تذكير بمساهمة فاتح الموضوع :بعد المهرجان اللي كان في أول أيام عيد الأضحى وصلتنا رسالة من الحاج خالد فيها ظلم كبير لينا لأننا و لله الحمد من أول يوم بدأنا فيه و احنا مش تبع حد و طبعا في بلدنا بالذات اللي مش تبع حد بيتحدف بالطوب من كل الإتجاهاتعملت حاجة مع الجمعية الشرعية أو لصالحها تلاقي ألف اتهام انك بتنفذ أوامر الأستاذ مسعد و على طول تتحط في الجانب المضاد و تتصنف كعدو للحاج خالدو نفس الكلام لما تيجي تدعي الكابتن محيي أو تكون معاه في أي حاجة هتفيد البلدأما لما تيجي تعمل أي عمل في مركز الشباب اللي بيحمل اسم العمار تلاقي ناس كتير بتقولك دول رجالة الحاج خالد و تدعي ناس كتير ما تجيش لأنك على أرضه و كأن مركز الشباب ده مش بتاع البلدكنا دايما مصممين جدا إن مركز شاب العمار يكون واجهتنا و نشيل السد المنيع اللي بيحجب الناس عن دخوله و نجحنا في كده و الناس رجليها خدت على مركز الشباب لأنه في الأول و الآخر مركز شباب العماركنا كل ما نعمل ندوة أو مهرجان أو حتى صلاة العيد تلاقي الناس بتصنف جمعية شباب العمار و تحطها في تبعية للحاج خالد و ربنا الأعلم بإن نوايانا خير و هدفنا ما نكونش ضد حد و لا مع حد في مواجهة حدبنحب الخير للبلد و نحط إيدينا مع جميع الأطراف اللي فيه بينها عداوة و كلنا أمل يتغيروا ويقفوا إيد واحدة لخدمة العمار المهم الحاج خالد بعتلنا الرسالة دي و معاها شهادة التقدير اللي خدها و حتى دعوة لحضور اللي وصلته قبل المهرجانالدعوة اللي اتوزعت على معظم أهل البلد لدرجة ان احنا كنا بنوزعها قبل و بعد صلاة العيد علشان نضمن وصولها لكل بيت في البلد و نضمن حضور الجميع و يشاركونا فرحتنا في الآخر نلاقي الرسالة دي و كأننا وجهنا دعوة لعيلة عبد العاطي و بس و عملنا المهرجان علشان نصيط الكابتن محيي و الرسالة أهي: [ندعوك للتسجيل في المنتدى أو التعريف بنفسك لمعاينة هذه الصورة] بعد ما شوفنا الرسالة زعلنا جدا مش لأننا مش هنعمل حاجة في مركز الشباب لأ ده احنا لو عايزين نعمل حاجة محدش يقدر يمنعنا لكن لما بنتظلم و ينتفهم غلط بنزعل جدا
المشكلة اننا لاقينا رد الفعل الغريب ده من الحاج خالد من جهة و رد الفعل الأغرب من ناس كتير بتتهكم و تقول آخرة خدمة الغز علقة و اللي يضحك و يقولك انطردتو من مركز الشباب و اتغضب عليكو
كنا واثقين دايما اننا طالما مش تبع حد هنتحدف بالطوب من الجميع و مكنش هاممنا طالما لينا غرض و هدف واضح و طز في كلام الناس اللي بتموت في الهيصة
الرسالة اللي بوجهها للحاج خالد هنا اننا زي ما انت عارف اننا ما كوناش تبعك و لا بننفذ أوامرك فلازم تتأكد ان احنا بردو ما بننفذش أوامر حد تاني و هدفنا بس مصلحة البلد و لسة بنتمنى تكون البلد إيد واحدة و لسة بردو مش أعداء لحد و بنحب الكل و بنشتغل مع الكل و ما صنفنكش عدو لينا مع إنك صنفتنا و لما كانت ورقة حضانة شباب العمار بتتوزع على أبواب الجوامع مسكتها و قطعتها و دوست عليها بجزمتك مش عارف ايه سر العداء واحنا ما عملناش حاجة وحشة لحد
على العموم لسة هنتحدف بالطوب كتير و بردو مع الجميع ان شاء الله و مستمرين و جمعية شباب العمار بإذن الله دايما مش ضد حد
موضوع: رسالة إلى الحاج خالد عبد العزيز 
الثلاثاء 28 ديسمبر 2010, 6:56 pm
