حوار صريح جدا (الحلقة السابعة ) (أحمد منصور)

[center]بسم الله الرحمن الرحيم

سادتىانساتى سادتى يتجدد اللقاء معكم من جديد فى برنامجكم حوار صريح جدا وضيف هذه الحلقة ضيف له

لون الخاص فى إدارة المنتدى واسلوبه البسيط فى ردوده ومساهماته كما يسطيع الرد على أى سؤال فورا وبدونأى

تاخير هذا من خلال المنتدى أما فى الواقع إنسان مهذب صاحب الخلق الرفيع صاحب الضحكة الجميلة دائما يحب

جميع الناس ولا يعرف الكره مكان قلبه أكيد الكل عرفه بدون ما اقول اسمه وهو العضو الناجح الادارى اللامع

وهو الاستاذ الدكتور أحمد منصور إشترك أحمد منصور فى منتدى شباب العمار فى 29/6/2007 وبسب

تألقه كعضو تم ترقيته حتى وصل الى منصب نائب المدير العام فى منتدى شباب العمار والان مع العضو الجميل

أحمد منصور

[ندعوك للتسجيل في المنتدى أو التعريف بنفسك لمعاينة هذه الصورة]

منورنا يازعيم

نسخن بس كدة بسؤالين

1ــ ماذا قدم احمد منصور لمنتدى شباب العمار

2ــ وماهى العوامل التى ترتب علية نجاح منتدى شباب العمار

جاوب يابية

منور يا عم الحج [ندعوك للتسجيل في المنتدى أو التعريف بنفسك لمعاينة هذه الصورة]

قلى خطة لتنمية وتحسين مستوى السايت لخمس سنين جايين [ندعوك للتسجيل في المنتدى أو التعريف بنفسك لمعاينة هذه الصورة]

بسم الله الرحمن الرحيم

بعد إذنك طبعا يا أستاذ أحمد هسألك ...

1- ببساطة هل وصلت لما تتمناه أو بعض ما تتمنى أو حتى حطيت رجلك على أول الطريق ولا

لسه؟؟

2- فيه ناس بيكون ليها شخصية فى التعامل مع كل البشر لكن فيه شخصية تانية بمميزات

وعيوب تانية محدش يعرفها غير الشخص نفسه او هو وحد تانى مثلا

أبسطهالك ههههههه

يعنى هل انت من الناس دى ولا انت ليك شخصية واحدة بمميزاتها وعيوبها سواء مع نفسك

او الناس ؟؟

3- بلاحظ من كلامك فى المنتدى إنك بتؤيد وبشدة اعتلاء البنت لأرفع المناصب العلمية

والعملية وإنها تخرج وتتعلم وتناقش وتبدى رأيها فى ضوء العبارة قولنا

ما هى الحدود التى يجب أن تتوقف عندها البنت مثلا فى كل المجالات وتقولها كفاية

عليكى بقى كده.....؟؟

4- فيه حاجات بتحصل للإنسان وساعات الظروف بتسببله حاجات

بيستشف من خلالها هل هو محظوظ

يعنى موفق ولا العكس (شايف نفسك إنسان محظوظ ولا لأ ولا نص ونص)؟؟؟

5- هل ممكن تفرط فى حاجة ليها قيمة عندك بسهولة بدون تفكير وهل بتندم ولا عادى؟

آآآآآآآآآآخر سؤال وسورى انا طولت

6- وانت بتقرأ الاسئلة هل فيه شخص معين أو موقف معين أو حاجة معينة أو مشهد معين

حضرك وانت بتقرأ أسئلتى

لو فيه وجه تعليق او كلمه للشخص او المشهد او الموقف أو الحاجة دى

وشكرا وسلام عليكم

سؤال كماااااااااااان [ندعوك للتسجيل في المنتدى أو التعريف بنفسك لمعاينة هذه الصورة]

هل بشكل عام أنت متسرع أم قراراتك بتأخذها بعد روية وتفكير مرة واتنين وتلاتة ؟؟؟؟

أنا طبعا مش هسأل و لا هستفسر عن حاجة

الله يكون في عونك بس انت تلاحق عالأسئلة اللي هتنزل عليك زي المطر دي

أنا هكتفي بالفرجة بس و ربنا يوفقك و تعرف تجاوب لأني شايف أسئلة صعبة محتاجة برشام وأنا تحت أمرك لو عايزني أغششك

أما لو لاقيتك مش مخلي الناس قادرة تلاحق عليك أسئلة وإجاباتك صاروخ في الحالة دي مضطر أسألك أسئلة صعبة خارج المقرر

عمرو البكري :: وهو الاستاذ الدكتور أحمد منصور

دا علي إعتبار ما سيكون بعد 20 سنة يعني ولا أيه

عموما شكرا جزيلا يا أستاذ عمرو علي التقديمة الجميلة دي وربنا يعزك

وشكرا أولا علي الإستضافة وربنا يستر [ندعوك للتسجيل في المنتدى أو التعريف بنفسك لمعاينة هذه الصورة]

أبو حازم ::

منورنا يازعيم

نسخن بس كدة بسؤالين

1ــ ماذا قدم احمد منصور لمنتدى شباب العمار

2ــ وماهى العوامل التى ترتب علية نجاح منتدى شباب العمار

جاوب يابية

حاضر يا باشا

أنا قدمت أيه للمنتدي .. انا كنت واحد من ضمن فريق عمل كان بيسعي إن المنتدي يبقي جزء مهم جدا من العمار

واهو لسة بنحاول .. لكن خلينا نقول هو قدملي أيه .. كفاية إنه عرفني علي شخصية جميلة زيك

العوامل التي ترتب عليها نجاح منتدي شباب العمار .. هو عامل واحد وبيختصر في كلمة واحدة .. أعضاءه

شكرا أبو حازم

يا سلام عالردود الدبلوماسية

أجمد مهندس ::

منور يا عم الحج [ندعوك للتسجيل في المنتدى أو التعريف بنفسك لمعاينة هذه الصورة]

قلى خطة لتنمية وتحسين مستوى السايت لخمس سنين جايين [ندعوك للتسجيل في المنتدى أو التعريف بنفسك لمعاينة هذه الصورة]

دا نورك يا باشا

إن شاء الله هنعمل ملعب كورة ومدرسة إعدادي وسكة حديد وإن شاء الله مترو الانفاق

هيعدي من تحت بيتكم يا كميل [ندعوك للتسجيل في المنتدى أو التعريف بنفسك لمعاينة هذه الصورة]

خمس سنين .. يامين يعيش يا عم الحاج

إن شاء الله كل خير بس إدعيلنا

وعموما إحنا مستبشرين خير بالمرحلة القادمة إن شاء الله

وأمامنا العديد من الخيارات وإن شاء الله هنختار الافضل

وامامنا أيضا العديد من التحديات وإن شاء الله هنتخطاها كلها

وخليها علي الله

[ندعوك للتسجيل في المنتدى أو التعريف بنفسك لمعاينة هذه الصورة]

اقتباس :: لأني شايف أسئلة صعبة محتاجة برشام وأنا تحت أمرك لو عايزني أغششك

أنا في عرضك إلحقني يا أبو أحمد أنا داخل علي 6 أسئلة وواحد فرط

وكلهم أصعب من بعض

[ندعوك للتسجيل في المنتدى أو التعريف بنفسك لمعاينة هذه الصورة]

اقتباس :: وعموما إحنا مستبشرين خير بالمرحلة القادمة إن شاء الله

وأمامنا العديد من الخيارات وإن شاء الله هنختار الافضل

وامامنا أيضا العديد من التحديات وإن شاء الله هنتخطاها كلها

مش عارف ليه حاسس ان اللي بيرد ده مسئول كبير في الدولة و خصوصا حتة التحديات دي

عالعموم ربنا يعينك يا فندم و يقدرك على التخطي

مش بقولك دبلوماسي

وريني بقى هتجاوب ازاي على أسئلة حنين يا دبلوماسي

طيب البرشام ده يبقى على رسايل بقى مش علني كده و اللي ما يشتري يتفرج
مش تفتح مخك كده يا أبوحميد و تصحصح علشان البرشام يطلع على مية بيضه

مس حنين ::

بسم الله الرحمن الرحيم

بعد إذنك طبعا يا أستاذ أحمد هسألك ...

1- ببساطة هل وصلت لما تتمناه أو بعض ما تتمنى أو حتى حطيت رجلك على أول الطريق ولا

لسه؟؟

الحمد لله .. أنا علي الطريق إللي إخترته لنفسي وماشي فيه كويس جدا والحمد لله

2- فيه ناس بيكون ليها شخصية فى التعامل مع كل البشر لكن فيه شخصية تانية بمميزات

وعيوب تانية محدش يعرفها غير الشخص نفسه او هو وحد تانى مثلا

أبسطهالك ههههههه

يعنى هل انت من الناس دى ولا انت ليك شخصية واحدة بمميزاتها وعيوبها سواء مع نفسك

او الناس ؟؟

هي شخصية واحدة في البيت والشارع والشغل والكلية

وبالنسبة لمميزاتها وعيوبها فده جوهر الشخصية نفسها أو المحدد لأفعالها وده محدش يعرف يحجبه عن الناس

وبالنسبة بقي للعيوب أو نخليها سقطات عندي ومحدش يعرفها غيري ولا لا

بصي مفيش حد أذكي من كل الناس إلا اللي بيبقي غبـي وفاكر نفسه كدا

وانا الحمد لله عمري معملت حاجة ممكن أخجل منها ولا هعمل إن شاء الله

3- بلاحظ من كلامك فى المنتدى إنك بتؤيد وبشدة اعتلاء البنت لأرفع المناصب العلمية

والعملية وإنها تخرج وتتعلم وتناقش وتبدى رأيها فى ضوء العبارة قولنا

ما هى الحدود التى يجب أن تتوقف عندها البنت مثلا فى كل المجالات وتقولها كفاية

عليكى بقى كده.....؟؟

الضوابط الشرعية

4- فيه حاجات بتحصل للإنسان وساعات الظروف بتسببله حاجات

بيستشف من خلالها هل هو محظوظ

يعنى موفق ولا العكس (شايف نفسك إنسان محظوظ ولا لأ ولا نص ونص)؟؟؟

أنا الحمد لله بحس دائما إن ربنا معايا وبيوفقني للقرار السليم أو للخطوة السليمة

وعموما عطاء الله عطاء ومنع الله أيضا عطاء

5- هل ممكن تفرط فى حاجة ليها قيمة عندك بسهولة بدون تفكير وهل بتندم ولا عادى؟

أنا ساعات ببقي متسرع جدااااااااااااااااااااااااااااااااااااااااااااااااااااااااااااااااااااااااااااااااااااااااااااا

بس مش ده العادي بتاعي يعني .. في مواقف ومواقف والمواقف اللي بتسرع فيها بتأثر عليا جدا

وبرجع أزعل جدا من نفسي وأستغرب من نفسي

بس الحمد لله مبندمشي وما أصابك لم يكن ليخطئك

آآآآآآآآآآخر سؤال وسورى انا طولت

6- وانت بتقرأ الاسئلة هل فيه شخص معين أو موقف معين أو حاجة معينة أو مشهد معين

حضرك وانت بتقرأ أسئلتى

لو فيه وجه تعليق او كلمه للشخص او المشهد او الموقف أو الحاجة دى

والله حتت التسرع دي فكرتني بموقفين أسخف من بعض

بس محدش بيتعلم بلاش

وشكرا وسلام عليكم

وعليكم السلام ورحمة الله وبركاته

اقتباس :: طيب البرشام ده يبقى على رسايل بقى مش علني كده و اللي ما يشتري يتفرج
مش تفتح مخك كده يا أبوحميد و تصحصح علشان البرشام يطلع على مية بيضه

قشطة عليك يا كبير هو دا الشغل [ندعوك للتسجيل في المنتدى أو التعريف بنفسك لمعاينة هذه الصورة]

تكملة مس حنين ::

هل بشكل عام أنت متسرع أم قراراتك بتأخذها بعد روية وتفكير مرة واتنين وتلاتة ؟؟؟؟

والله العادي بتاعي هو الروية لكن في قرارات أخذتها بتسرع ودي قليلة جدا والحمد لله

بس مش هنكر أثرت عليا جدا وبوظتلي حاجات كتير في حياتي لسة لحد دلوقتي بحاول أظبطها

لكن زي مقلتلك محدش بيتعلم ببلاش ويمكن كان في شق في الحياة كنت دائما ببعد نفسي عنه

ولما جه الوقت لدخوله دخلته وأنا مغمض عنيا وعمال ألطش لحد ما أتعلمت والحمد لله

للدرجة دي خلاص مش عايز حد يزعجك
قافل الموبايل بالخطين و مش عايز تعبر حد و متفرغ للحوار و يا عيني الأسئلة خلصت ومحدش راضي يسألك تاني
حد ينفعه يا جماعة ما ينفعش كده
الراجل لاغي كل مواعيده وارتباطاته وقافل موبايله علشان يجاوب على أي سؤال

أسأل أنا وأمري لله

1- ايه آخرة الدراسة في الماجيستير و الدورات ووجع القلب ده عايزين نفرح بيك بقى و نهيصلك؟

2- اوصفلنا شعورك بصراحة واحنا بنلعب فيفا وانت موجود و ما بتلعبش معانا (ابقى خلي المصارعة تنفعك)؟

كفاية عليك السؤالين دول النهاردة

هههههههههههههههههههه لا والله

إنهاردة الثلاثاء

يعني عندي بكرة إمتحان

إدعيلي بقي

ربنا يوفقك بس ابقى خلي المنتدى ينفعك يا أبو امتحان
يا فرحتي قافل الموبايل و قاعد من الصبح عالمنتدى بتجاوب على أسئلة و ترد في مواضيع و تحذف مواضيع مكررة
كل امتحان وانت طيب يا ابوحميد

1- ايه آخرة الدراسة في الماجيستير و الدورات ووجع القلب ده عايزين نفرح بيك بقى و نهيصلك؟

والله معرف أهو وجع قلب والسلام وبعدين تفرح بيا أيه يا عم انا لسة صغير كمان سنتين ولا حاجة بقي

2- اوصفلنا شعورك بصراحة واحنا بنلعب فيفا وانت موجود و ما بتلعبش معانا (ابقى خلي المصارعة تنفعك)؟

جيت علي الوجيعة [ندعوك للتسجيل في المنتدى أو التعريف بنفسك لمعاينة هذه الصورة]

إنت عارف لما تبقي واقف في أتوبيس هيئة النقل العام ومزنوق ودايس علي رجلك أمة لا إله إلا الله

والدنيا حر موت والناس بتدخن والإشارة واقفة وتبص تلاقيها واقفة علشان موكب السيد .. .

شوف كمية الغل اللي بتبقي جواك تجاه الراجل ده

هو دا نفس الشعور بالظبط [ندعوك للتسجيل في المنتدى أو التعريف بنفسك لمعاينة هذه الصورة]

يعم والله بذاكر بس المنتدي مفتوح أنزل صفحة المنتدي وأذاكر شوية وبعدين أنزل ضفحة المذاكرة وأشوف المنتدي

عموما كفاية كدا بقي صحيح ونركز في حاجة واحدة أشوفك بكرة إن شاء الله إدعيلي بقي

زائر

بلاحظ من كلامك فى المنتدى إنك بتؤيد وبشدة اعتلاء البنت لأرفع المناصب العلمية

والعملية وإنها تخرج وتتعلم وتناقش وتبدى رأيها فى ضوء العبارة قولنا

ما هى الحدود التى يجب أن تتوقف عندها البنت مثلا فى كل المجالات وتقولها كفاية

عليكى بقى كده.....؟؟

الضوابط الشرعية

تسلم يا كبير

ليه عادل امام فى البدايه ؟

وليه ابو والله مافاكر كانت ابو ايه؟

وليه استقريت على احمد منصور؟

وليه التغيير؟

سؤال واحد يا احمد ومش هكتر عليك

وربنا يعينك .. دا انا فرحان فيك [ندعوك للتسجيل في المنتدى أو التعريف بنفسك لمعاينة هذه الصورة] هههههههههههههههه

بكل صراحة :

ما قيمة الاعتذار لديك حينما تخطأ فى شخص ما ؟؟

وإن كنت تعتذر حين الخطأ فما هو جوابك :

1- انا اسف

2- الصمت الرهين

3- المكابرة ورفض الاعتذار

أستاذ احمد منصور

إيه هو موصفات شريكة حياتك ؟؟؟؟؟؟؟؟؟؟؟؟؟

ايه رايك لو صحين من نومك مرة وجيت تدخل على المنتدى ولاقيت العضوية غير موجودة ؟؟؟

لو واحد انت بتسأل عليه كتير وكمان بتتصل بيه وبينفضلك وكمان مش تلاقيه مضايق وهو بيكلمك

وده كله وانت بتعزه ومش عايز تزعل منه يبقى ايه رايك فى الشخص ده بكل صراحة ؟؟؟؟

ده سؤالين كده على السريع ولى عودة .

» حوار صريح جدا الحلقة 2
» حوار صريح جدا (الحلقة الاولى )
» حوار صريح جدا الحلقة الاولى
» حوار صريح جدا (الحلقة العاشرة) أ/دهب
» حوار صريح جدا (الحلقة التاسعة )أ/عمر المختار