اللى جوايا اتعكر صفوها؟؟

هقولك عاااااااااااااادى بس الاهم إنها لسه موجودة جوانا

نخرجها ونلمعها ونعيشها صح

وبرضه مننساش فى حاجات جميلة لسه معانا

لسه فيه أمل

وسيبقى الأمل

بس تصااااااااااااااااالح

احمد فتحي كتب:: ياسلام عليك... والله يستحق اسمك ان يكون جنبه 10185 مساهمة ...والله الدنيا ماتستاهل...تصدق دعوتك ايجابية جدا لدرجة انا نفسي بقيت ريلاكس لما قريت موضوعك....جزاك الله كل خير

وإياكم يا بشمهندس احمد

أعتقد انك مش محتاج تتصالح مع نفسك [ندعوك للتسجيل في المنتدى أو التعريف بنفسك لمعاينة هذه الصورة]

لانك دايما أخلاقك جميلة

ولكن ممكن أقولك اتصالح مع نفسك علشان دايما تبقى انت المتسابق الأول ودايما ف الصدارة

بحبك تشارك فى أى موضوع ليا .. لانى بحب أتواصل معاك فى أى شئ

والدنيا حقيقى ما تستاهل

ودايما تبقى كل جلسة من هنا ورايح تبقى جلسة مش لفض منازعات

لكن جلسة للحب

جلسة لجمال الروح وانسجامها

جلسة كلها ضحك .. جلسة خفيفة ع القلب تزيح شوية من همومه

كل سنة وانت طيب يا هندسة

واشكرك لمرورك الاول ومنتظر متابتعك للموضوع [ندعوك للتسجيل في المنتدى أو التعريف بنفسك لمعاينة هذه الصورة]

احيك على نفسك الرحبة الجميلة دى

الذى لا يمتلكها سوى قليل القليل

فعلا الاحساس دا جانى امبارح والحمد لله

انا فى ثياب جديد [ندعوك للتسجيل في المنتدى أو التعريف بنفسك لمعاينة هذه الصورة]

ريييييييييييييييلاكس

انت اخ لنا

وتستحق منا

كل التقدير

انت بتحلم يا عمو

الموضوع جميل جدا و العنوان بتاع الموضوع أجمل و الكلمات أجمل و أجمل
شكرا على الموضوع الجميل ده

والله يااستاذ عمرو ربنا يهدينا جميعا لبعض ونعيش اخوا متحبين فى الله زى ماامرنا الاسلام لفته جميله منك لكل واحد غلط فى حق حد يصلحه او حد غلط فيه يسمحه ونشكلاك على روحك الجميلة وجمال اخلاقك

شكرا لمروركم يا جماعة

وياريت الدعوة تصل لأقصى حد ممكن من الأعضاء

بارك الله فيكم

ساعات كتير بيبقى نفسك تتصالح
وبتسعى لده
ولكن ممكن الطرف التانى ميكونشى على قدر الحدث
يضطرك فى النهاية للتقوقع داخل الذات والتصالح معها
بعيدا عن خداعها

وده فى حد ذاته مكسب لما بتضيق الأمور
وربنا ما يجيب ضيقه أبدا

تعالوا نتصالح مع ذواتنا كى نتمكن من التصالح مع الآخرين
دعوة للتصالح مع الذات
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
شكرا ياعمرو على التذكرة

زائر

جميل جدا والله ياعمرو

المؤمن هين لين ...

المؤمن كالنحله ان اكلت اكلت طيبا وان اطعمت اطعمت طيبا وان وقفت على عودا لا تخدشه ولا تكسره

جزاكم الله خير.....

الله يكرمك ياعمووور

دايماً كبير بأخلاقك

مسعد النجار كتب:: ساعات كتير بيبقى نفسك تتصالح
وبتسعى لده
ولكن ممكن الطرف التانى ميكونشى على قدر الحدث
يضطرك فى النهاية للتقوقع داخل الذات والتصالح معها
بعيدا عن خداعها

وده فى حد ذاته مكسب لما بتضيق الأمور
وربنا ما يجيب ضيقه أبدا

تعالوا نتصالح مع ذواتنا كى نتمكن من التصالح مع الآخرين
دعوة للتصالح مع الذات
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
شكرا ياعمرو على التذكرة

كل الشكر لك أنت يا ا/ مسعد

فقد كنت سبب غير مباشر فى كتابتى هذا الموضوع

فأنا دائما استلهم منك الهدوء

أحمد صلاح هلالى كتب:: جميل جدا والله ياعمرو

المؤمن هين لين ...

المؤمن كالنحله ان اكلت اكلت طيبا وان اطعمت اطعمت طيبا وان وقفت على عودا لا تخدشه ولا تكسره

جزاكم الله خير.....

الله على الكلام الجميل يا عم احمد

والله ممتاز

الله ينور عليك

اللهم اجعلنا من المؤمنين

إيـــهاب رفعت كتب:: الله يكرمك ياعمووور

دايماً كبير بأخلاقك

انت الاكبر يا صاحب ورفيق العمر

بحبك قوي مبسوط

.. وربنا يديم علينا محبتنا فيه

يارب آمين

عمر إمام

وزمرة الشباب الرائعة بالعمار

لقيتكم بأرض العمار بالأمس القريب
وسافرت منذ أيام لاتتعدى أصابع اليد الواحدة
وما لقيته فى قلوبكم من طيب وخير
يشدنى للعودة إليكم اجازة أخصصها للتواجد المستمر بينكم

وحشتونى

دعوة جميلة للتصالح مع النفس

ياااااااااااااااااااااااااااااااااااااااااااه

منتهى المرام يا عم عمرو

تحية للشاعر الجميل ا/ سميح

تحية للأديب الكبير م/ مختار محمود

اتمنى لو تظل تلك الدعوة للأبد مهما اختلفنا

أعزكم الله

دعوة خرجت من قلب عمر إمام الجميل

فعرفت طريقها إلى القلب

ما أجملك وأنقاك ياعمر

والله أحبك فى الله

والله دعوتك ياعمرو ماتتقابلش غير بقموله ( المنتدى يريد انهاء الانقسام )

وكلنا معاك ياسيدى فيها وانا اول واحد بدأت بنفسي وانهيت خلاف مع احد اصدقاء عمرى بقاله سنين لانى قدمت مبدأ التحاب فى الله على اى مصلحه شخصيه ....

ومن هنا بعلن.................

وبقول.......................

وبأكد ........................

ماحدش يزعل منى يارجاله انا صريح حبيتين وممكن صراحتى دى تزعل الناس منى .

واسمحوا لى انى بستخدم الفكاهه شويه لاننا مشحونين بقالنا كتير فحبيت اغلب شيطانى اللى جوايا واقوله هش ... هش بعيد .

جزاك الله خير ياعمرو واعتدنا منك ان كل ماتقوله ذو قيمه ومحل احترام ....

وفى النهايه احبكم فى الله جميعا .

» دعوة للتصالح مع النفــــــــــــس ..........؟
» دعوة أم...................
» دعوة
» دعوة فرح
» دعوة لحضور ........