وببلع موتي للآخر ..أ / سميح عزت الهيو

وببلع مــوتى للآخر ..
سميح عزت

وآآآآآآآآه .. يايُمه .. آآآآآآآه
وآآآآآآآه .. يا أمه .. آآآآآآآه
على صــــدر الألـــم مـكــفى
كـفـانى الجـوع عـلى وشـى
وانا لسَّه ..
على كـفـوف الحياه بحبى
برىء ماعرفش أيه ذنبى
فى دنيـا جـيتهـا ولـقيتـها
مابتبـصـش على طفولتى
بعـين الرحـمـه لــو مــرَّه
ولمَّـا اسـند عـلى ضعـفـى
يـقــوم الجـوع يـوقــعــنى
****
أنا المفطوم بلا رضاعه
أنا المفطوم على جوعى
أنا الـمـيت عـلى عـودى
وعودى من الألم مـحنى
لامـرَّه رضـعت مـن أمـى
حـلـيـب كـفَّـى يـشــبـعـنى
ولا عارف أقــول يـا امـه
عـشـان تيـجـى وتحضنى
منين أمى تجيب قــوتـهـا
عشان تشبع .. ترضعنى ؟
وفين أمى مانيش عارف
أكيد لو عايشه هاتشيلنى
فى لحظة موتى وتخــبِّى
من الطير الجعان جسمى
ولمَّا أمــــوت .. تكــفّــنِّى
بحــضـن حـنان وتـدفـنِّى
فى بطن الأرض لو تحفر
سنين وسنين ..
وهـىَّ بـضـعـفها بـتـبـكـى
عشان النسر مايطولشى
ياخـد نـقـرة مــن جـلـدى
ولا ياكل .. خَضار قلـبى
****
حشيش الأرض لـو تقدر
طفولتى تاكله وتــخـطى
خطوه كمان .. توصلنى
لأى مـكــان وَنَـس بَسِّى
الاقـى نـاس تـشــــرَّبنى
شــربه أخـيـرة تروينـى
أنا هاكله ..
بس ازاى وانا مكـــفى ؟
بمضغ ضعفى وبدمــعى
بنادى ما حد سامعـــنى
زحفت زحفت .. ده آخرى
سجدت وقلبى متشـــــاهد
على روحى وعلى نفسى
وببلع مــــــوتى للآخر ..
وموتى بيسرى فى دمى
وآدى الـنــسر مســتـنى
أكمل موت عشان يهجم
على موتى .. وينهشنى
****
يانسر بلاش تهين روحى
كفاية مهانتى طول عمرى
أنا عمرى صحيح ماطال
لكن عشته .. دهور ببكى
وكُـــتـر عــذابى كـبَّـرنى
وشـيـبنى وانا بـَحــبـــى
وشيب فِـــى أحــاسيسى
معانى كتير مافيش زيى
فى أطـفـال الـوجود كله
هايفهمها .. ولا يعشنى
وطير يانسر بجـنـاحــك
ما دام فيك قوة تنهشنى
أكـــيد تقـدر تطــير تانى
بلاد الله كــتــير واسعــه
هناك هاتلاقى غير جلدى
ماانا جسمى يدوب هيكل
مجاعــــةْ عمرى صفتنى
من الـميَّــه ومن لحــمــى
بلاد الله يـانــسر كــتــيـــر
وفيها كــتيـــر بقايا طـيور
كلها وسيبنى فى لحـــــدى
بكــامـــل هــيكـــلى ألـــقى
بحــزن طــفولــتى ده ربى
وأشـكـى لـه بـنى آدم ..
صحيح هوه اللى عالم بى
وخـالـقـنى .. وشـايـفـنـى
لكـن مـن حـقـى ليه أشـكى
واكون حجه على الظالمين
واكون حجـه على الحـكـام
واكون حجه على الإنسان
هاقول له يارب من رزقى
مــلـــو بـطــونـهم وفاتونى
أموت مكفى عـلى جــوعى
عـلـى آهـتى .. عـلى وشى
ولــو قـالـوا مـاشوفــنـاشى
هاجــيـبـك ع الـملأ تـشـهـد
أمـام ربَّــك .. أمــــــام ربِّى
واقـــــــول يارب كان زيـى
فــى كـل مـكان عـيال ماتت
كـتـيـر م الـجـوع ولا كانشى
لحـكامـنـا قلوب بتـشــوف
ولا لـيـهــم عــيـون تـبكـى

اقتباس :

يانسر بلاش تهين روحى
كفاية مهانتى طول عمرى
أنا عمرى صحيح ماطال
لكن عشته .. دهور ببكى
وكُـــتـر عــذابى كـبَّـرنى
وشـيـبنى وانا بـَحــبـــى
وشيب فِـــى أحــاسيسى
معانى كتير مافيش زيى
فى أطـفـال الـوجود كله
هايفهمها .. ولا يعشنى
وطير يانسر بجـنـاحــك
ما دام فيك قوة تنهشنى
أكـــيد تقـدر تطــير تانى
بلاد الله كــتــير واسعــه
هناك هاتلاقى غير جلدى
ماانا جسمى يدوب هيكل
مجاعــــةْ عمرى صفتنى
من الـميَّــه ومن لحــمــى

الكلام راااااائع والله يا أ /سميح بس يوجع أوووي..

وألف مبروووووووك ولو ان والله حضرتك مش محتاج مسابقة عشان تاخد اجمل احساس..

هو دا والله العظيم مافعلته بعد الانتهاء من القصيدة

شكرا جزيلا استاذ سميح منذ زمن ولم تطاوعنى دموعى كى تزور خدى المسكين

كل التهانى الجميلة لأستاذنا الجميل

سميح عزت الهيو

على قصيدتة الشاكية الباكية الغالية على قلوبنا

القصيدة دي جميلة جدا والله و مؤلمة أوي يا أستاذ سميح

أنا شفتها في توبيك باحساسك رد بتاع م/ أحمد عبد العزيز و أعجبت بها ولكن،

عجز لساني على الكلام وقتها

ربنا يسامحك بقى يافندم