مشروع ( إنسان) بقرية العمار,,,,

[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم

فى البداية أتمنى يكون الجميع بسعادة وصحة جيدة

ياريت يكون فيه حد سمع عن المشروع ده مشروع (إنسان)

لأنه فكرة وإتنفذت فى أكثر من قرية فى مصر وأكثر من دولة كمان

إيه هو مشروع إنسان ؟؟

مشروع يهدف لمحاربة الفقر والأمية فى بلدنا بإيد شباب وفتيات بلدنا

طيب هو ليه الكلام عام كده منقول التفاصيل:

بسم الله,,,

المشروع له أهداف لا حصر لها أهداف مادية ضخمة وأخرى أستراتيجية وإجتماعية وصحية

* الأهداف الإستراتيجية

1- تفعيل دور الشباب والفتيات وإزاى إذا أتيحت لهم الفرصة يقدروا يغيروا بلدنا فعلا للأفضل

2- مواجهة الفقر والأمية ومساعدة الأسر الفقيرة مش بإننا نديهم فلوس وتبقى

يد سفلى ونفضل ندى ندى وبس هنييجى فى يوم مش هنقدر

لأ بقى دول هيقدروا هما بنفسهم يكسبوا قوتهم وكمان يفيدوا المجتمع معاهم.

3- تفعيل دور الفتيات فى بلدنا فى العمل التطوعى لأن القائمين على العمل فى الغالبية بنات

لأن دخول بيوت الأسر الفقيرة دى اللى غالبا بيغيب عنها الأب سواء بوفاته أو ظروف أخرى

فهتلاقى سيدة فى البيت لذلك المتطوعات هن الانسب لهذه المهمة.

الأهداف المادية :

1- مساعدة الأسر الفقيرة التى لديها أطفال متسربين عن المدرسة من سن 7 سنوات ل 16 سنة.

2- مساعدة الأسر الفقيرة التى لديها أطفال نسبة غيابهم كبيرة جدا نظراً لسوء الأحوال الإقتصادية بالاسرة.

3- مساعدة الأسر الفقيرة والتى لديها أطفال منعهم الفقر عن الإلتحاق

من الأساس بالتعليم وعمرهم بين 7 ل 10 أعوام

4- يتم حصر كل هذه الأسر وعدد أطفالهم المحرومين من التعليم وأسباب ذلك وعمل مسح كامل لكل الأسر.

5- تتم مساعدة الأسر الفقيرة ولنضع عدد مقترح 50 أسرة فقط بعمل مشروع تنموى لهذه الأسر لتعيش بربحه

والقدرة على تعليم أبناءها ورعايتهم

6- يُحدد لكل أسرة من أربع لخمس متطوعين أو متطوعات للوقف مع الأسرة ورعايتها إجتماعيا وصحيا ونفسيا

لمدة سنة من بداية المشروع

7- هدف مادى عام وهو مساعدة 50 أسرة فقيرة,,,عمل 50 مشروع صغير او متناهى الصغر لهذه الأسر

تدريب 250 متطوع ومتطوعة للعمل التطوعى فيما يعود بالمنفعة بعد كده لمشروعات أخرى

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

دى تفاصيل مشروع إنسان نيجى بقى للأهم:

- المشروع ده لازم بتدعمه مؤسسة يعنى لو جمعيتنا أتبنته يبقى لازم فيه مؤسسات أخرى تدعم العمل العام

لأن المشروعات هتحتاج فلوس ولكن برضه بتحتاج تواصل الجمعية مع وزارة الشئون الإجتماعية

وإن إزاى الجمعية تقدر تقنعهم بالمشروع وإنهم يتعاونوا معانا بشكل قوى ومثمر

أنا معرفش تفاصيل الأمور الإدارية بالتفصيل فهسيبها لمجلس إدارة الجمعية لو قبل المشروع

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

فى حاجة تانية مهمة وهى إننا محتاجين شباب وبنات مدربة على العمل التطوعى وإحنا بالفعل

عندنا شباب وبنات مليانين بالخير ومتطوعين ممتازين ولكن نحتاج إننا نتطورهم ونشجعم ونقويهم

وندربهم ونفهمهم علشان يستمروا

ممكن نجيب أى شخص مختص ويدينا محضرات هنا فى البلد عادى فى مقر الجمعية فى أى مكان تانى

ويدربنا ويفهمنا يعنى إيه متطوعين يعنى إيه فريق عمل وروح فريق عمل

يعنى إيه تواصل مع أسر فقيرة إزاى نسألهم

ونحاورهم بشكل مثمر ,,,,,,,,,,,,,,,,,وحاجات تانية كتير مهمة فى العمل التطوعى

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

نقطة إعلامية مهمة :

لازم المشروع يبقى ليه دعايا هنا فى المنتدى وفى البلد كمان لازم كلنا نتبناه

علشان نجتذب قوى المتطوعين والمتطوعات ومجهودات الناس فى البلد

وليكن فيه ستيكرات تتلزق فى البلد فيها وصف بسيط للمشورع وهدفة وحاجتنا لمتطوعين ومتطوعات

وكمان نستفيد من برنامج بلدى

يعنى يبقى قضية راى عام زى ما بيقولوا لأنه لو صح واتى بثماره

إن شاء الله هيكون شىء ممتاز

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

نهاية أنا قولت اللى عندى فى المشروع وفى خلفياته ولسه عندى كلام تانى كتير

لكن بعد ما نشوف أراء وردود أفعال حضراتكم

شكراً جزيلا ومعذرة على الإطالة

منتظرة تفاعلكم إن شاء الله

تمام ياحنين

انا هحجز المكان دة لردى على الموضوع دلوقتى

لحد اما اخلص تلخيص الفصل اللى فى ايدى دة واجيلك

تمام يا حنين
بس فى حاجة ازاى النقطتين دول هيتنفذوا يعنى بشكل أوضح إشرحيهم بمثال حى

اقتباس :: 1- تفعيل دور الشباب والفتيات وإزاى إذا أتيحت لهم الفرصة يقدروا يغيروا بلدنا فعلا للأفضل

2- مواجهة الفقر والأمية ومساعدة الأسر الفقيرة مش بإننا نديهم فلوس وتبقى

يد سفلى ونفضل ندى ندى وبس هنييجى فى يوم مش هنقدر

لأ بقى دول هيقدروا هما بنفسهم يكسبوا قوتهم وكمان يفيدوا المجتمع معاهم.

النقطة دى بقى مهمة اوى مش بس للفتيات للكل بشكل عام

اقتباس :: 3- تفعيل دور الفتيات فى بلدنا فى العمل التطوعى لأن القائمين على العمل فى الغالبية بنات

لأن دخول بيوت الأسر الفقيرة دى اللى غالبا بيغيب عنها الأب سواء بوفاته أو ظروف أخرى

فهتلاقى سيدة فى البيت لذلك المتطوعات هن الانسب لهذه المهمة.

شايف حل النقطة السابقة دى واللى تطرق ليها مهندس احمد فتحى فى موضوع كامل
واللى فى ايدنا نقدر نعمله هو الدعايا وعمل ندوات نجيب فيها شخصيات بارزة تتكلم ع العمل العام والتطوعى .. الخ

متابع معاكى يا حنين ,,

مشروع جميل جدا

ولكن

؟؟؟؟؟

تمام موضوع جميل واهدافه جميله
وفيه عرض واضح للافكار
بس اهم نقطة اللي شايفها بقت دايما مواجهانا
التمويــــــــــــــل
يعني الافكار كلها حلوة بس الدعم والتمويل بيوقف مشاريع كتير
ع العموم مستني مقترحاتك ف النقطة دي

اقتباس :: التمويــــــــــــــل

معاك حق يا باشمهندس

وفيه تصور معين لمسألة التمويل

بس لما نشوف الردود كلها والناس هتقول إيه

والجمعية ومجلس الإدارة

منتظرة

اقتباس :: تمام ياحنين

انا هحجز المكان دة لردى على الموضوع دلوقتى

لحد اما اخلص تلخيص الفصل اللى فى ايدى دة واجيلك

ماشى يا جميل مستنياكى

اقتباس :: محجوز للرد بعد الغدى

ماشى يا مصطفى

منتظرينك

وأحمد السيد قول اللى عندك على طووووووووووووووول

وأعتقد اللى عندك شبه المشكلة اللى ذكرها مهندس أحمد فتحى

اقتباس :: 1- تفعيل دور الشباب والفتيات وإزاى إذا أتيحت لهم الفرصة يقدروا يغيروا بلدنا فعلا للأفضل

2- مواجهة الفقر والأمية ومساعدة الأسر الفقيرة مش بإننا نديهم فلوس وتبقى

يد سفلى ونفضل ندى ندى وبس هنييجى فى يوم مش هنقدر

لأ بقى دول هيقدروا هما بنفسهم يكسبوا قوتهم وكمان يفيدوا المجتمع معاهم.

ــــــــــــــــــــــــــــــــــــــــــــــــ

رداً على مصطفى:

النقطة الأولى دى معنوية فى إننا إزاى هنشرك الشباب والبنات فى عمل تطوعى

كبير مش صغير وهنفعل دورهم بدل ما وقت الفراغ ووقت مش الفراغ كله ضايع والسلام

فأحنا هنقول فيه مشروع ووالله دى قصته واحد إتنين تلاته ومحتاجين متطوعين ومتطوعات

فالناس المفترض اللى هتشارك هيبقى ليهم دور وبكده يبقى فعلنا دور الشباب والفتيات

بشكل كويس وده تفعيل دور الناس دى

2- النقطة الثانية إن المشروع فكرته عمل مسح للأسر الفقيرة بس مش الفقيرة وخلاص

لأ واللى فيها كمان

أطفال بتتعرض للحرمان من التعليم نظراً للظروف وهيتعمل مشروع صغير ليهم

للأسر يعنى من خلاله هيقدروا يستمروا فى الحياة

ــــــــــــــــــــــــــــــــــــــــــــــــــــــــــــــــــــــ

ملحوظة هااااااااااااامة اتسألت فيها حالا

ليه كاتبين سن الأطفال يعنى من 6 ل 16 ومن 7 إلى 10؟؟

ده يرجع لأن لو فعلاً السن ده مش فى التعليم يبقى ده غالبا قهراً بسبب إنعدام الدخل

وإنعدام الإمكانات المادية,,,,,تمام؟

متابعة ,,,

مازلنا منتظرين دخول كل الأعضاء وخاصة الأخوة المسؤلين

وعاوزة أقولهم:

يا جماعة الفكرة لسه فيها كلام كتير أوى وبالذات بخصوص التمويل

ولو حتى مش نافعة فيه أفكار تانية كتير

بس نحس بإهتمام ونتفاعل

شكراً جزيلا

مش لاقيه كلمه تعديل علشان اغير الرد شكل القطه كالتها ياحنين [ندعوك للتسجيل في المنتدى أو التعريف بنفسك لمعاينة هذه الصورة]

عموما طبعا انا كنت هكلم فى نفس النقطه اللى الاخوات اتكلموا فيها وهى نقطه

راس المال للمشاريع دى اللى محتاجه مبالغ كثيرة جدا لانها مشاريع مش بسيطه

مشاريع محتاجه مبااااااااااالغ ومجهود اكبر وقبل المجهود بردة

التمووووووووووووويل

وللاسف مبقاش سهل تجميع المبالغ دى خاااااااالص

للاسباب كثيرررر جدا

اقلهم مبقاش فى روح العمل اللى قد نقول انها انعدمت

خـــــــــــــــــــــــــلاص

يعنى للاسف

عموما ربنا يخيب ظنى يااااااااارب ومعاكى اوول واحدة

وربنا يقدم اللى فيه الخير ومنتظرييييين

يمـــــــــــــــــــــكن

الطير الباكي كتب:: مش لاقيه كلمه تعديل علشان اغير الرد شكل القطه كالتها ياحنين [ندعوك للتسجيل في المنتدى أو التعريف بنفسك لمعاينة هذه الصورة]

عموما طبعا انا كنت هكلم فى نفس النقطه اللى الاخوات اتكلموا فيها وهى نقطه

راس المال للمشاريع دى اللى محتاجه مبالغ كثيرة جدا لانها مشاريع مش بسيطه

مشاريع محتاجه مبااااااااااالغ ومجهود اكبر وقبل المجهود بردة

التمووووووووووووويل

وللاسف مبقاش سهل تجميع المبالغ دى خاااااااالص

للاسباب كثيرررر جدا

اقلهم مبقاش فى روح العمل اللى قد نقول انها انعدمت

خـــــــــــــــــــــــــلاص

يعنى للاسف

عموما ربنا يخيب ظنى يااااااااارب ومعاكى اوول واحدة

وربنا يقدم اللى فيه الخير ومنتظرييييين

يمـــــــــــــــــــــكن

يا طير أكيد فيه حل بخصوص موضوع التمويل ده

أكيــــــــــــــــــــــــــــــد

لأن الفكرة دى اتنفذت بالفعل

يبقى نسأل الناس اللى عملوها ونشوف عملوا إيه بالظبط

وبعدين بخصوص الروح اللى ضاعت دى برضه سهل جدا نستردها

خاصة وإن قلوب شباب وبنات بلدنا مليااااااااااااااااااانه خير وحماس بإذن الله

وطالما إنتى قولتى ( يمكن) فى آخر كلمة فى ردك دى معناها فيه أمل

وطالما فيه حياة يبقى لسه فيه أمل إن شاء الله,,,

ارجو دمج هذه المشاريع فى أقل عدد لها بحيث يكون الضوء مسلط على مكان واحد

وليس اكثر من مكان بحيث يكون الضوء مركز

شكرا يا أ /حنين

وأكثر الله من امثالك

عمرو البكري

هل يمكنك التواصل مع الموقع

اهل سيظل هذا الموضوع بين طيات التصفح؟!!!

» مقرات لجان الاستفتاء بقرية العمار
» مشروع الإعداد لفيلم وثائقى كبيرعن العمار ...شاركونــــــــــا ...
» مشروع انشاء مكتبة باسم جمعية شباب العمار
» مشروع جديد لشباب العمار بالتعاون مع الجمعية الخيرية والشرعية
» مشروع النظافة فى العمار بيحتضر ..