تعملوا ايه يا بنات العمار فى المواقف دى ؟

طبعا احنا بتعرض لمواقف كتير مش ظريفه بس لازم نتعلم ازاى نقدر نحتوى المواقف دى بشكل يليق ببنات محترمه عندها ثقه بنفسها تقدر تحترم اسرتها وبلدها لانها ببساطه عنوان ليهم

كل بنت عندها موقف تكتبه معانا واحنا كلنا هنشارك معاها من وجه نظرنا ازاى نقدر نتعامل مع الموقف ده ؟

تسمحولى ابدأ بموقف

لو انتى ماشيه ولاقيتى اختك او صحبتك بتكلم ولد انتى تعرفيه كويس وتعرفى عنه انه انسان مش محترم وبيضحك عليها وانها ضحيه انسان بيعلب بطبيتها واخلاقها هتتصرفى ازاى ؟

ارجو من الشباب احترام الحوار وياريت نسيب كل واحد يتكلم بمواضعيه مدام فى نطاق الاحترام وحفاظا على مشاعر الاخرين

ولكم منى جزيل الشكر

اقتباس :: لو انتى ماشيه ولاقيتى اختك او صحبتك بتكلم ولد انتى تعرفيه
كويس وتعرفى عنه انه انسان مش محترم وبيضحك عليها وانها ضحيه
انسان بيعلب بطبيتها واخلاقها هتتصرفى ازاى ؟

والله يامروة كل اللي عليا اعمله واللي المفروض أصلا اني أنصحها..وافهمها بهدوء طبعا..

لأنها ممكن ماتتقبلش النصيحة في الوقت ده من اي حد..لأن زي مابيقولوا

مراية الحب عامية..

فانا ممكن أنصحها أكتر من مرة مش مرة واحدة..

وانا بصراحة لو واحدة تعز عليا أوي..مش هسيبها غير لما أبينلها حقيقة البني آدم اللي اختارته..

موضوع مهم والله يامروة..

رأي واحدة بنهـــــاوية بحت.. [ندعوك للتسجيل في المنتدى أو التعريف بنفسك لمعاينة هذه الصورة]

طيب ماهى ممكن تاخد منك موقف وتزعل وتستمر ومش هتعرفك اى حاجه عنها يبقى كدا المشكله كبرت

والله انا معرفش انك من بنها بس تشرفت بيكى طبعا

marwa كتب:: طيب ماهى ممكن تاخد منك موقف وتزعل وتستمر ومش هتعرفك اى حاجه عنها يبقى كدا المشكله كبرت

والله انا معرفش انك من بنها بس تشرفت بيكى طبعا

بصي يامروة..انا مش هكلمها واقولها ده في كذا وكذا وكذا..لأ..

انا قولت اني هنصحها بالهدوء..يعني واحدة واحدة..اقولها مثلا انتي مش شايفة ان في....

وعلي حسب عيوبه أقدر أحدد مغزي الكلام اللي هاقوله ليها..

وكل الشرف ليا طبعا يامروة اني اتعرفت بانسانة زيك..

اسيرة الاحلام كتب:: وكل الشرف ليا طبعا يامروة اني اتعرفت بانسانة زيك..[/b][/color]
[/center]

ده من ذوقك والله يا اسيره واتمنى اتعرف عليك عن قرب اكتر ان شاء الله

والله وجه نظر تحترم وننتظر باقى اراء البنات

طب مانا اعمل انى معرفش انى بينهم حاجة
اعمل من بنها زى مابيقولو [ندعوك للتسجيل في المنتدى أو التعريف بنفسك لمعاينة هذه الصورة]
واحكى لها ع تصرفاتها وكدا يعنى واللى بيعمله
وبعدين هتقولى ع اللى ببنهم بس طبعا وهى ندمانة زعلان ومكتئب

وكدا هتحس بالذنب بقي
يبقي ولا خسرتها ولاهى هتعاندنى

ريتاج كتب:: طب مانا اعمل انى معرفش انى بينهم حاجة
اعمل من بنها زى مابيقولو [ندعوك للتسجيل في المنتدى أو التعريف بنفسك لمعاينة هذه الصورة]
واحكى لها ع تصرفاتها وكدا يعنى واللى بيعمله
وبعدين هتقولى ع اللى ببنهم بس طبعا وهى ندمانة
وكدا هتحس بالذنب بقي
يبقي ولا خسرتها ولاهى هتعاندنى

وجه نظر تحترم يا ريتاج بس انتى ضمنتى منين انها هتصدقك وتقتنع بكلامك وختى ولو اقتنعت

ممكن بكلامه المقنع جدا يتخلص من كل اتهام عليه ويبينلها حسن نيته ويبقى معملناش حاجه

شكرا ليكى يا قمر على مرورك وخليكى معانا عشان تختارى احسن رد معانا

ننتظر باقى ردود الاعضاء

انا جيييييييت ،، سورى يا مروة النت فاصل بقالوا يومين يا حبيبتى ،،

انا لو لقيت صحتى ف الموقف دا لان مش ليا اخوات بنات ،، هنتكلم الاول ف الموضوع ببساطة

واعرف ايه نوع مشاعرها بالظبط،،هل هى مشاعر مزيفة ولا حقيقة،، ولو كدا او كدا

هبدا احدد نوع الكلام والنصايح الى هقولهلها ،، ونبدا نتناقش ف الموضوع من كل جوانبو

يعنى ان دا انسان مش كويس ومش يستاهل انها تحبوا او تكلمو او او او ،، ولازم ابدا معاها

ف تحديد كلامى او الشدة لو مش استجابت ،، والهدوء والاقناع والنقاش محاور

لكل دا......ودى وجهة نظرى طبعا..

لكم منى كامل احترامى.

طيب ما يمكن الشاب دا
طيب وهى تنصاحها بعكسه
وتبقى كدة كسبت ايه ؟

mo7med sabry كتب:: طيب ما يمكن الشاب دا
طيب وهى تنصاحها بعكسه
وتبقى كدة كسبت ايه ؟

هى هتنصحها من حاجات هى متاكده منها انه الولد ده بيضحك عليها يبقى هى كدا كسبت صحبتها وصحبتها كسبت نفسها

» حملة بنات العمار هتلبس واسع..دعوة للمشاركة.
» يا بنات العمار اجتمعوا،(مفيش مانع الولاد يبصوا، وبلاش بحلقه)
» من الذكاء أن تكون غبياً في بعض المواقف
» اغرب المواقف لاشهر النساء القدماء في تاريخ العالم!!!!!
» احكلنا المواقف اللى المحرجه والخطره بصراحه تامه