عمرو البكري ::
أولا: السلام عليكم ورحمة الله وبركاته وعليكم السلام ورحمة الله وبركاته
طبعا
بصفتى مذيع البرنامج معايا شوية اسئلة من الاعداد كلها اجبارى لازم يترد
عليها وعلى فكرة سهلة خالص والظاهلر كده اكمنك من الادارة الناس خايفة
تسأل هو أنا مش قلتلك إختار حد بعيد عن الإداريين وإنت اللي مسمعتش الكلام
1- الفرق بين شخصية احمد منصور فى المنتدى وخارجه ؟طبعا في فرق كبير .. داخل المنتدي في مسئولية في التعامل والتواجد والرد
وممكن أزعل أي حد مني مهما إن كان صديقي لأبسط الأسباب وممكن أتعامل مع حد
بالنسبة لي مفيش توافق بيني وبيه وأبقي مضطر لكدا لإن في مسئولية بتفرض عليا كدا
لكن برة المنتدي بتعامل زي ما انا عايز أحب واحد أقوله أنا بحبك مش طايق حد أقوله أنا مش طايقك
يعني خارج المنتدي أكثر حرية من الداخل
2 - قلمك ام لسانك فى التعبير قلبك ام عقلك فى التفكير؟القلب والعقل عندي حاجة واحدة مبعرفشي أفصل بينهم يعني اللي في قلبي هو اللي في عقلي
هو اللي هقوله هو بردوا اللي هكتبه
وانا بفضل الكتابة في التعبير أفضل من الرد المباشر لإن الفرصة بتكون أكبر في التفكير
3-توافقعلى وظيفة بجوار بيت الله الحرام ولا عروسة مناسبة بكل المقاييس ؟وأيه المشكلة في الإتنين مع بعض لإن مفيش بينهم تضاد !!
لكن لو تقصد لو خيروني ما بينهم هختار الوظيفة طبعا لو العروسة مفيش حاجة بيني وبينها
لكن لو الإنسانة دي بحبها هختارها هي بدون تفكير
4-هو فى حد زيى - هما يطوله - ده انا احسن منهم - هما مين دول-ايش اب لجاب (هل للكلمات دى وجود فى حياة أحمد منصور ؟موجودة في شغلي بس لإني بحاول أكون أحسن واحد في مجالي وأظن إني كدا فعلا بإذن الله
ولسة في المستقبل إن شاء الله لو دخلت المجال اللي في دماغي أكيد لازم أكون أفضل واحد فيه
والكلمات دي لازم تفضل موجودة في شغلي
5- هل تحب اسمك ؟طبعا بحبه لكن أحمد عبدالعليم مش أحمد منصور
6-اجمل ما فى الوردة الرحيق واجمل مافى الدنيا الصديق (كام صديق لك )؟ليا كتير والحمد لله وفي أماكن كتير جدا
ليا في الصعيد بأغلبية محافظاته وفي القاهرة والجيزة كتير وفي بنها والقري اللي حوالينا
أقرب موقف لو حد كان قرأ موضوع الكشري بتاع الدكتور إيهاب هههههههههههه
الراجل بتاع الكشري ده طلع إبن عمه صاحبي خالد من العبادلة وكمان اللي كان شعال معاه قبل كدا واحد صاحبي إسمه نوفل من طوخ
وليا في قها أصحاب كتير كانوا عاملين مجموعة للخير زي مجوعة شباب العمار ما شاء الله عليهم
وكانوا عاملين منتدي كبير من قبل مالنت ينزل عندنا هنا كان إسمه منتدي الفجر
وفي العمار الأغلبية من الأزهر بالإضافة إلي ناس كتير أكبر وأصغر بالإضافة إلي النت
7-لو شخص عزيز عليك جدا احرجك فى وسط جماعة متحبش تتحرج قدامهم والاحراج ده مش عادى (هتسكت )؟بص انا مدام إختارت صديق بتقبله بكل عيوبه ومميزاته ومستحيل أفرط فيه مهما عمل
ونادرا إني أعاتبه كمان وبتقبل منه كل حاجة وموقف الإحراج ده حصل قبل كدا وأخدته بضحك
وعموما أنا شخصيتي وطريقة تعاملي مع الناس مبتديش فرصة لحد إنه يكون عنده رغبة يهني أو يحرجني
8-ايه رايك (الكذب-النفاق - الانيسياق (واحد ماشى ورا واحد بدون تفكير )-التكبر:؟الكدب والنفاق والتكبر صفات ميتصفشي بيها غير الشخص الضعيف التافه
والإنسياق بس الواحد يلاقي شخص زي النبي كدا وهو هيمشي وراه بدون عقل مش بدون تفكير
وطبعا مش موجود
9-قصة حياتك فى كلمة واحدة فقط ؟؟؟؟؟؟تحدي
10- لو انت رايح الجامعة او شغلك ومتاخر جدا وفجاءة وقعت عليك حلة مية مش ولابدهتنعمل ايه بالتفصيل ؟؟بص أنا مبتفرقشي معايا مدام لازم أروح لكن لو مش لازم يبقي عادي ممكن أرجع
وحصل أسوء من كدا كنت ساكن في مدينة نصر جنب الكلية وأول منزلت من البيت جيت أعدي
من مكان في ماسورة مية ضربة إتزحلقت ووقعت في المية وقمت ووجيبت كوباية مية من قهوة
نزلت الرمل اللي علي الهدوم ومسحت الجزمة وكملت وروحت الكلية وأنا غرقان مية
والسنة اللي فاتت كنت نازل من عربية العمار وكان عندي امتحان والبنطلون شبك في مسمار وإنقطع وكملت عادي
11- موقف (محرج - محزن - مضحك )موقف محرج حصل أول إمبارح .. كان بن عمتي طلب مني شوية إسطوانات أنسخهم له وتاني يوم
كان بيرن عليا وانا ماشي في الشارع قمت عامل الموابايل صامت وماشي لقيته في وشي
قمت ضاحك وقايله ألا هو اللي بيخاف من العفريت بيطلعله
[ندعوك للتسجيل في المنتدى أو التعريف بنفسك لمعاينة هذه الصورة] موقف محزن .. شهر 9 اللي قبل اللي فات حصلي موقف عمري مهحزن زي مكنت حزين فيه
وكان في مضان .. ومش هحكيه
موقف مضحك .. موقف الفار بتاع احمد القماح وأدخل قسم لعب في لعب هتلاقيه محكي كله بالتفصيل
12-تقول ايه الى كل من ظلمك؟ واللى انت ظلمتهم ؟ اللي ظلمني الله يسهله ويكرمه لكن أنا مظنش إن ظلمت حد برغم إن ممكن يكون في حد فاكر إني ظلمته
لكن الحقيقة إني بكون بعمل الشيء الصحيح واللي بحس إن ربنا راضي عنه وانا نفسي راضية عنه
وعموما لو طلمت حد في حياتي وانا مش واخد بالي فأتمني إنه يسامحني
13-لوبقيت مدير لسايت احلى منتدى هتعمل ايه ؟؟مش هكون ومش عايز
14-لوبقيت عضو مجلس شعب هتفيد العمار الزاى؟مش هكون ومش عايز ياراجل دا أنا بهرب من القاعدات اللي بنقعد فيها مع الشخصيات السياسية
ولما أضطر أروح بفضل إني أقعد ساكت لإني مبحبش الجو ده
بس لو جتي الفرصة هسيبها لأحمد السيد الزقزوق علشان هو حابب الجو ده وكمان لايق فيه
15-أكثر المواضيع بتشد نظرك فى المنتدى؟؟المواضيع اللي في قسم إقترحات وشكاوي أول حاجة بفتحها هي وقسم المدرين
16-احسن قسم فى المنتدى ؟؟قهوة شباب العمار
17- ايه رايك فى عمرو البكرى وبصراحة؟والله بحبه جدا وربنا يعزه ويكرمه
فاصل ونواصل لسه فى أسئلة فى الاعداد
روح ياشيخ الله يسامحك
[ندعوك للتسجيل في المنتدى أو التعريف بنفسك لمعاينة هذه الصورة] 
موضوع: حوار صريح جدا (الحلقة السابعة ) (أحمد منصور) 
الثلاثاء 03 نوفمبر 2009, 11:06 am
