اعرفي عريسك بدري بدري من طريقة اكله

اعرفي عريسك بدري بدري من طريقة اكله

اعرفي عريسك بدري بدري من طريقة اكله

1- إذا كان عادي يعني لا بياكل بسرعة ولا ببطء ولا دايمًا شبعان
ولا مفجوع على طول.. يبقى شخص معتدل في عواطفه وقراراته
ويبقى ده آخر الرجال المحترمين..

كلبشي.. واستعجلي الزفاف والحياة هتبقى بمبي

2- إذا كان بيحب الأكل زي عينيه.. وأول ما يدخل من الباب
وقبل ما يقول لك ازيك يقول لك ريحة التقلية تجنن ياروحي
إنتوا عاملين ملوخية على أرانب؟؟..
أموت أنا.. ويقعد ياكل ويحشر لحد ما يغمى عليه..

يبقى إنسان طفس.. وهوائي..

وطايش.. وأوعي تتجوزيه أحسن ياكلك وانتي نايمة....؟؟

3- أما إذا كان مش مهتم بالمرة.. لايقولك ده حلو ولا ده عادم
ولا مالح ولا مستوي ولا لسه ني ولا بيعلق أي تعليق..
وعمره مايقولك جعان أو شبعان

يبقى إنسان مالوش لزمه.. وزي قلته.. وأنصحك بدل ما تتجوزيه إتبنيه..
وهاتعيشي إنتي الراجل والست في وقت واحد
واعملي حسابك هاتركبي وتدلدلي رجليكي.

4- أما إذا كان بياكل زى مايكون حد بيجري ورااااه وساعة الأكل
بيجيله حالة صرع معوي.. ويقوم من على الأكل قبل أي حد تاني.

يبقى متسرع.. ومتهور في اتخاذ قراراته وممكن بعد الجواااز يكتشف إنك
لستى ملهمته..ولستى فتاة أحلامه ولستىِ حلمه.. ويروح مطلقك بالتلاتة..
إخلعي إنتي بدري أحسن لكرامتك. bounce

5- أما إذا كان بياكل على مهله.. ويمزمز.. ف كل صنف لوحده.. ويسأل
عن كل صنف إيه مقاديره ومعمول إزاااي ويقعد يستطعم ف الأكل من العصر
للمغرب .

حاسبي منه يا اختي ده النوع اللي له مخ.. وبيوزن الأمور بطريقه تفقع
المرارة.. ولو في يوم طلبتي منه يقولك كلمة حلوة هايقولك مش عامل
حسابي ويقعد يفكر 3 سنين وبعدين يقول لك بحبك
ويقعد يشوف وقعها عليكي إيه؟؟
نظااااام شلل رعاش

بدري.... بدري....

إخلعي يا أمي...

6- أما إذا كان بيقعد يقطع ف الأكل زي مايكون ف خناقة ويخبط ف الطبق tongue

من الغل.. ويقطع حتة اللحمة زي ما يكون بيدبحها.. ويتفتف.. ويتكلم..
طول ماهو بياكل لما يغرق وشك أكل..

ده شخص عصبي جدًاااا.. ومع أول خناقة هايروح مناولك بالكرسي ف راسك أو
بالسكينة ف عينك يعمل لك عاهة مستديمة وبعدين.. يهدى.. ويقول لك:
"سوووري يا روحي هي جت فيكي.. ماعاليش"

""ماعاليش برَّه يا حبيبي وخد الباب في أيدك""

7- أما إذا كان دايمًا قرفاااان دايمًا مش عاجبه العجب ولا الصيام في
رجب..

الملوخية تقيلة.. ياي.. السمنة كتيرة على وش الشوربة.. ياساتر.. دا
محشي ولا صوابع مووووز.. أووووف.. الرز محصويل.. يامَّه المكرونة
معجنة..

إذا كان كده توكلي على الله وهاتي أحمى ساطووووور عندك وأنا أعرف لك
واحد محامي هايطلعك منها زي الشعرة من العجيييين

والأحسن من ده كله.....

مالها القعدة ف بيت أبووووووووكي؟؟ كركر

الاخت الطير كتبت

1- إذا كان عادي يعني لا بياكل بسرعة ولا ببطء ولا دايمًا شبعان
ولا مفجوع على طول.. يبقى شخص معتدل في عواطفه وقراراته
ويبقى ده آخر الرجال المحترمين..

كلبشي.. واستعجلي الزفاف والحياة هتبقى بمبي

مين اللي قالك كده مايمكن بفكر في مشكله ولا حاجه مش منطق خالص وهبقي حرام عليكي لو واحده سمعت الكلام ده وعملت بيه وجوازتها ماطلعنش بمبي طلعت سوده ومهببه ساعتها هاتقول [ندعوك للتسجيل في المنتدى أو التعريف بنفسك لمعاينة هذه الصورة] انا اللي جيبتو لنفسي

وتقعد تدعي عليكي

واول ماتشوفك اول هديه ليكي هاتكون [ندعوك للتسجيل في المنتدى أو التعريف بنفسك لمعاينة هذه الصورة]

ده رأيي

رقم 4

مايمكن مابتعرفش تطبخ واكلها ذي وشها ومش عايز يحرجها وبياكل غصب عنه ياكبد امه
[ندعوك للتسجيل في المنتدى أو التعريف بنفسك لمعاينة هذه الصورة]

ماشى ياشحات
بس هى مش هتحكم عليه من مرة واحدة

وانا متاكدة انها هتدعيلى بعد كدة

[ندعوك للتسجيل في المنتدى أو التعريف بنفسك لمعاينة هذه الصورة]

ماعتقدش
بصي لو الكوره دي وقعت من علي راسه ممكن اصدقك

انتم اللى مش واقعين

طب مفيش ازاى تعرف عروستك عشان عاوز اعرف مين سعيدة الحظ

من عنيه انزله لكم قريب

انتظروها قريبا

على منتدى شباب العمار

واحنا مستنين
بس مظنش انك ممكن تحكمي عليه من طريقة اكله

موضوع جميل تسلم ايدك

» اعرفى عريسك من طريقة اكله
» عريسك !!
» طريقة التفاهم مع الصرصور .......؟؟؟
» اسرع اكله فـي العالم بس مش دليفري ارز باللبن
» اكله عروة والله ( يوم الأحد ان شاء الله )