مشروع جديد لشباب العمار بالتعاون مع الجمعية الخيرية والشرعية

اخواني واخواتي كل عام وانتم بخير جميعا

اراكم مشتاقين لعمل الخير

اراكم مشتاقين لرمضان وانا معكم في اشد الاشتياق الي هذا الشهر الكريم

احبائي واخوتي واخواتي اتي شهر الخير وفيه يكثر الخير بايديكم

لذا

اتانا مشروع جديد في منتهي الجمال والروعة انه ليس بجديد ولكن مفيد جدا

وهو جمع الملابس المستعملة القابلة الي الاستعمال مرة اخري وكل ما عليك

ان تجهز تلك الملابس علي ان تكون بحالة يستطيع غيرك استخدامها عليها

وعلي اعضاء الجمعية جمع تلك الملابس وفي العشرة يام الاواخر في شهر رمضان

يكون المعرض وبسعر زهيد لاخواننا الذين في حوجهة الي ذلك

انها لمسة حب حقيقية ورمز جديد من رموز الوفاء والالفة بين ابناء العمار

كن مشاركا ولو بوجودك كل هذا في ظل الشرعية وسيشرف عليه

اعضاء الجمعية الشرعية وشباب منتدي شباب العمار

ودمتم احبة واخوة

وكل عام وانتم بخير ورمضان كريم

عندك بنطلون بقى ضيق عليك أو قميص ما بقتش تلبسه؟

عندك فستان أو جلابية أو طرحة خلاص ما بقتش تناسبك؟
اتبرع واتبرعي وأكيد غيرنا منها هيستفاد
هتتغسل وتتكوي وتتكيس وتروح للي محتاجها

و ربنا يقدرنا ويقدركم على فعل الخير

جزاكم الله خيرا

تمنيت الحضور اليوم لكن والله منعنى ظرف طارىء

بس ان شاء الله معكم

وبارك الله فيكم ونفع بكم

احبكم فى الله

جميل جدا والله

إن شاء الله أنا معاكم

ولو ينفع حتى نشارك فى موضوع الغسيل والكوى والتكييس برضه معاكم

جزاكم الله خيراً

مشروع جميل اخونا الغالي ا-عمر وفقك الله للخير ..لكن ليه فكرة اعادة البيع مرة تانيه
مادام الهدف هو الخير ان شاء الله ..ومادام المبلغ كمان زهيد فاعتقد ان مش هنقدر نرصده في عمل خير تاني ...
ليه الملابس ميتمش توزيعها من قبل الجمعية مباشرة علي الحالات .

اخى م/ احمد

هذا المبلغ الزهيد لإحساس الشخص أنه اشترى هذا الملبس بماله الشخصى وليس تكرما عليه من احد .. جعلنا الله من المقبولين

***

أخوانى الأعزاء .. أخواتى الكرام

تذكروا قول الله تعالى (لن تنالوا البر حتى تنفقوا مما تحبون)

وتذكروا ايضا قوله تعالى (ولا تيمموا الخبيث منه تنفقون ولستم بآخذيه إلا أن تغمضوا فيه)

هذا الشئ الذى تنفقه لوجه الله كثيرا كان أو قليلا .. لابد أن تتأكد أولا أنه يوضع فى يد الله ..

فهيا نربى أنفسنا على هاتين الآيتين الكريمتين ..

1- أخرج أفضل ملابس عندك

2- اغسلها ونظفها

3- اكويها

4- طيبها برائحة جميلة

5- حاول ان تكيسها

واعلم أنك لو كنت مكانه ما كنت قبلت هذا الشئ ..

أقبل على الله يقبل عليك

أقبل على الله بحب .. وأنفق بفرح وبهجة لا بضيق وسأم ..

أنفق يُنفَـق عليك

اقتباس :: ليه الملابس ميتمش توزيعها من قبل الجمعية مباشرة علي الحالات .

وهو لنشر روح الحب والود والالفة بين الاخوة والاخوات ولتكن هناك علاقة حب بين

الجميع وقت توزيعها بجانب شعور المحتاج بانه حصل عليها من ماله وليست بصدقة

ان المشروع للود والعلاقات الحميمة ولنشر التعاون بين الجميع ولتنمية العلاقات الانسانية

اثابكم الله جميعا علي الخير ولكن اين باقي شباب المنتدي

جزاكم الله كل خير علي التوضيح وموفقين باذن الله.

ياريت بقي يجماعة نبدأ نعرف كل واحد أنجز أيه

أظن إننا إتكلمنا وكل الأمور كانت واضحة والعمل مستمر من 3 أيام

المفروض إننا كلنا دعاة للمشروع يعني لما نتكلم ونقول إحنا أنجزنا أيه يبقي ده لا فخر ولا من

فياريت كل الأشخاص اللي حضروا الإجتماع وكمان اللي محضروش وإتبلغوا بالنتيجة

وكل شخص عايز يشارك في هذا العمل الخيري الضخم الذي نتمني أن يكتب لنا جميعا في ميزان حسناتنا

يبدأ يسجل معانا ويقول هو نفذ أيه وكل يوم يمر علينا من إنهاردة ندخل ونقول إحنا نفذنا من المشروع أيه ؟؟

انا عن نفسي عرضت المشروع علي أكثر من أخت من أقاربي وبدأنا العمل معا

وفعلا تم تجميع يبعض الأشياء وجاري إستمرار تجميع الملابس

ودلوقتي ياريت نعرف كل واحد عمل أيه علشان ننتقل لخطوة ثانية في المشروع

وفقكم الله جميعا

احمد فتحي تهامي الهيو كتب:: جزاكم الله كل خير علي التوضيح وموفقين باذن الله.

يا شباب تجميع الملابس هيكون عند الأخ عمرو امام كما أتفقنا مسبقا

وجزي الله خير كل من تواصل معنا حتي الان

انا عايزة الفت نظركم لحاجه ياجماعه بالنسبه للى فهمته منكم

اللى فهمته اننا هنجمع الملابس دى وبعد كدة هيتعمل بها معرض عشان الناس اللى محتاجه

تشترى وانتم هتحددوا مبالغ رمزيه للملابس دى عشان نحسسهم انهم شرينها بفلوسهم طبعا

انا معاكم انها فكرة هايله بس فى حاجه ان عندنا ناس فى البلد يعنى زى اما بيقوله عنيها جامدة

شويه ومش هتستحى يعنى ناس اغنيه مقتدرة هتروح تشترى الملابس دى وفى اللى هياخد

الموضوع تهريج وفعلا هيروح يشترة ويستخفه بنفسهم ويبقى ساعتها معملناش حاجه لانى هدفعنا

الناس الفقراء وكدا يبقى معملناش حاجه ومساعدناش اللى محتاجين بجد وفعلا المشروع دة اتعمل

قبل كدا فى امياى نفس الفكرة وحصل اللى بقولكم عليه دة

يمكن اكون فاهمه الفكرة غلط بس لو فهماها صح يبقى معلش بجد المشروع الخيرى دة هيبقى

فاشل لانى مساعدناش اللى محتاجين بجد يبقى راح تعبنا وخلاص ياريت لو انا فاهمه غلط حد

يفهمى الصح ولو انا فهمه صح ياريت نفكر تانى وانا عندى اقتراح بردة ممكن يحل المشكله دى

بس اما اعرف ردكم الاول

ياجماعة دي نقطة نتكلم فيها بعدين
المهم دلوقتي ان كله يبدأ

اما توزيعها ده فله مليون طريقه
فياريت نبدأ ونجمع على قد مانقدر الاول وده المطلوب ومش مطلوب غير كده

كده كده هتوصل الحاجات دي باذن الله للي محتاج وده الهدف ومش هنتنازل عنه

يابشهمندس سوكر هما اتكلمه فى نقطه التوزيع دى فى الاول وانا اما فكرت فى الموضوع

قولت ان الطريقه دى هضيع تعبنا اللى تعبنا فيه لانى بسم الله مشاء الله على بلدنا

عندنا ناس مش بيهمها ان فى ناس مش مقتدرة ولا اصلا بيفكرة فيهم ومش هيستحه بالعكس هياخدة

الموضوع تهريج ويشتره وطبعا محدش مننا ساعتها هيقدر يمنعهم لانى الظاهر للناس معرض

وفيه بيع

وانا اتكلمت دلوقتى عشان نلحق ونفكر عشان منقعش فى الغلط دة دة هدفى من الرد مش

هدفى احبطكم والله خالص بالعكس

الجمعية الخيرية للخدمات الإجتماعية والبيئة

نفذت المشروع ده قبل كدا والمشروع نجح فعلا لإنه كان له ضوابط معينة

يعني المعرض مش هيتعمل كمعرض ملابس عادي يأخت طير

المعرض هيتعمل علي أكتر من يوم في الاول هيكون ..

لناس بعينها أسمائها معانا من خلال الجمعية الشرعية لكفالة اليتيم وأيضا الجمعية الخيرية

وبردوا هيكون في ضوابط لحجم الشراء بالنسبة لكل شخص وبعد كدا هيتفتح للعموم بعد منستفي الأهم

يعني متقلقيش من ناحية التوزيع دي نهائي وإن شاء الله متخطط لها كويس جدا

المشكلة دلوقتي في إننا نجمع أكبر كمية من الملابس الجيدة الصالحة للإسنخدام

وعلي فكرة ناس كتير مشاركة معانا بملابس جديدة ومصانع هتشارك بكوتشيات جديدة

وشنط مدرسية وحاجت تانية كتير ان شاء الله

لإن المعرض هيواجه موسمين وهما العيد وبداية العام الدراسي الجديد إن شاء الله

يلا يجماعة مفيش وقت لازم كل واحد وواحدة يبدأ يعمل كل اللي ربنا يقدره عليه

وإن شاء الله خير

اقتباس :

المشكلة دلوقتي في إننا نجمع أكبر كمية من الملابس الجيدة الصالحة للإسنخدام

هو ده المهم
لازم ننجح الخطة دي الاول وبعدها كل شيء سهل وممكن...

وباذن الله هننجح بيكم ..والمنتدى وشبابه لهم دور كبير جدا في نجاح المشروع ده
فياريت كل اللي عنده نيه المشاركة يدخل يسجل هنا ولو عنده حاجه الناس كلها هنا تحت امره ممكن نروح لبيته نجبها منه

السلام عليكم

بخصوص المشروع ده

انا وصلتنى كمية منها بامر الله

ومنتظر أى كمية تانية

رجاااااااااااااااااااء من الاخوة والأخوات المشاركين فى المشروع

- غسل الملابس قبل تجميعها

ومن له القدرة على كيها وتكييسها فجزاه الله خيرا

ولا تيمموا الخبيث منه تنفقون ..

الحمد لله علي وجود الشباب الواعيين دول معانا

وربنا يكمل المشروع علي خير باذن الله وكل المحتاجين ياخدوا نصيبهم علي اكمل وجه

وبالنسبة للتوزيع هيتم زي ما احمد منصور قال بضوابط مدروسة

وانا قلت لاصحابي في بنها وصحباتي كمان وهم الان في طور الغسيل والتنظيف

وربنا يكرمنا ونعمل حاجه مفيدة فعلا

ربنا يزيد كل من زاد

السلام عليكم احبابي بيتي الحقيقي الذي اري فيه اركان حبي

اري فيه سكنات عقلي اسمع فيها دقات قلبي قائلة احبكم احبكم احبكم

اتجرد من ثوب الكسل ارتدي واياكم ثوب الجد والعمل

اليوم وفي وسط مائة زغرودة سمعتها في اذناي من فرحة قلبي بذلك اللقاء

التقينا ببيت اخينا عمرو امام جعله الله دائما عامر بعمرونا الهمام

لنضع عنده دفعة جديدة من الملابس والله ما رأيت في اعين الموجودين سوي الفرحة

بقدوم وقرب مساعدة الاخوة الضعفاء والله نحن اكثر ضعف منهم بذنوبنا

ونحتاج الي مائة الف موضوع مثل هذا نشارك فيه لنوفي ما علينا

من دين تجاه هؤلاء الاحباب الذين قدر لهم ان تقدم اليهم المعونة

حيث كان هناك نخبة من خيرة الشباب احتواني عقلهم وفكرهم الواعي في الاقدام

علي الخير وتنفيذ الحق وكونهم في عون اخوانهم كان الله في عونهم جميعا

وهم :

1- الاستاذ / اسلام طلعت

2- الاستاذ / احمد منصور

3- المهندس / احمد السيد

4- المهندس / باهر حكام

5- الاستاذ / محمد عبد السلام

6- الاستاذ / عمرو امام

7- الاستاذ / احمد زغلول

8- الدكتور / علي زايد

9- الدكتور / محمود سمير

والله رأيت فيهم خيرا كثيرا بارك الله فيهم

هيا يا باقي اخواني واحبائي هلموا الي الخير

اخواتي البنات هيا بنا الي الخير

ان دوركم له بالغ الاهمية لدينا ومساهمتكم معنا في وقت العرض سيكون اجدي بكثير

هيا يا شباب الي جنة الفردوس اسأل الله ان يرزقنيها واياكم

بارك الله فيكم وجزاكم الله خيرا جميعا

الموعد قريب لعرض تلك الملابس

لا تدع الفرصة تفوتكم شهر الحسنات يضاعف فيه الاجر

رمضان كريم

اقتباس :: اتجرد من ثوب الكسل ارتدي واياكم ثوب الجد والعمل

وهو دا المطلوب مننا كلنا دائما ... أعزك الله

ياجماعة زمان كان بيبقى نفسنا نعمل اي حاجه
اي خير..لكن كانت الصعوبة اننا نعمله ازاي وكان كل اللي بنعمله اننا بنتكلم بنتكلم بنتكلم
وحجتنا اننا مش عارفين نعمل ايه ومع مين وازاي .............

دلوقتي في مشاريع كتير ممكن نشارك فيها ولو بمجهودنا

منها ..هذا المشروع واللي محتاج كل الناس ( شباب وبنات)
وكل واحد ليه دوره

****************

نقطة مهمة زي مااحنا قدرنا نجمع بعض على الخير ونحاول نشارك في المشاريع دي
احنا كشباب..............

البنات.....لازم يكون دورها اكثر فاعلية عن كده لازم يبقى ليكم دور معانا

انا بطلب ان بنت من المنتدى تدخل وتقول انا مسؤلة عن تجميع بنات المنتدى او بنات العمار للمشاركة معنا في مشاريع الخير وانتم ليكم دور اكيد _تجميع الملابس وادوار تانيه فيما بعد_

واي استفسار او سؤال احنا تحت امركم وجزاكم الله خيرا

بصراحة بنات العمار الفترة دي في عمل الخير

أيدك منهم والأرض

السنة اللي فاتت إحدي الاخوات أكرمها الله وأعزها ونحسبها علي خير والله حسيبها

جمعت لنا مبلغ كبير كان دافع لينا لتنفيذ مشروع شنطة رمضان

والله يا جماعة لفت وجمعت التبرعات بنفسها بمنتهي الجرأة والثقة في النفس أنا نفسي إتعلمت منها حاجات كتير

لكن للأسف حاليا كل بنات العمار بالنسبة لمشاريع الخير اللي علي المنتدي واللي كانوا دائما متحمسين لها Sleep

لا حياة لمن تنادي

اقتباس :: بصراحة بنات العمار الفترة دي في عمل الخير

أيدك منهم والأرض

باذن الله هيرفعوها علي خير وفي الخير

ايه ياجماعة
فين البنات ...يبقى كلام الاستاذ احمد منصور حقيقه بقى

حد ياجماعة يدخل ويقول انكم موجودين
المشروع ده محتاج كل الناس

فى ايه ياجماعه براحه علينا شويه

احنه موجوديين اهه ومش ساكتين

المفرض انه عمل خير والمفروض يكون فى سريه يعنى حسب القول

من استطاع منكم أن يكون له خبء من عمل صالح فليفعل

وانتم قايمين بالواجب مش محتاجيين مساعدة مننا هنا خالص يعنى

» الجمعية الخيرية للخدمات الاجتماعية والبيئية
» الجمعية الشرعية بالعمار - مشروع إنشاء مجمع الملك القدوس
» 25 فرصة عمل لشباب العمار
» مشروع جديد
» بوابة أمل...وفكرة مشروع جديد.