الفقرة الخامسة الفاصلة فى تقرير النائب العام عن صحة الرئيس المخلوع

الــ 4 فقرات الأولى من التقرير النهائى كانت معلومة بالنسبة للجميع قبل دخول الرئيس المخلوع الى المستشفى

أو بمعنى أصح قبل الثورة

اقتباس :

1-

يعانى من نوبات متكررة
من ارتجاف أذينى متكرر مصحوب بانخفاض حاد فى ضغط الدم وقصور لحظى فى
الدورة الدموية للمخ مما يؤدى إلى فقدان لحظى للوعى

2-
واختلال بضربات القلب البطنية متعددة المصدر وبشكل متقارب والتى تهدد بحدوث ارتجاف بطينى المسبب للسكتة القلبية المفاجئة

3-
وبين التقرير حدوث زيادة
فى معدلات هذه النوبات عند تعرض المريض للضغوط النفسية إلى جانب أنه كان
مصابا بأورام فى القنوات المرارية والبنكرياس وسبق إجراء جراحة لها
بالخارج

4-
ويعانى من وهن وضعف وحالة اكتئاف نفسى واضحة وضعف
بالعضلات ولا يستطيع القيام من الفراش من دون مساعدة

أمّا الفقرة الخامسة دى انا كنت شاهد عليها

وهى دى الفاصلة فى التقرير .. وهى دى سبب التحجج بالبقاء فى المستشفى

اقتباس :

5-

إلى جانب أنه أجريت له أشعة على الشرايين السباتية أظهرت وجود ضيق مؤثر بالشرايين السباتى الأيمن والأيسر

انطلب من الأخصائى دكتور طارق انه يطلع يعمل دوبلر على الشرايين السباتية للرئيس السابق

وكان الداعى هى شكواه إن : عدد ضربات القلب بتقل

Bradycardia

التقرير اتكتب تحت فى القسم وكان بيوضح الآتى
.
:

علشان الصورة تكون قريبة لحضراتكم

خدوا الصورة دى وانا حاطط عليها الأسهم بالأرقام

[ندعوك للتسجيل في المنتدى أو التعريف بنفسك لمعاينة هذه الصورة]

a= الشريان السباتى الرئيسى

b= فرع من فرعين للشريان السباتى يصل للمخ

c= الفرع الآخر للشريان السباتى

الشريان السباتى كلنا ممكن نحس نبضه - فى جانب الرقبة على الجانبين كما هو موضح فى الصورة

اللى ظهر هاوضحه لحضراتكم بصورة كروكية

:

[ندعوك للتسجيل في المنتدى أو التعريف بنفسك لمعاينة هذه الصورة]

السهمين الطخان الخارجيين بيشاوروا على

مكان الضيق اللى فى نهاية الشريان الرئيسى وبداية الفرعين

الضيق عبارة عن جلطة متكلسة ومش مفتوحة ولا تتعدى الــ 50% من قلب الشريان من الداخل

يعنى الدم يقدر يمشى برضه من الجزء المفتوح كما هو موضح بالسهم الرفيع الداخلى = بيمثل حركة الدم

..

هل ده يتطلب حجز بالمستشفى .. خاصةً الرعاية المركزة بمستشفى شرم الشيخ مش غيرها ؟؟

معظم دكاترة القلب اللى اتسألوا فى الموضوع ده قالوا مش متطلبة رعاية مركزة بصورة دائمة

خاصةً وأن الجلطة متكلسة يعنى غير قابلة للحركة ومن ثم غير قادرة على الصعود للمخ

..

وبالنسبة للــ 4 حاجات المذكورين فى أول التقرير

الراجل ومن قبل الثورة كان عايش ومتعايش بيهم

ولا شوفناه راح شرم الشيخ فى العناية المركزة بتاعتها .. ولا شوفناه فى غيرها

..

ملحوظة

النسبة الــ 50% اللى بتمثل نسبة الضيق فى الشريان السباتى المذكورة فى التقرير

الدكاترة اللى مع الرئيس المخلوع طلبوا من الدكتور طارق إنه يخليها 60 % أو 70

علشان ده يساعد التقرير النهائى

والباشا يفضل قاعد

وطبعاً الدكتور طارق رفض وعامل ضميره قدام ربنا

..

ولاد مصر كانوا أيام الثورة بينضربوا وبيتقتلوا

وتروح أجهزة الباشا تاخدهم من المستشفيات ويسحلهوهم على الأرض لعند مايطلعوهم على البوكس

وعربيات الإسعافات بيوقفوها فى الشارع وينزلوا اللى جواها

غير الأوامر بالضرب مع التركيز على العيون

..

الباشا لمّا فكروا يرحلوه لقيت خبر فى الصحف بيقول

اليوم السابع | صحافة القاهرة اليوم: مبارك يهدد "شخصية سيادية" بنشر فضائحه.. وموريس صادق: لا يوجد قانون يمنع محبة إسرائيل.. و"كفر المصيلحة" تمحو ذكرى "الرئيس السابق".. ومسئول بالتعليم: سنراعى طلبة الثانوية العامة

معلومات عن شخصية سيادية لو اتنقل هو ومراته !!

مبدأ :

سيب وانا اسيب .. فهمتوا دلوقتى التقرير

؟؟
..

يا شهيد نام واتهنى

حسنى ف نار ( نار الدنيا )

وانت ف جنة