دعوة للتصالح ..

تذكير بمساهمة فاتح الموضوع :

السلام عليكم إخوانى واخواتى بمنتدى شباب العمار

لن أطيل عليكم

ولكنى أحسست بضيق عما فعلته طرفكم فى فترة ماضية

تلك دعوتى للتصالح

دعوة للتصالح مع النفس

ودعوة لمصالحة الآخرين

ينبغى علينا كل فترة ان نعيد النظر فى صداقاتنا

ونتمهل مع من نحبهم ونكن لهم ولو ذرة من حب

دعوة لتصفية الحسابات دون أى عتاب أو لوم

دون الخوض فيما فات

فما اسمى ان تتصالح مع نفسك

وتشعر بهدوء واستقرار نفسى

عقلك وزهنك يحتاج لاستجمام

يحتاج لبرهة من الوقت لأن تعيد فيها حساباتك

جسدك يحتاج لراحة من انفعالات وعصبيتك

ما اجمل ان تتصالح مع نفسك

علشان فعلك يوافق كلامك

علشان ميبقاش فى تناقض بين المواقف اللى بتعملها وبين آراءك

علشان يبقى فى انسجام بين عقلك وقلبك وبين حركات إيديك

وعلشان كمان تحس ان كل الناس حلوة

وان كل الناس مهما عملوا فانت لازم تلتمس ليهم الأعذار

وانهم ممكن يكونوا هم الصح وانت الغلط

ومش هتعرف دا إلا لو اتكلمت وتواصلت بنفسك مع الانسان اللى انت بتنكر عليه فعله

دعوة للتصالح مع النفس

علشان تحس انك مرتاح البال

علشان تعرف تصلى وانت قريب من ربنا

علشان تحس باستقرار عاطفى حتى ولو انك تحب نفسك

يبقى فى عاطفة بينك وبين نفسك

علشان تحس باستقرار اسرى

تحب ابوك وامك وتحمد ربنا كل لحظة انه محرمكش من نعمة وجودهم معاك

وعلشان كمان تعرف تفكر لمستقبلك

وعلشان تعرف تحب الخير للناس

دعوة للصفاء مع الآخرين

لا تسمح لأمر ربما يعكر صفو علاقتك مع الناس

فكرت بينى وبين نفسى

لاقيت أن الدنيا دى كلها مش محتاجة لذرة من انفعالاتى الزائدة عن اللزوم

الدنيا دى كلها متستاهلش حركة أصبع يدى بطريقة انفعالية

انا جربت قبل كدا انى اتصالح مع نفسى

والحمد لله كانت بتيجى بفايدة

وكل مرة ببقى هادى أكتر من اللى قبلها

ويمكن البعض حس بالنقطة دى فيا الفترة اللى فاتت

خصوصا حبايبى اللى كنت بتعصب عليهم بعشمى فيهم

وطبعا برجع انفعل تانى

فقلت أشارككم معايا المرة دى يمكن يبقى تأثيرها أقوى

حقيقى أجمل حال انك تكون هادئ (ريلاااااااااكس)

وأنا اول من أقدم هذه الدعوة

ببسمة عريييييييييضة [ندعوك للتسجيل في المنتدى أو التعريف بنفسك لمعاينة هذه الصورة] .. تسع الكل

أقول لأعز أصدقاء كل شباب العمار

وكل شباب جمعية شباب العمار

إن كنت قد تسرعت فى الحكم على شئ فعلتموه

وبدر منى ما أساءكم

فسامحونى .. معلش انا اخوكم

واعتبروا هذا الموضوع بمثابة تجديد لعلاقتنا كما يجدد الجسم الدورة الدموية كل فترة

اعتبروا الموضوع دا زى (Refreshment) لجسمك وزهنك ودمك

بلاش يبقى دمك حامى على حبايبك وزمايلك

خلى دمك رايق

روق دمك

روق واستغفر ربنا

أنا بقول الكلام دا لنفسى قبلكم والله العظيم

ولو حالك مش مظبوط .. حاول تغير من حالك

وان ضاقت بيك الدنيا .. اذكر الله تصفالك

وأقول لا إله إلا أنت سبحانك إنى كنت من الظالمين

أحبكم فى الله [ندعوك للتسجيل في المنتدى أو التعريف بنفسك لمعاينة هذه الصورة]

..

ا/ سميح .. تعلمنا منكم النقاء والوفاء وطيب النفس .. ويارب الدعوة دى تبقى لكل الناس وربنا يهدى النفوس .. ونبطل نطعن ونتهم بعض ونحافظ شوية على الصداقات ولا ننسى الفضل بيننا .. أحبك فى الله

حمدى باشا .. منور أول رد منك ف موضوعاتى .. احبك فى الله .. وأحبك الله الذى احببتنا فيه .. وما قمت به بداية جميلة وايجابية وربنا ما يجيب خلاف بينك وبين أحد تانى .. منورنا والله

وجعت عينى

انا زعلان منك مبسوط

ليه يا باشا ؟؟ [ندعوك للتسجيل في المنتدى أو التعريف بنفسك لمعاينة هذه الصورة]

[size=18]
يا جماعة انا مهما اتكلم عن مستر عمر والله ما هيكفى , بجد رائع وفعلا بمجرد ما قرات الموضوع والردود هدا بالى وقلبى .
ربنا يبارك فيك ويحميك يا رب.
تحياتى
BENT EL_3AMAR ,,,,,,,,

» دعوة للتصالح مع النفــــــــــــس ..........؟
» دعوة أم...................
» دعوة
» دعوة فرح
» دعوة لحضور ........