عاشت الحرية..........

اه يا بلدى...وألف اااااه

يا اللى عشتى سنين تعانى..

صدقينى.....

مين بيهرب من قضاه

اه يا وجعى.....

لما يحتار الطبيب..ف دواه

اه يا قلبى اللى انكسر.....

من كتر أولة اه.

اه يا احساسى اللى ضاع

اه يا قلبى اللى اتملا أوجاع

يا سنينى لما عمرى يهون....

وهو عز صباه.....

اه يا شعب بيتولد

من بعد حاكم ظالم....والحكومة معاه

********

اه على ولادك يا مصر

ولادك العاقين....

اللى ياما كتير هانوكى

اللى عاشوا يدنسوكى

واللى سرقوا وباعوا فيكى

واللى قالوا كتير اااامين

انتى عارفة هما مين؟

اه يا مصر وألف اااااااه

اه يا حزب الأغلبية...

يا اللى كنت بسطوتك وبعزوتك

ضد شرف الإنسانية

يا اللى ياما جرت بفسادك علينا

يا اللى هنا وهان عليك شرف الصبية

********

اه يا حزب لمصر خان

واللى باع أرض الكنانة.....

لليهود والأمريكان

لكن...

بدم الشهدا فى الميدان

يا أيها الكهان...

الهيكل المزعوم وقع !!!

والحق شق الليل.....

ونور ع البيبان...

رحل الشيطان

والفجر كبر بالأدان

الله أكبر عاشت الحرية

وبالإرادة انتصر.....

الشعب ع الطغيان....

اقتباس :

اه على ولادك يا مصر

ولادك العاقين....

اللى ياما كتير هانوكى

اللى عاشوا يدنسوكى

واللى سرقوا وباعوا فيكى

واللى قالوا كتير اااامين

انتى عارفة هما مين؟

اه يا مصر وألف اااااااه

والله طلتك علي المنتدي يا أ /محمود زي البدر مرة في الشهر كده..

تغيب تغيب ورجعتك منورة المكان..

ايه الجمال والبساطة دي..

سلم قلمك ياأستاذنا..