الشباب والصيف

احنا شباب وكلنا بنعمل حاجات كتير جدا فى اجازة الصيف فى اللى بيسافر وفى اللى بيشتغل وفى اللى لا بيهش ولا

بينش ياترى انت او انتى مين فى كل الناس دى اللى بيعاكس البنات على او الشارع ولا اللى بتدور على الشباب بمنكاش

ولا اللى بيهتم بوقتة وبيعرف يقدرة يا ريت كل واحد يبعت ويقول هو بيعمل اية فى الصيف واية الصح من وجهت نظرة

ويحب يعمل اية ومش قادر يعملة وبصراحة .

برجاء التشبيت ولكم جزيل الشكر

اجمل حاجة فى الصيف ده هو المصيف والبحر وجماله

بيني وبينك كنت نفسي في اجازة
بس ما طلعتش اجازة زي اللي كانت في بالي
كل حاجة ملخبطة

مبقاش فى اجازه دلوقتى
فى الى بيشتغل وفى الى بيحضر لاى حاجه خاصه بيه
وعمال مايفوق يكون الاجازه خلصت
نفسى فى اجازه

زائر

ههههههههههههههههه انا بعمل ايه فى الصيف ......؟

حاليا بتعلم الطبخ والحلويات

ونص الوقت نوم

والنص التانى مع اصحابى وشغل البيت

تمام كده اوى

والله ام يوسف دى كدابه وهى مش بتعمل اى حاجه فى البيت ولو مش مصدقين اسئلو ......
هى كل الى بتعمله انها بتنام وتدخل المنتدى بس

زائر

ربنا يسامحك............................... يارب

حاليا ف أجازتى دى مفيش غير تدريب ولعب ونت
مفيش أى استفادة بالشكل المظبوط
هى شكل الأجازة هتضيع على كده
دايما بحلم إن الأجازة تكون حاجة جامدة وهسافر وهعمل وسوى
وأول متجيلى ألاقى نفسى ف أوهام بعمل حاجات تانية خالص
بس الميزة إنى عندى طموح عاوز أعمل حاجة مفيدة بس عاوزة إجتهاد بس
يلا خير إن شاء الله

مبقاش فية أجازة علشان أنا خلصت بس نفسى أخد أسبوع أجازة من الشغل علشان أروح المصيف

انا بقى اصحابى سابونى وراحو يشتغلوا ومفيش الا هو واحد هنا بس اللى بقضى الوقت كله معاه والباقى نوم وشغل فى المحل بتاعنا

بسم الله الرحمن الرحيم
السلام عليكم ورحمة الله وبركاته
الموضوع كبير الشباب والصيف انا هقول رايى بصراحة الشباب اللى بتتعلم فى الجامعات لما بتيجى الاجازة بيرتاحوا لانهم فى الجامعة تعبانين من المذاكرة وتعبين من المصريف علشان زمايلهم البنات بيعطشوا كتير فى الحر وبيحبوا يشربوا سوائل كتير فالما بيجى الصيف الشباب بتاخد رست من كل دا وبتبحف عن رحلات شبابية بس وعن شغل وعن النت زينا كدا والبنات برضوا اللى فى الجامعة مابيحيبوش ياخدو الاجازة علشان اعمال المطبخ والغسيل والكنيس واللازى منه وفى قلة من الشباب بتتفرغ للعبادة والقرب من المولى عز وجل وربنا يساعدهم ويساعدنا ................... والسلام عليكم ورحمة الله وبركاته

والله الموضوع جميل يا باشمهندس بس الواحد فى الدراسة يقعد يقول انا لما هتيجى الاجازة هعمل وهعمل وهعمل ولا بنعمل حاجة زى كل سنة تليفزيون ونت وخلاص بس السنادى الحمد لله انا بحاول اعمل حاجات جديدة

زي ايه ياعني ياحنين

الحاجات الجديدة؟؟؟؟؟؟؟؟؟؟؟؟؟؟؟؟؟

جديد زي ايه ......... الحياة مابقاش فيها جديد

يمكن نتعلم منك حاجه

طب اسمع الجديد هههههههههه

يعنى مثلا الاجازة دى الحمد لله بتدى احفظ القران ودى حاجة بالنسبالى جديدة وشاغلة جزء من وقتى وجميلة اكيد

مثلا رحت زرت عمى فى حلوان و بكده تبقى فسحة وصلة رحم ودى بالنسبالى جديدة عشان مكنتش بعملها قبل كده

مثلا معايا كتاب بحاول اخلصة على نهاية الاجازة ودى حاجة بالنسبالى جديدة

مثلا اشتركت فى شباب العمار بدخل عليه وبحب الناس اللى فيه ودى حاجة بالنسبالى جديدة وتقريبا احلى حاجة هصلتلى فى الاجازة

ها رايك ايه؟؟

زي الفل

مرسى يا جماعة لكل الناس اللى ردت وان شاء الله السنة اللى جاية تقدروا تعملوا كل اللى نفسكم فية بس كمان خططوا للاجازة كويس مش نحلم باجازة جميلة وخلاص بس بصراحة ردك كان جميل جدا يا حنين وربنا معاكى.

بمناسبه الصيف ..

مرفوع للاهميه ......

انا كمان قعدت اقول امتى الامتحانات تخلص

وتيجى الاجازه علشان اعمل كذا وكذا
ولا عملت اى حاجه خالص.......
بس نفسى اخد اسبوع اجازه من البيت
واروح مصيف او اروح اتفسح
عن قريب انشاءالله

انا ما بتفرقش معايا اجازه من دراسه عشان طول السنه شغل بس احسن حاجه القعده مع اصحابى باليل

» لغه الشباب بقى
» يتساءل الشباب ؟؟؟؟؟؟؟
» ثورة الشباب
» حتى لا يضيع دم الشباب
» لكل الشباب والبنات مهم جدا