حراااام اللى بيحصل فينا ده

تذكير بمساهمة فاتح الموضوع :

صباح / مساء الخير

قريته عنوان الموضوع حراااااااااااام وهفضل اقول حرام كده لحد ما الحال يتعدل
مش عارف عايزين يعملوا فينا ايه تانى
بصوا بقا طريقه الموضوع بلدى بس اعذرونى لانى مخنوق جداا من الموضوع ده
ارتفاع الاسعار
كنا مسلمييين بالامر الواقع وبنقول السلع زادت بريزه وشلن وربع جنيه وكلام فاضى
انما بقا توصل ان السلعه تزيد لـ جنيه واتنين فده حرام
وزيرنا المبجل الله يحفظه خد قرارات طبعا بعد موافقه الراس الكبيره
بزياده فى المعاشات والتموين الله الله سقفوله والنبى لان الراجل ده بيتعب معانا
ومخلى باله مننا اوى بصوا ده مانشت قريته فى الاهرام بيقول ايه

‏40‏ مليـون مواطـن يبدأون صرف الحصص التمـوينية الإضافية أول يونيو
لا زيادة في أسعار الكهرباء والمترو والقطارات برغم ارتفاع تكلفة التشغيل
مشاحنات بين السائقين والركاب حول تعريفة الركوب
‏ وتحرير عشرات المخالفات للامتناع عن البيع

ياسلام يا سلام والله الناس دى عامله معانا واجب
لازياده فى اسعار الكهرباء والمترو هههههههههه
بيطمنوا الناس وبيهدوا من اذرهم لكن تعالوا بقا

برده وزيرنا المبجل الله يحرقه كان بيتكلم امبارح بصراحه انا مشفتوش
لكن كنت فى دردشه كده مع بابا لقيته بيقولى
البنزين بقا بـ 1.5
والله السجاير الاجنبى زادت 2 جنيه
والمصرى زادت جنيه
وكمان الضرايب على العربيات اللى كانت بـ 50 جنيه و بـ 100 جنيه
هتزيد كمان 100 جنيه

يعنى مسبوش حاجه يعنى اللى هيدفعوه فى المعاشات باليمين هياخدوه بالشمال وزياده الضعف
ومحدش حاسس بينا يا جماعه فى ناس متتحملش كده

والنصيبه ان القائد العظيم بتاعنا مش فالح غير فى لقاءات مع مش عارف مين ومين
وكمان لما بيلاقى نفسه فاضى يصدر قرار ببناء كوبرى
اقسم بالله ان البلد كلها بقت مليانه كبارى

ناس معندهاش مسئوليه بحاجه
بجد حاجه تحرق الدم وشعبنا متعود على انه يقول ما باليد حيله
طب قولولى امتا هنفوق امتا هنقول لا احنا بقينا بنستورد كل حاجه مبقناش بنعرف نعمل اى حاجه
يا ترى العيب منين مننا ولا من الحكومه ولا الزمن ولا ايه بس مش عارف

طولت انا كتير فى الموضوع بس بجد بقت حاجه فوق طاقه الانسان
والله اعلم ايه اللى هيحصل تانى فينا وفى الشعب

يلا بقا سلام مش عايزين حاجه

بصراحه موضوع جميل ياحازم

بس للاسف احنا شعب شاطر فى الكلام وبس

مع اننا عارفين الحل ولكن الكل بيقول وانا مالى ياعم انا عايز اربى العيال

بس طالما الكلام كتر يبقى اكيد عن قريب هيبقى فى فعل ان شاء الله

وشكرا للاخ مسلم على الكلام الجميل ده

مسلم كتب:: عندكوا فائض ف الفساد
فى كل البلاد
ومش محتاجين شياطين
مليش عيش ف البلد دى
بقالى سنين عاطل
وأنتوا بتعرفوا تقلبوا الحق باطل
وتسلكوا القاتل
وتمشوا ف جنازه المقتول
ومفيش مشاكل
يا عم ده أنا بقيت أوسوس
بالمقلوب
وأقول للحرامى كفايه بقىتـــوب
أنت هتعمل كل الذنوب

شكرا محمودعلى المرور المشرق

ان الله لا يغير مابقوم حتى يغيروا ما بانفسهم

والله الواحد مش طايق يتكلم فى الموضوع من شدة غيظه
اسف ياعم حازم لست اقصد موضوعك
موضوعك زى الفل
ولكن الواحد فعلا مشكلته انى هو مصرى
لو لم اكن مصريا لوددت ان اكون اى فرد فى دولة عادلة
بس خلاص

نسيت اقول مقولة كنت سمعتها من شاعر مجهول

مصر احتلت من تانى من مصر مش من حد تانى

زائر

بقلك انا معايا تذكرتين للعراق انا واحدة وانت واحدة وبينا ياعم نهاجر من البلد دى خالص ويمكن ربنا يسهلها ونهاجر من الدنيا بحالها هناك فى العراق

زائر

اتكلم انطق اتحرك ده لو جبل كان زمانه انفجر من الكبت والغل والا اقلك يعنى هتعمل ايه لوحدك والا انت مش لوحدك ؟!!حتى لو معاك 72 مليون طظ فيك أحنا 500 هنعمل اللى احنا عايزينه احنا ال500 مصر انتو ال72 مليون مين انتوا روحوا فى 72 مليون داهية احنا ال 500 الاصل علشان بنحبه ومظبتين ولاده علشان كدة احنا الشعب اسيادكم واسياد لأبهاتكم وعبيد للملك ولولاده يبقى احنا ال500 الشعب ولا لأ فهمت ياللى انت مش مصرى ذى ال72 مليون غيرك بأمانة تستاهلوا الحرق والا لأ

» بعد سنه جواز شوف ايه اللى بيحصل
» مش عارف ايه اللى بيحصل ده
» شوفوا اية اللى بيحصل للمشرفين اول مايقوموا من النوم !!!
» اعضاء المنتدى فى بيت واحد( شوفوا اية اللى بيحصل)
» ايه ال بيحصل ده..؟؟؟؟