سلسلة "وميض أمل" الحلقة الأولى ,,,,

سلام عليكم جميعا أتمنى تكونوا بصحة جيدة

ندخل فى الجد على طول ؟؟؟ ،،،،، Ok

يمكن اللى بيحصل فى مصر دلوقتى بصراحة فى وجهة نطرى عامل زى "نعكشة الفراخ "

ودى كلمة أمى كانت بتوصف بيها خطى دايما مع إن خطى حلو سبحان الله :)

المهم يمكن فيه تخبط على كل الأصعدة اليومين دول فعلاً والواحد مننا وخاصة اللى مش فاهم

سياسة أو عنده رؤية مستقبلية ودماغه على قده زيى كده تلاقيه دايماً خايف ومترقب

علشان كده الجماعة بتوع التنمية البشرية بيقولوا دايما لما تبقى مكتئب

حاول توجه حسك ونظرك وكل اهتمامك للشىء الجميل اللى فيك ولو ملقتش وجهة لشىء

إيجابى وجميل حواليك

وهى دى فكرة السلسلة دى اللى انا نفسى كلنا نشارك فيها كل اللى عنده انجاز ولو بسيط يدخل يقوله

كل اللى شاف حاجة ولو بسيطة أوى تدعو للتفاؤل

ميبخلش علينا بيها سواء موقف او فكرة او حتى يعرف حد عمل حاجة جميلة

ممكن تثبتنا وتساعد ناس كتير فى انها تقول ،،،،،، أه والله لسه فيه حاجات حلوة أهو

عن نفسى هكتب كل حاجة حساها إصلاحية وإيجابية شوفتها أو سمعت عنها

وياريت تشاركونى وخلونا نخرج من جو اللخبطة والتوتر والكآئبة ده إن شاء الله

أول مشاركة هكتبها فى الرد اللى جاى

فكرة الموضوع حلوة اوى بحييكى عليها ياحنين
مشارك ومتابع معاكم ان شاء الله

شكراً ليك يا روك وصدقونى يا جماعة عنيك على ما تعودها

لو بتبص دايما على حاجات جميلة هترتاح وهتحس بالجمال

لو عنيك مش بتقع غير على كل حاجة صفوها متعكر نفسيتك هتتأزم جداً

فياريت نشارك مع بعض وإليكم :

الومضة الأولى

مبادرة محمد صبحى تحت عنوان ( حملة المليار للقضاء على العشوائيات )

معرفش سمعتوا عنها ولا لأ بس هى عبارة عن مشروع تنموى متكامل

هدفه جمل مليار جنيه للقضاء على العشوائيات فى مصر وتوفير خدمات أساسية للمصريين

اللى بيفتقدوا أبسط سبل الحياة من أكل نظييف ومياه نظيفة وسكن آمن

المبادرة أطلقها الفنان محمد صبحى بعد الثورة مباشرة كنوع من أنواع البناء فيما بعد هدم نظام فاسد

أنا شخصيا لما سمعت الخبر وقريت عنها كتير حسيت إن فيه ناس نفسها تبنى البلد بجد

فيه ناس الإيجابية فى دمهم وعندهم دماغ بتفكر فى الخير

والجدير بالذكر إن هناك تأييد كبير للحملة على نطاق واسع وتشارك فيها

مجموعة من المؤسسات التنموية فى مصر زى مؤسسة ( واحد من الناس) بالتعاون مع عمرو الليثى

وأعتقد بالتنسيق مع دكتور عمرو خالد والكثير من الكوادر المحترمة فى عالم الإصلاح والتنمية

دى ومضة أنا شوفتها حلوة ولونها مبشر وهادىء فى وسط الألوان الحادة اللى بنشوفها كل يوم

يارب تبقى حياتنا كلها مبادرات إيجابية

إنت بقى شوفت إيه ؟؟

أنا بقه ساعات دماغى بتاخدنى لحاجت غريبة
فيا ميزة انى دايما متفاؤل برغم الإحباط اللى مالينى,وماحدش يسألنى إزاى؟ :)
برغم النفق المظلم اللى دخلته مصر حاليا,حاسس ان احنا هنطلع منه بس بصعوبة شوية
المهم انا نفسى ف الوقت ده اسمع راى شهيد من اللى ماتوا فى اللى بيحصل,وهل بعد ماشاف الوضع ورجع بيه الزمن هيقبل يكون شهيد لناس ماقدرتش شهادته,ولا قدرت شهادة الحق وعظمت للشاهد الزور؟تعتقدوا أيه؟
الحاجة الحلوة اللى فيا انى دايما بحسن الظن ف الناس وبقول ان مصر كلها مستعدة تضحى بحياتها علشان أهلها يلاقوا بلد يعيشوا فيها
وطول ما انا بدعى ربنا انه يخلينى سبب فى ان الناس تعدى بيا محنة,او تسعد بيه غيرى,أو تنقذ بيه ناس فعلا من حقها تعيش فأنا متاكد ان مصر بخير

احمد عبدالمجيد كتب:: أنا بقه ساعات دماغى بتاخدنى لحاجت غريبة
فيا ميزة انى دايما متفاؤل برغم الإحباط اللى مالينى,وماحدش يسألنى إزاى؟ :)
برغم النفق المظلم اللى دخلته مصر حاليا,حاسس ان احنا هنطلع منه بس بصعوبة شوية
المهم انا نفسى ف الوقت ده اسمع راى شهيد من اللى ماتوا فى اللى بيحصل,وهل بعد ماشاف الوضع ورجع بيه الزمن هيقبل يكون شهيد لناس ماقدرتش شهادته,ولا قدرت شهادة الحق وعظمت للشاهد الزور؟تعتقدوا أيه؟
الحاجة الحلوة اللى فيا انى دايما بحسن الظن ف الناس وبقول ان مصر كلها مستعدة تضحى بحياتها علشان أهلها يلاقوا بلد يعيشوا فيها
وطول ما انا بدعى ربنا انه يخلينى سبب فى ان الناس تعدى بيا محنة,او تسعد بيه غيرى,أو تنقذ بيه ناس فعلا من حقها تعيش فأنا متاكد ان مصر بخير

أتمنى كلنا يكون عندنا نفس الروح

بشوف دايما إن الحب لابد يُترجم فى صورة أفعال حتى يُصدق

يعنى لو كلنا مستعدين نضحى علشان البلد تقوم يقى نبدأ خطوة واتنين وتلاتة ومحاولة ومية وميتين

كل واحد يقدم فى مجاله اللى هو يقدر عليه بس بجد وبإخلاص مش شعارات

المهم نبقى حاسين إننا مخلصين ضميرنا فى النقطة دى ومش مقصيرين

شاكرة مرورك المتفائل يا باشمهندس

أتابع هذه الومضات باهتمام

الأمل:- "فــــــريضة"

طوبى لمن يبثه في النفوس الحائرة

عبد الغني عبده كتب:: أتابع هذه الومضات باهتمام

الأمل:- "فــــــريضة"

طوبى لمن يبثه في النفوس الحائرة

بشكرك يا دكتور وإحنا مش عاوزين متابعة فقط

إحنا طماعين شويه وعاوزين حضرتك تشارك معانا وأكيد عندك حاجات كتير هتبث الأمل فينا كلنا

والتوقيع بتاع حضرتك من أجمل الومضات

بدون أي شعارات...

أنتم الأمـــــل

يشرفني المشاركة...

التوقيع: تكوين أنا - بلا فخر- الذي نفذته ... يسعدني أن لقي اهتمامك

ممكن اعتبره (التوقيع) أول مساهمة في الموضوع:))

فكره جميله أوى يا حنين
متبعاكى ورغم إنى من الناس اللى ساعات بتفقد الأمل لكن بحس إنى بقدر أتفائل من تانى
أى ومضه هشوفها هشاركم بيها إن شاء الله

انا عندظن عبدي بي فليظن ماشاء ان خيرا فخير وان شرا فشر

» الحلقة الأولى((عرش الرحمن والكرسي))
» الرفيق ..والرحلة ( الحلقة الأولى )
» الحلقة الأولى- برنامج (جاوب بصراحة)
» لمحة من حياة فرعون..(الحلقة الأولى)
» هنعيشها صح ...بلدنا النهارده ( الحلقة الأولى ) الآن