اللواء الرويني لدينا ما يثبت تورط 6 ابريل مع جهات خارجية وحركة كفاية غير مصرية

رؤية جديدة كتب:: قبل مايترد على الكلام ده احب اوضح ان 6 ابريل وكفاية من اول الناس اللى وقفت وقالت لا
فى وقت كانت الكلمه وقتها بتودى ورا الشمس

فى وقت كانت الكلمه وقتها بتودى ورا الشمس

مش دول بس اللي كانوا بيقولوا لأ

وبالصور مكانوش بيروحوا ورا الشمس كانوا بيروحوا يتدربوا برة ويقابلوا هيلاري

رؤية جديدة كتب:: واول ناس نزلت التحرير ومقالتش الخروج على الحاكم حرام !!!!!!!!!!!!!!!!

يجب ان نتجنب الأكل في لحوم العلماء
العالم يأخذ الفتوى من مدخلات متغيرة + علم ثابت
وطالما في متغير يبقى الفتوى تتغير على حسب المدخلات

علشان كدة كان كل علماء الإسكندرية بيقولوا حلال لأن إسكندرية كلها خرجت
وعلماء القاهرة وباقي المحافظات إختلفوا لإختلاف الظروف مع أيام الثورة
مع العلم بوجود علماء مسابوش الميدان من أول يوم

لما حضرتك تنقض رأي العلماء يبقى بتنقد المدخلات ولا العلم اللي أدوا للمخرجات

رؤية جديدة كتب:: نيجى بقى للنقطه الاهم

مدام اللى عمل الثورة عملاء امريكا الخونه

(على اعتبار ان امريكا هاتصرف على عملا علشان يسقطو نظام كان حبيبهم )

طيب ليه المجلس انحاز للخونه ضد البطل والرمز

اللى مش عاوزين يحاكموه

مين قال 6 إبريل ولا الحركات عملت الثورة
ده كلام مش صحيح
كل الحركات دي متحركش شارع في مصر

اللي عمل الثورة كل الشعب بربنا بس ومحدش ليه فضل علينا فيها
ومحدش أنكر ده من الكل ليه دلوقتي بنقول كلام جديد

رؤية جديدة كتب:: الناس دى نزلت وقالت مطالب 1و2و3

لو المجلس اساسا عاوز الدنيا تمشى مش هايخسر كتير لو نفذها

وبعدين من 2008 ولسه دلوقتى مكتشفين انهم عملا

وكلام المجلس بيفكرنى بتوفيق عكاشة وسبايدر

والمؤامرة الماسونيه الصهيونيه الامريكية الاسرائلية المهلبية

والله لو المؤامرات بتعمل ثورات كده

ربنا يباركلنا فى المؤمرات

برضو هقولك دي ثورة شعب مش ثورة حركات ملهاش حد في الشارع

الحاجة التانية مش مؤيد للي حصل بدون عرض دليل

لكن ضد رسم صورة غير حقيقية لحركات ملهاش حجم ولا حد يعرف عنها حاجة

أتحداك لو سألت واحد في الشارع عن رأيسها ولا أعضائها مين ويرد عليك

أو قول كدة إسم واحد منهم وإبقى قابلني لو لقيت حد يعرفوا من الناس

يا سيدنا كلنا ضد المواقف التي بدون سند أو دليل

لكن أنا مبسوط جداُ إن المجلس العسكري أخيراً ومتأخر جداً بدأ يتكلم في الفلوس اللي جاية من برة ومحدش ينكر وجودها

وكلنا قرافنين من التدخل الأجنبي في مصر بإسم حركات وإئتلافات وشباب لازم ندقق في القصة ونظهر الحقيقة

أنا ضد الدفاع المستميت عن تيار ما

محدش فوق الحساب ومطلوب من اللواء الرويني الدليل والمحاكمة لأي طرف يثبت عليه الجريمة

ومحدش فوق القانون

وبرضو كلنا ضد سرقة الثورة لحساب حركات معينة تدعي انها قامت بالثورة

المهم إن الحقيقة تظهر في الموضوع ده ونعمل ديموقراطية مصر مش ديموقراطية أمريكا وإسرائيل

استاذنا محمد الفكرة انى مش بقصد ان الثورة مقصورة على 6 ابريل لان كان ليهم على الاقل تواجد اكتر من غيرهم ومن اول يوم
وحاجه تانيه يمكن حضرتك مش شايف تواجدهم بس هما ليهم تواجد وكبير كمان
وبعدين انا مبدافعش دفاع مستميت عنهم ولاحاجه بس انا بوضح وجهة نظرى من الكلام ده

انكار الفضل جحود
حركة معروفه ووطنيه وساهمت بشكل كبير للتجهيز والاعداد لثورة يناير ككثير من الحركات والاحزاب
والقول بانهم غير موجودين وغير معروفين فهذا صحيح لكنه لقطاع الشعب المغيب والجاهل الذي يلعب عليه قوي اخري
تستطيع ان ترصد معرفة الحركة بسهولة ويسر في قطاعات الشباب التي كان لها فضل رئيسي في الثورة
وموضوع فريدم هاوس وتمويلات الخارج ننادي بفتحه ايضا
لان القاعده يجب ان تعمم ونعرف ايضا التنظيمات الاسلاميه القائمة في مصر من يمولها
واموال الحركه الوهابيه المحموله من السعوديه لمصر كيف تدخل ولصالح من ؟

في إطار الرد على أخي رؤية جدبدة

مسألة تواجد حركة من عدمه ليس تفضلاً على الشعب بدورها أو يجعلها أكبر من النقد

أو أكبر من فتح ملفاتها على الحركات التي ترى نفسها كبيرة أن يتسع صدرها لأي إتهام وتطلب الدليل

ولا تملاً الأرض ضجيجاً بفضلها على الثورة وهذا أرجع وأقول مش صحيح

أما عن تواجدهم الأول فهتلاقي بقى الإخوان يقولك إحنا اللي حمينا الميدان في معركة الجمل

وتلاقي الجيش يقولك أنا اللي طردتلكوا مبارك

والمسيحين يطلعوا بحاجة ونقسم البلد

محدش له فضل على الشعب في ثورتوا ومش جحود لكن ده الحق في نظري

وسامحني يا أخي في قول أكل لحوم العلماء لكن بصراحة مش من حقنا نقد العلماء في فتاواهم طالما استند على دليل

فمثلاً عندما تجد رأي للشافعي ولا تأخد به فليس مسوغاً لنقده

كلامي قلته غيرة على مقام العلماء ولم أقصد به شخصك إنما قصدت من يفرط في نقد العلماء

صدقني الموضوع محتاج وقفة لأننا جميعاً تربينا في بيئة تحترم العلم وتجل العلماء وهذا حقهم

تاني مكنش أقصد حضرتك بس كتر تكرار الكلمه خلاني رديت بشكل عفوي

وأعتذر وأتمنى دوام الود ويعلم الله أني أحترم رأيك وإن إختلفت معك

لكن رجاء بقرائة هذا الأمر بشكل مختلف

احمد فتحي كتب:

يا هندسة لا يوجد فضل وهذا رأيي وليس فيه أي حجود

والكلام عن التحضير للثورة كلام مش موجود الثورة لم يجهز لها أحد ويعلم الجميع ذلك

حضرتك إتهمت من لا يعرفهم بالتغييب والجهل وهذا هو الحجود بعينه

وتتكلم عن الشباب وكأنك وحدك منهم

مسألة تمويل الحركات الدينية كلام مردود لأن السلفيين (من تصفهم بالوهابيين وأعلم ثقافتك في فهم الفرق وأستغرب طرحك) فهي موجودة في مصر من أكتر من 30 سنة في جماعة أنصار السنة المحمدية والجمعية الشرعية والمدرسة السلفية في الإسكندرية
وموجودين وأغلبية ساحقة بالأزهر الشريف
وردك من باب الهجمة المضادة على هجمة لم يشنها السلفيين !!

يا سيدنا علماء المنهج السلفي موجودين في كل جل مساجد مصر ولا يتلقوا دعماً من أحد
وثقافتك تدلك على خطر الفكر الثوري في مصر الآن على السعودية اللي بتدعي مجئ فلوس منها

الحمد لله كنت بشوف مشايخ المنهج في مساجد الجمعية الشرعية من أمام زماااااااان
وتطمئن نفسي لهم واعلم عدم وجود ما تدعيه

ما يدور هنا خرج عن روح الثورة وحقنا جميعا فى الوطن
ربما يسلب منا ثانية ونحن فى هذا الجدل

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ
متضامن مع حركة 6 إبريل وكفاية ودوهما البارز فى الكفاح من أجل هذا الوطن

يااستاذ محمد الموضوع محتاج تحقيق كامل ووافي
في كل القوي السياسيه من يثبت نزاهته اهلا وسهلا بيه
ومن يثبت العكس يبقي عرفناه
حضرتك اتهمت 6 ابريل بالعماله ومش عارف ده اسمه ايه بالنسبه للفكر الثوري
واتهام اي مؤسسه اخري تدعي انها اسلاميه بتلقي فلوس من الخارج امر ليه شايفه غلط علي الفكر الثوري
زي مافيه شباب بتتهم منظمات من وجهة نظر ناس تانيه محترمة بيحصل العكس
وفكرة اتهامي لجزء من الشعب بالجهل يبقي حضرتك مسميه جحود يبقي اسمحلي اختلف معاك
لان الحقيقه المره ان عندنا جزء كبير جاهل وجزء غير واعي والا كنا شكرنا مبارك انه الحمد لله ف عهده طلعنا كلنا نوابغ
ماهو لو مفيش الجزء ده مكناش هنبقي فدول العالم التالت والاحصائيات بتؤكد ان 35 في الميه من الشعب امي
والعشوائيات بتمثل 42 ف الميه واللي كان بينتخب عشان ياخد ال 10 جنيه لسه مش بعيد عن زمانا يدوب كان ف 2010
ففكرة اننا منعترفش بواقع عشان منصدمش نفسنا فكره زي اللي بيدفس راسه ف الرمل
وعلماء المنهج السلفي فيهم محترمين ونجلهم وفيهم من نعارضهم بقوة لانهم نهاية بشر....
والمنظمات الاسلاميه فيهم المحترم واللي بيعتمد علي تمويله من الداخل وفيهم من يتلقي امواله من الخليج
ولو تابعت تصريحات الدكتور عبدالمنعم ابو الفتوح و محمد حبيب وكمال الهلباوي هتعرف يقصدوا ايه من تعارضهم مع الاخوان لعدم الافصاح والتقنين
وحط تحت كلمة افصاح وتقنين 100خط ....انا مبدعيش ان الاخوان بتتلقي فلوس من الخارج ومقدرش اتهم حد ابدا بكده
لكن مش معناه كل واحد رفع شعار الاصلاح امشي وراه واقول اهو بيتكلم باسم الدين وايده نضيفه...
وبرضه مش كل منظمه رفعت شعار الحريه امشي وراها واوقل ماهي بتنادي بالحرية
اخيرا اذكر كلمة هتلر اذا اردت ان تقصي خصمك ف شكك في وطنيته...

كان الأجدر بك يا استاذ محمد أن تتمهل حتى يأتينا المجلس العسكرى بأدلة الاتهام
وخاصة أن حركة 6 إبريل فصيل مهم من فصائل الشعب والثورة
وكان معاك فى خندق واحد ولا يزال
إلا إذا اكتفيتم بما حققتموه من مغانم

حضرتك بتقول إتهمت مش أنا اللي إتهمت المجلس العسكري اللي إتهم

وراجع كلامي مش هتلاقي أي إتهام

إلا لما قولت التدريب برة دي حقائق بتوع 6 إبريل منفوهاش إنت شايفها ليه إتهام

ناقص تقولي مقابلوش هيلاري

لما حضرتك تدخل بالمذهب الجدلي في إني طالما إتهمت يبقى حقك تتهم

إتهم براحتك بس بالمبدأ الجدلي اللي ملوش دليل

لما حضرتك تدافع عن تجهيل الشعب لحساب مؤسسة برضو تبقى بالمذهب الجدلي اللي ملوش دليل

في كلامك بدأت بالإتهام ونقضته في نفس الرد

بقولك

احمد فتحي كتب:: والمنظمات الاسلاميه فيهم المحترم واللي بيعتمد علي تمويله من الداخل وفيهم من يتلقي امواله من الخليج

احمد فتحي كتب:: انا مبدعيش ان الاخوان بتتلقي فلوس من الخارج ومقدرش اتهم حد ابدا بكده
...

أتمنى تدلل على كلامك مش تبني على كلامي اللي عليه أدلة

وشكراً

مسعد النجار كتب:: كان الأجدر بك يا استاذ محمد أن تتمهل حتى يأتينا المجلس العسكرى بأدلة الاتهام
وخاصة أن حركة 6 إبريل فصيل مهم من فصائل الشعب والثورة
وكان معاك فى خندق واحد ولا يزال
إلا إذا اكتفيتم بما حققتموه من مغانم

أستاذي هذا الموضوع خبري بحت

لم أتهم وأرجو مراجعة ردودي

وأرجو أن تكلمني بصيغة الجماعة ليس بإكتفيتم وحققتموه لأني آؤمن مثلك أننا طرف واحد في خندق واحد

وده تكرار لكلامي المكتوب فوق

محمدعبدالرحمن كتب:: يا سيدنا كلنا ضد المواقف التي بدون سند أو دليل

لكن أنا مبسوط جداُ إن المجلس العسكري أخيراً ومتأخر جداً بدأ يتكلم في الفلوس اللي جاية من برة ومحدش ينكر وجودها

وكلنا قرافنين من التدخل الأجنبي في مصر بإسم حركات وإئتلافات وشباب لازم ندقق في القصة ونظهر الحقيقة

أنا ضد الدفاع المستميت عن تيار ما

محدش فوق الحساب ومطلوب من اللواء الرويني الدليل والمحاكمة لأي طرف يثبت عليه الجريمة

ومحدش فوق القانون

وبرضو كلنا ضد سرقة الثورة لحساب حركات معينة تدعي انها قامت بالثورة

المهم إن الحقيقة تظهر في الموضوع ده ونعمل ديموقراطية مصر مش ديموقراطية أمريكا وإسرائيل

[/center]

ولا نزال مختلفين ولاعزاء للثورة
تقبلني بسعة صدرك ...

متفقين بإذن الله على الحب والمودة

مختلفين على امور لا يعيبها الخلاف

أحترمك وأحترم رأيك

وأشكر كل من مر هنا

إلى كل أحبائي أعلاه :
الثورة هي عمل بشري يحتمل الخطأ والصواب لا يوالى أو يعادى عليه ويحب أو يبغض على أساسه وإلا فسوف يكون تحزبا مذموما
الحب والبغض يكون على كتاب الله وسنة نبيه من اتبع كتاب الله وسنة نبيه فنحبه بقدر طاعته لله عز وجل وإن كان عنده معصية فنبغضه على قدر هذه المعصية ولا يخلوا احدنا من المعاصي فنسال الله ان يغفر لنا ذنوبنا ويستر عيوبنا وأن يهدينا لما اختلف فيه من الحق وأن يجنبنا الفتن ما ظهر منها وما بطن

اقتباس :: كان الأجدر بك يا استاذ محمد أن تتمهل حتى يأتينا المجلس العسكرى بأدلة الاتهام
وخاصة أن حركة 6 إبريل فصيل مهم من فصائل الشعب والثورة

مازلتم تعاملون الأمر كأنه مما هو ضروري السكوت عنه

وأرى كل شئ مطروح للنقاش الجاد

أحترم رأيكم

وشكراً

» "الوطنية للتغيير" و22 حزباً وحركة سياسية يدعون لـ"جمعة رفض الصلح"
» Office 2007 يثبت جدارته
» 6 ابريل
» محشش يثبت ان الحمار يشبه الارنب(ع طريقه فيثاغورس)
» النهارده 25 ابريل كل سنه وانتم طيبييييييييييييين