البرستيج والاناقه ولا الشغل في الاجازه؟!!!

سؤال محير كل الشباب اللي في سني البعض بيقول لا للشغل انا في الوقت ده طالب ومش مجبر اني اشتغل انا طالب والراحه مطلوبه.والبعض اقصد الرجاله طبعا بيشتغلوا .

والبعض بيقول ان الواحد لازم يحافظ علي مكانته الاجتماعيه وميشتغلش اي شغل هههههههههه ال يعني كانه وكيل وزاره .
ورأيي انا ان الزمن اللي احنا عايشين في ده يجبرنا ان الشغل لازم ده اللي انا اتعلمتوه وده اللي اتربيت عليه
من فضلكم عاوز اعرف ايه اللي في دماغكم عن النقطه دي هستني ردودكم علشان اعرف انا صح ولا غلط.
ومن فضلكم عاوز اعرف سبب الرأي سواء كان صح ولا غلط.

الموضوع حلو اوي

الشغل مش عيب بشرط لا يحط من كرامة الانسان

والله من رأيي ان دي حاجة ترجع للشخصية نفسها
في ناس بتحب تشغل وقتها وتستفيد بكل ساعة في الاجازة
لان اكيد في دماغها حاجة عايزة تحققها وعايزة تتعلم الدنيا
عشان اما تتخرج ما تتصدمش بالواقع ........
ودا طبعا بصرف النظر ايه نوع الشغل لانه هيكون مؤقت
المهم ان يكون فعلا بيضيف حاجة ايجابية للشخصية
وفي ناس تانية طبعا بتكبر دماغها وبتشغل اجازتها بحاجات تانية
للأسف ممكن تكون غلط..........
وانا عن نفسي لو لقيت فرصة اني اشغل وقتي واشتغل هعملها ......

طبعا الشغل مش عيب ابدا
وهى بتختلف من شخص لتانى
يعنى فى واحد بيدرس فى ايام الكلية وكمان الاجازة يعنى بياخد كورس كمبيوتر او انجليزى
وفى ناس بتشتغل
دا شئ عادى
اما بالنسبة للى يقول برستيج او غيره يبقى غلطان
لان الشغل مش عيب
لكن كل ميسر لما خلق له
يعنى كل واحد يشتغل الشغل اللى يناسبه
موضوع رائع يا احمد وربنا معاك

اولا يا جماعه الشغل عمره ما كان عيب وعمره ماكان بيحط من كرامه الانسان

وموضوع الشغل وانت طالب اكيد طبعا انت مش مجبر عليه بس علشان ميبقاش عندك وقت فراااااااغ لان بجد الفراغ حاجه وحشه جداااا

كفايه ان يكون معندكش وقت قراااغ وحاسس انك دايما مشغول وبجد مش هتحس بقيمتك وكيانك غير وانت شغال هتحس انك راجل بجد وانسااان مسئول

ومش كل شويه تقول لبابا وماما عاوز مصروفي اكبر بقي علي الحاجات ولو حتي في الاجازه

وكمان انا شايف بجد كل الناس اللي كانو بيشتغلو ويتعبو في حياتهم هما اللي وصلو واصبح لهم قيمتهم في المجتمع

علشان كده لازم نعيش حياة الكفاح والتعب وبجد علي قد ما تقدر انك تتعب وتجتهد لأن كل دا هتلاقيه بعدين لكن حياه الراحه الزياده عن اللزوم مش كويسه خالص

الحياه من غير عمل تبقي مرض مزمن

شكرااااااا

اظن ان الكل اجمع على ان الشغل مطلوب
وده رأيي بس في نقطه مهمه هتكلم عنها بخصوص الشغل
استنوا مني الموضوع ده
وربنا يسهل...............

انا مستني ياباشا

وعلى فكره التوقيع بتاعك جامد جدا

» مراتك.... ولا ...الشغل......؟
» الشغل ولا العريس…؟!
» هو محمد عبدالسلام اتقفش فى الشغل ؟
» يلا شباب الشغل الجد بدأ .. مين معانا ان شاء الله ...
» دعوة أم مصرية لابنها وهو رايح الشغل