عمارة كبيرة.. كبيرة

عمارة كبيرة.. كبيرة

تيجى تمانين دور..

فيها عيادات كتيرة

ومفيهاش ولا دكتور..

المدخل معمول رخام..

مليان برد وكلام..

والميه بتطلع لفوق

والساقية لسه دايرة

ومتعلق فيها طور..

عمارة ألف شقة

لكن هس هس..

فيها الوقت ميت

يعنى الساعة سبعة

زى اتنين ونص..

ولما النور يروح

تتكعبل ف الزبالة

اللى راقدة فى كل دور..

وتسأل ع السكان

وفين روح المكان

تلاقيهم نا...يمين هناك

جنب شوال البصل

عند بتاع الكشرى

اللى تحت العمارة..

__________

على سلامه

القصيدة دى تقريبا

قريتها فى المصرى اليوم قريب

بجد جميله جدا كعاده الاستاذ على سلامه

وتسلم ايدك يا مارى على النقل

ودائما تمتعينا بالجميل من قصائد الاستاذ

وبجد الختام بتاعها حلو اوى

اقتباس :: وتسأل ع السكان

وفين روح المكان

تلاقيهم نا...يمين هناك

جنب شوال البصل

عند بتاع الكشرى

اللى تحت العمارة..

مش بقولكم

على سلامة

واكل الجو هنا

نقل جيد

وقصيدة رائعة

» عمارة حب
» محمود عمارة
» عمارة القساوسة
» السلف والسلفية للمفكر الاسلامي د.محمد عمارة
» انتظروا مفاجاءة كبيرة جدا