حراااام اللى بيحصل فينا ده

لاتعليق بصراحه ومتزعلش ياحازم لاني كلامنا دا كله اصبح مثله كمثل الروتين الممل واصبح كنوع من ال........كفايه بقي الواحد زهق.

[center][size=24]

[color=darkorchid]يا عم حازم هما بيخدونا تدريجى [/color]

[color=darkorchid]يعنى دلوقتى16 عيش بجنيه عشان الكيس[/color]

[color=darkorchid]كمان شويه هيشيلوا الكيس و يبقى 16 بجنيه بردو[/color]

[color=darkorchid]انا بديلك مثال بسيط [/color]

[color=darkorchid]كمان شويه هيخدوا جمارك على التنفس[/color]

[/size][/center]

ولسه ولسه

العيب فى مين الكل بيسال العيب فى مين على الى زياد فى ظلمه ونسى ربه والى الى اعقد ينهب ومش همه حد ولى اللى ساكت وراضى وبيقول يلا اهو احنا عيشين وخلاص فى مثل بيقول يفرعون ايه فرعنك قال ملقتشى حد يلمنى ههه احنا لسه هنشوف اكتر من كده طول ما حنا ساكتين وراضيين يلا حسن الختام سلام

عندك حق هو حرام اللى بيحصل فينا بس انا احنا كلنا نقدر نغير ونخلى حياتنا احسن ولكن موضوع الغلاء عالمى ولازم نواجهة مع الحكومة يا بشر.................

بيقولك الرئيس قال الشعب المصري ده شعب جبلة مابيتحركش انا عايز اعمل اي حاجه تحركه.

فاصدر قرار ان كل اللي يطلع كوبري 6 اكتوبر يدفع 10 جنيه

فالناس برطمت شوية بالكلام ودفعت وماتحركتش

رجع قال طيب كل اللي يطلع الكوبري يدفع 20 جنيه

فالناس نفخت وبرده دفعت في الاخر

قالك طيب كل اللي يطلع الكوبري ينضرب الم علي قفاه

فلقي في مظاهرات حاشدة امام القصر الجمهوري

ففرح الرئيس وقال اخيرا الشعب اتحرك

فخرج وسالهم عايزين ايه

قالوله ياريس زود عدد اللي بيضربوا علي القفي علشان نلحق نروح الشغل في ميعادنا

انا اسف علي التنكيت في وسط هذا الضجر من الغلاء

ولكن النكته دي منطبقة تماما علي شعبنا الصامت الذي اباح دمه للامتصاص

بمناسبة الفساد جيبتلكم قصيدة للشاعر لعلي سلامة اسمحلي ياحزووم بنشرها

على باب سفاره كندا
لمحت أبليس وف أيده
أستماره
بقوله على فين
قالى بص
يا هجره يا أعاره
يا عم كفرت زهقت
ألاقيش معاك سيجاره
أنا أنتهيت خلاص
لا نافع وسواس ولاخناس
ولا ليا عيش وسطالناس
دى عالم مجرمين
عندكوا فائض ف الفساد
فى كل البلاد
ومش محتاجين شياطين
مليش عيش ف البلد دى
بقالى سنين عاطل
وأنتوا بتعرفوا تقلبوا الحق باطل
وتسلكوا القاتل
وتمشوا ف جنازه المقتول
ومفيش مشاكل
يا عم ده أنا بقيت أوسوس
بالمقلوب
وأقول للحرامى كفايه بقىتـــوب
أنت هتعمل كل الذنوب
لوحدك
وأنا أبليس أشتغل واعظ ولا كمسارى ف أتوبيس
يا عم دا أنا زمان كنت أستنى حد ينسى يسمى
وهو بيأكل لقمته
دلوقتى كل أكلكم ملوث
وبصراحه الواحد خايف على صحته
ده مفيش ضمير أساسا
علشان أموته
كل واحد بمزاجه خربانه ذمته
يا عم دا كل حاجه أتسرقت
وكده الأجيال الجديده من الحراميه
... أتظلمت
يا راجل دا من كتر ما لطشت معايا
خرجت ف مظـــاهره مع الناس اللى بتقول كفايه
!!وبرضـــه مفيش فايــــده

الله عليك بجد مش لاقيه كلمه اوصفه بها جمال الكلمات

الاستاذ علي سلامه بجد اسلوبه جميل جدااااا وقصائده كلها علي نفس النمط ده

وصف الاحداث الجارية بأسلوب ساخر خفيف الدم

هو بيكتب في باب سلامات جريدة المصري اليوم

ودي قصيدة تانية له جميله برضه



جمهورية إمبابة

قالت لي..

أنبوبة البوتجاز بتنفس..

قولتلها..

الحمد لله إن لسه..

فيه غاز..

ولسه قادرين نتنفس..

قالتلي النور قطع..

قولتها..

يا ستي نحسس..

قالتلي..

الرغيف اتسخط..

قولتلها.

.فرصة بقي نخسس..

قالتلي..

مش هاينفع كده..

قولتلها ده كده كويس..

وطي صوتك..

يقولوا علينا عملاء..

وخونة وبنتجسس.لصالح جمهورية إمبابة..

الله عليكوا ياشبابنا بجد

ومجلس الحرامية قصدي مجلس الشعب اللي نافق قصدي وافق بالاجماع علي زيادة اسعار السلع

اقرأوا المقال الخذعبلي ده


ثلاثة الاف جنيه شهريا لفاتورة موبايل كل نائب بمجلس الشعب

القاهرة - وافقت اللجنة العامة بمجلس الشعب علي زيادة بدلات ومكافآت النواب‏ بداية من أول مايو الحالي تمشيا مع علاوة الـ‏30%.‏

وقالت صحيفة الاهرام ان قرار تضمن اللجنة رفع المكافآت الشهرية للنواب من ‏5‏ آلاف إلى 7‏ آلاف جنيه وزيادة بدل الجلسات من 100‏ إلى 125‏ جنيها وبدل حضور اللجان من ‏75‏ إلى ‏100‏ جنيه.

وزادت تكاليف العلاج الطبي من 7‏ آلاف إلى ‏10‏ آلاف جنيه.

كما وافقت اللجنة على زيادة فاتورة المحمول لكل نائب من ألف جنيه إلى 3 آلاف جنيه شهريا.‏





وعجبي علي اللي باعو البلد وكانوا هما البايع والمشتري في نفس الوقت

ازيك يا عم مسلم .. واحشني ..

والله يا مسلم انت وجعت بطنى ..

اقتباس :

وأنا أبليس أشتغل واعظ ولا كمسارى ف أتوبيس
يا عم دا أنا زمان كنت أستنى حد ينسى يسمى
وهو بيأكل لقمته
دلوقتى كل أكلكم ملوث
وبصراحه الواحد خايف على صحته
ده مفيش ضمير أساسا
علشان أموته

هى دى مصر ؟؟؟؟

أكيد فى ناس نظيفة

وياما في الجراب يحاوي

وعجبي