مسلسل:شباب سيس ..ولكن !!!

تذكير بمساهمة فاتح الموضوع :

بسم الله الرحمن الرحيم

كل سنه وكل أخواتى ع المنتدي الكرام بألف خير
يا رب يجعل من شهر رمضان مغفره لذنوبنا ومقربه منه اللهم امين

اول يوم رمضان قلت يا واد أفتح ال(t.v) تليفزيون يعنى عشان بس بتوع التعليم المجانى يفهمو

المهم جبت الريموت وقلت بسم الله

وتك تك ولقيت مسلسل قلت عادى رمضان كريم

قلت غير يا واد غيّر القناه وبغيّر لقيت مسلسل قلت عادى عادى رمضان كريم برضو المهم غيرت تانى وتخيلو لقيت ايه
صح صح

مسلسل برضو

قلت رمضان كريم بس مش كريم اوى كده انا أتخنقت.. التليفزيون كله بقى مسلسلات

المهم مسلسلات فيها الحلو اوى وفيها اللى مش حلو اوى

قفلت الجهاز الخنيق ده وقلت لازم أفكر
طلعت في دماغي

فكره مطرقعه كده يا رب تعجبكم

اه هي دي اللى في دماغك

ايوه هي ما تتردش
بالظبط كده

قلت ليه لا ما اعملش فكرة مسلسل ع المنتدى ؟؟

بس ان شاء الله المسلسل مش هيكون ممل

المسلسل طبعا من تأليفي

ومن وحي خيالى

واي تشابه بينه وبين الواقع هو بالتأكيد مقصود....مقصود....مقصود

المسلسل هيكون 30 حلقه ع اد الشهر الكريم

ان شاء الله اول حلقه النهارده بعد صلاة العشــاء والتراويح

انتظرونا.......

ايه ده انا نسيت حاجه اه صح
المسلسل اسمه

شــباب سيس.. ...ولكن !!
بطولة:

مجموعه من أمهر الممثلين ع المنتدى

فكره بسيطه عن المسلسل:

المسلسل بيوضحلنا ان فعلا العبره بالشباب وان الشباب ده عمود الامه وازاى وصلو ف الزمن ده لدرجه من الضياع والاستهوان بكل حاجه بس وقت الشده ووقت
الفوقان رجاله

......
كفايه بقي علشان ما احرقش المسلسل
نفسى أسمع تشجيع بقى

يلا بقي انتظرونا

وان شاء الله يعجبكم المسلسل

موضوع: الحلقه 8 السبت 13 أغسطس 2011, 11:02 pm

الحلقه 8

وبعد ما أسماء قالت لكريم ع السر الخطير اللى محدش يعرفه واللى هيكون له تأثير كبير بعد كدا

قفل كريم واتفقوا ان هما يتجمعو عشان يسبكو الطبخه

تذكير:أسماء الفيلسوفه أقترحت على كريم انه يخرشم نفسه عشان يعدى من المطب ده حاول كريم ينفذ المهمه

ف بيت كريم والاصدقاء كلهم متجمعين

مصطفى:أدى الشاش اهه والقطن والمكركروم محمد المدروخ بيجيبه بس يارب يجيبه

اسلام جوجو:أهم حاجه يا عم كريم تعمل نفسك تعبان بجد مش من بره متعور ومن جوا سليم

روميو:وكمان لازم تعمل تقرير طبى؟؟

كريم:امممممم. حاسس انى قاعد مع دكاتره من بريطانيا ....وده هيتعمل ازاى يا دكاتره يا بشمهندزين ..ده انا لازم أخش المستشفى

مصطفى:امممم..تصدق فاتتنى دى ده فعلا لازم تعمل تقرير ان انتا اتحجزت واتعملك تقرير بحالتك

كريم:طب ودى هنعملها ازاى؟؟

مصطفى:اممممم..انا أعتقد ان لازم نروح لحد من الدكاتره حبايبنا ونديله قرشين ويكتبلنا التقرير

جوجو:ياجدعان هو فى دكتور برضو هيرضا تكرمشله قرشين ف ايده ...لاألاأ احنا نروح لتمرجى

مصطفى:جوجو بيتكلم صح نروح لممرض..كريم بتفكر ف اللى انا بفكر فيه؟؟

كريم:تقصد أحمد مهتدى؟؟

مصطفى:وهو فيه غيره

كريم:يابنى حرام عليك دماغك كومدينو كومدينو وبتجيب حاجات من بطن القرد

مصطفى:تلميذ

روميو:وانتو فاكرين احمد مهتدى هياخد كام ؟؟؟

مصطفى:مش عارف بس هو كان زميلنا زمان ومعتقدش ان هو هيطلب فلوس يعنى ده لو عملها يبقى نداله اوى وبعدين ياااد يا روميو
ماكنتش دخلت تمريض ونفعتنا ف المشوار ده؟

روميو:ياعم ده جسم تمرجى ونبى ياعم صلى ع النبى ف قلبك

كريم:روميو ممرض؟؟ده كان خد المستشفى كلها لحسابه أشى نقل دم واشى ضغط وسكر ومواااااااااال

روميو:حدش شافك قبل ما تيجى هنا يا عسليه ؟؟

كريم:اها فى ناس شافونى وروحونى ويارتهم ما روحونى وشربت سجاره تانيه نستنى اسمى ف ثانيه ..روحونى ..

وبدأت الشله كلها ف الغناااا والتطبيل وقلبوها هيصه لحد ما ..........

محمد:الله.. الله.. هز اوى انتا وهو ..وبعتنى أجيب المكركروم واتمشور هنا وهناك وشكلكو لفيتو سجارتين وعملتو الدماغ الجامده صح؟؟

كريم:وهو أحنا نقدر نشد شده ولا نلف لفه من غيرك يا مدروخ..طب بزمتك هندروخ ازاى من غيرك يا صبروره يا قمر

محمد:ايووووووووووون ....يبقى أخد نصيبى تاخدو المكركرون.... مافيش نصيبى مافيش مكيركرون

مصطفى:ياعم ايه الميكركرون ده انتا ناقص تقول الميكروفون

جوجو:متعرفش بيتكلم منين وربنا

مصطفى:فين يا محمد الميكروكرون؟؟

محمد:خد يا سيدى ازازه بحالها اهه

كريم:يانهار ازرع الازازه خلصانه كدا ليه ؟؟

محمد:ايه ايه ايه أصلى وانا ماشى خدتلى بوقين يا خفه

مصطفى:ههههههههههههههههههه

محمد:ياعم هى الازازه بتتركب كدا مش بتتملى للاخر متعرفش ليه

روميو:عشان ماتتدلد...ماتتدلد..يووووووووه مش عارف انطقها

مصطفى:عشان ماتتدلدقش صح ؟؟

روميو:تمام هو ده بالظبط

كريم:ياجدعان ها هنعمل ايه ف موضوع احمد مهتدى ده ؟؟

مصطفى:ياجدعان نجيب رقمه وبعدين نروحله ف الييت او ف المستشفى

جوجو:طب ثوانى هعمل اتصالاتى واجيب الرقم

تك تك تك تك تك تك تك تك تك
.
.
.

جوجو:اوووف كل ده عشان أجيب الرقم ده لو رقم هيفاء كان زمانى مكلمها ومقرطس هيروشيما جوزها

روميو:أنجز يا عم مين هيكلمه

مصطفى:هات أنا هكلمه

مصطفى:اممم ..مش بيرد

كريم:لاأ ونبى ياعم مهتدى ........حاول معاه تانى ونبى ياعم

مصطفى:امممممم..بيرن اهه ....وعليكم السلام ورحمة الله وبركاته

احمد مهتدى:ايون دكتور احمد ف خدمتك مين معايا

مصطفى:ايه ايه دكتور احمد ايه بس احنا عاوزين البشتمرجى احمد مهتدى حضرتك؟؟

احمد مهتدى:ايون يا استاذ أنا انا الدكتور احمد

مصطفى:وحضرتك بقيت دكتور ماشاء الله

احمد:أنجز لو سمحت انا مش فاضى

مصطفى:مالك ياعم مخنوق علينا كدا ليه انا مصطفى صاحبك من أيام ثانوى اللى كنت برخم عليك كدا وبلزقلك ياعم

مهتدى :ياعم مصطفى مين ....انا محدش يقدر يلزقلى

مصطفى:ياعم فكك والله كنت بلزقلك وبضربك كمان يااد ياااااد درس الانجليزى ياعم

مهتدى:ايون ايون افتكرتك ازيك يا عم عامل ايه واخبارك ايه وكريم عامل ايه؟؟

مصطفى:اهو هو كريم بقى المشكله كنا محتاجين منك تقرير طبى بسيط لكريم عشان عاوزينو ف الكليه

مهتدى:هههههههه بقى ياراجل ياطيب بتكلمنى وتاعب نفسك عشان حاجه تافهه زى دى أعتبره خلص ياعم

مصطفى:بس احنا عاوزينه ايه كلام عن حد ميت الواد مشلفط وكأنه دخل ف اتوبيس

مهتدى:ياعم ده شغلى ..انتا هتفمهنى شغلى

مصطفى:عداك العيب ياريس المهم هناخده ازاى؟؟

مهتدى :عدو عليا بكرا ف المستشفى الساعه 9 وانا ان شاء الله هكون ختمته م المدير ...بس؟

مصطفى:ياعم والله حلاوتك محفوظه من قبل ما تتكلم

مهتدى :والله يا عم مش ليا انا ان كان عليا ماخدش مليم بس المدير بقى وانتا فاهم الروتين كله لازم يدفع رشا عشان يخلص

مصطفى:لاأ تمام ربنا يباركلكو يالاا على معادنا بقى سلام

مهتدى:سلاااااام

مصطفى:اه يا ولاد التييييييييييييت

كريم:ايه هأمووووت؟؟

مصطفى:ياشيخ اتنيل هنعدى عليه بكرا ف المستشفى وناخده بس عاوز رشوه

روميو:ياعم مابقاش أسمها رشوه دى أسمها حلويات عشان يخلصلك شغلك

جوجو:فعلا البلد كلها بقت ماشيه بالحلويات لحد ما جالنا السكر منهم لله

كريم:فككو يا جدعان مش انا اللى هعدل البلد يعنى انا أخلص مصلحتى وبعد كدا اتوبيس سياحى فاخر ياكلهم كلهم

مصطفى:المهم يا جماعه الدكتور بتاع الماده دى خنيق اوى وأنا خايف منه وانتا عارف حاجه زى دى فيها مجلس تأديب ليك ياكريم

كريم:ربنا يستر بقى ياعم انا مش عارف مش ادامى حل غير كدا وبعدين انا لو سقطت السنه ادى ابويا ممكن يروح فيها وانا مش هسامحه لو سقطنى هنتقم منه

روميو:ربنا يقدم اللى فيه الخير

جوجو:أنا هقوم امشى انا احسن سايب السيبر لوحده يالااا عاوزين حاجه

كريم:بالسلامه يا عنيا بالسلامه

مصطفى:هقوم انا كمان عندى شوية حاجات هعملها

كريم:وأنا كمان نازل أحسن مخنوق م البيت اوى الواحد من ساعة أبويا ما تعب والبيت بقى كئيب وبقي مش قادر حتى أقعد معاه والحاله ف النازل

روميو:ياعم ربنا يشفيه ويقومه بالسلامه

كريم:ياعم المشكله العلاج بتاع الهباب اللى اسمه فيرس سى ده غالى وانتا عارف الحاله يعنى

مصطفى:ياعم سبها لله ربك اللى بيرزق

مروه دخلت عليهم

مروه:اوه نووو ...با دى توت ...رايحين فين ياشباب انا جبت الشاى

كريم:بعد ايه يعنى أشربيه انتى بقى

مروه :سيلفو بلايت أشربوه كدا هيترمى

كريم:طول ما انتى عامله فيها من بلاد بره محدش شارب

مروه:اووووه ماى جود

وبكدا انتهت حلقتنا النهارده وبكرا هنشوف ازاى هيروحو ويحاولو يخلصو التقرير وهل هيخلص بسهوله
ولو خلص الدكتور هيعدى الحوار بالساهل ؟؟

أنتـــــــــــــــــــرونا

ههههههههه
وربنا يا نجم حلقة شديدة ع الاخر
انا ما بطلتش ضحك
بالذات على احمد مهتدى
الله يخربيتك انتا دماغك سم

ههههههههههههههههههههه جامد يا بوب بقولك وانت رايح المستشفى ابقى وصى الدكتور أحمد عشان رايح اعمل تقرير طبى عشان اعمل رخصة ههههههههههه

اممممممم متابعه ،،

انزل بجديدك يا كبيـــــــــــر

مصطفى فتـ7ـى كتب:

اقتباس :: اه يا مدروخ يا فاضحنــا

و بعدين بنات ايه يا عم الناس تصدق و الا حاجه

مدروخ .. أه

بنات .. نو

[ندعوك للتسجيل في المنتدى أو التعريف بنفسك لمعاينة هذه الصورة]

دايما فاهمنااااا كركر

خش نايم يا اخيار مش ناقصه والنبى

وانت يا كريم فين بقيت الحلقات

[ندعوك للتسجيل في المنتدى أو التعريف بنفسك لمعاينة هذه الصورة]

فين بقيه الحلقات؟

بصراحة مش شايف تفاعل ساعدنى ع الكتابة,, زعلان ومكتئب

KAREM كتب:: بصراحة مش شايف تفاعل ساعدنى ع الكتابة,,

فين ياكريم بقية الحلقات..منتظرين أكيـــد..

كمل يا كريم ...وربنا ممكن يجعله فى ميزان حسناتك !!

ابو حذيفه السلفى كتب:: كمل يا كريم ...وربنا ممكن يجعله فى ميزان حسناتك !!

أنتا بتلون عليا يا ابو حذيفه؟؟

اقتباس :: أنتا بتلون عليا يا ابو حذيفه؟؟

[quote]

حاشا لله ..

هو انت ممكن تتعب كل التعب دا فى المسلسل وحلقاته ومتخدش اجر من ربنا ؟؟

[quote="ابو حذيفه السلفى"]

اقتباس :: أنتا بتلون عليا يا ابو حذيفه؟؟

اقتباس :: حاشا لله ..

هو انت ممكن تتعب كل التعب دا فى المسلسل وحلقاته ومتخدش اجر من ربنا ؟؟

ههههههههههههههههههه

شكرا يا عمنا

هو فيه سبب للضحك ؟؟

انت مش عارف الضحك من غير سبب اسمه ايه ؟؟

وعمتا انا كنت عاوز اعرف منك ربنا هيكتبلك اجر على المسلسل دا ولا لاء

بس اظاهر انك مكسوف تقول الحق قدام الناس

شكرا على السخريه يا بشمهندس

ابو حذيفه السلفى كتب:: هو فيه سبب للضحك ؟؟

انت مش عارف الضحك من غير سبب اسمه ايه ؟؟

وعمتا انا كنت عاوز اعرف منك ربنا هيكتبلك اجر على المسلسل دا ولا لاء

بس اظاهر انك مكسوف تقول الحق قدام الناس

شكرا على السخريه يا بشمهندس

على فكره أنا مش فاهم حضرتك وحضرتك شخص غامض جدا
انا مش فاهم حضرتك ضد الفكره دى ولا معاها ؟؟
ولو حضرتك مش معاها ليه بتطلب منى انى أكمل !!!
ولو معاها بتسخر ليه من الفكره؟؟

وفكرة الثواب والعقاب دى بتاعة ربنا لا أنا ولا انتا نقدر نحدد

وبعدين العمل اللى انتا شايفه ده لا فيه اى اخلال او بذاءات ولا اى خروج عن النص الدينى او الاخلاقى وهو جانب من الفرفشه والتسليه ليس الااا
ولا هو
خالف تعرف؟؟

ابو حذيفه السلفى كتب:: كمل يا كريم ...وربنا ممكن يجعله فى ميزان حسناتك !!

ابو حذيفه
السلام عليكم
ممكن تدخل منى

هو ايه الغلط مثلا ان الواحد بنزل حاجه تضحك الناس تغير الجو اللى هما فيه

و الا لازم كل المواضيع تبقى جد و قفش ؟؟

ميزان الحسنات بأيد ربنا اكيد محدش عارف ايه اللى فى ميزان الحسنات وايه اللى مش فى ميزان الحسنات

اسف ع التدخل

هو انا قولت انى ماسك ميزان الاعمال وعمال اوزن للناس

ولكن فى اشياء مش محتاجه ميزان بتظهر من العنوان ..

صباح الفل عليكم

ليك عليه بعد العيد اطلع كل العيـــــــــــــــــــــــــــــــوب اللى فيه لان وقتى محدود

ف انتظــــــــــــــــــار حلقات جديدة ولذيذه مع كريم

» حلقات مسلسل شباب سيس ..ولكن !! - تم إضافة الحلقة السابعة
» ننتظركم جميعا ..فى حفل تعارف شباب العمار وأخوانهم من شباب امياى
» دعوة حضور ... الي شباب منتدي شباب العمار
» صور شباب مركز شباب العمار ....فبراير 2003.
» الصفات الحميده فى شباب ....منتدى شباب العمار.