عندما يبكينا الاستاذ على سلامه ... الضريبه ...

الضريبه

مش غريبة..
ندفع الأوجاع ضريبة..
قسمى الأحزان شرايح..
عبى دمعى ف الصفايح..
واسألى عمرى اللى رايح..
المصيبة..
لسه شايلك ف العيون
أجمل حبيبة..
قولى كذبة..
حبى ليكى يبقى حسبة..
والأمانى والهوا..
والشوق بنسبة..
وانتى عزبة..
للى ماله فيكى حسبة..
المصيبة..
لسه شايلك ف العيون
أجمل حبيبة..
مين اللى قرر يقتل الحلم
فى عيون كل الطيور..
ليه تسلمينى
من طابور تانى لطابور..
قيدى البخور..
بركات جراحنا المزمنة..
كل الأمانى الممكنة..
تبقى يادوبك دمعتين
فوق صورة باهتة ملونة..
سايبة الجراح ليه تهدنى..
إيه فيكى تانى يشدنى..
ده أنا اللى حبى عززك
وانتى اللى عشقك ذلنى..
لسه يا حلوة بتسألى..؟!
بتحبى..
نفسى أشترى
شبرين فى حضنك وارتوى..
فكرك مسافر أغتنى..
خدى اللى حيلتى
الهدمتين والقرشينات..
بس استرى عرض البنات..
لو حسنا على دمنا
فى قلوبنا مات..
لو بكره فات..
واحنا بياكلنا السكات..
كل الأمانى الممكنة..
تبقى يادوبك
دمعتين..
فوق صورة باهتة ملونة..

ـــــــــــــــــــــــــــــــــــــــــــــــــــــــــــــــــ

بجد مش عارف أقول ايه

بس كفايه اللى الواحد حاسس بيه دلوقتى

ربنا يسامحك يا عم على

أنت من تُبكينا ياعم احمد بهذة الروائع

كده كفاية.......

يااااارب الفرج من عندك بقه ..

ما هذة الروعة

على سلامة ....

أحبك وانا دمعي حبيس الجفون وانا أردد ما كتبته

****

سايبة الجراح ليه تهدنى..
إيه فيكى تانى يشدنى..
ده أنا اللى حبى عززك
وانتى اللى عشقك ذلنى..
لسه يا حلوة بتسألى..؟!
بتحبنى..
نفسى أشترى
شبرين فى حضنك وارتوى..
فكرك مسافر أغتنى..
خدى اللى حيلتى
الهدمتين والقرشينات..
بس استرى عرض البنات..
لو حسنا على دمنا
فى قلوبنا مات..
لو بكره فات..
واحنا بياكلنا السكات..
كل الأمانى الممكنة..
تبقى يادوبك
دمعتين..
فوق صورة باهتة ملونة.

» عندما يبكينا على سلامه ..إلهى تنشك يابعيد ..روووعه
» عندما يبكينا محمد الدسوقى ...سيادة الرئيس كلمنى شكرا ..روووعه
» عندما يبكينا المصرى اليوم ...مجرد طبيب لا أكثر لانقاذ أمه محمد ..
» فطيرة بالسكر ...عندما يعلمنا على سلامه كيف يكون الشوق ..؟!
» القانون الجديد اللى بعد الضريبه العقاريه ضريبه النفس ..لاتعليق