الحل هنا,, تعالوا ندق باب ربنا

السلام عليكم ورحمه الله

شباب وفتيات أعضاء منتدانا الجميل إزيكم أتمنى تكونوا فى أفضل الأحوال

فى الحقيقة أنا شخصيا من فترة مش فى أفضل الأحوال ومش فى أفضل الأحوال وأنا بكتب الموضوع ده

هل عمركم حسيتم مرة إنكم مشحرين زى القلم الجاف ؟؟

جواكم خاوى وتعبااااااااااااان ؟؟

فيه خوف من المستقبل وتوتر وقلق وحزن ومشاحنات وحاجات كتير أوى تعبانا؟؟

يمكن دقينا كل الأبواب باب الصداقة مرتحناش

باب الحب مرتحناش

عملنا كل حاجة متخيلين إنها هتطمنا وتريحنا ومرتحناش

دقينا كل الأبواب ولسه برضه حاسين بتوهه وبألم وقلق وخوف وحيرة

بس نسينا الباب الوحيد اللى فيه الحل باب التواصل مع ربنا بجد

كتير مننا كان عنده روحانيات بيعملها ووقف عنها نظراً لأسباب كتير منها وأنا كمان وقعت فيها وهى :

1- مشغال وتوهة الحياة

2- نظراً للخطايا والذنوب اللى بتتراكم جوانا ويمكن مبتسغفرش عنها حتى فتتراكم أكتر

3- قلة الوقفات مع النفس ( أنا صح ولا أنا غلط) طيب لو غلطت بتصلح ولا بسوء أكتر؟

4- زيادة الأمل وإنه لسه بدرى وهتغير بكره بعده بعده بعده

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

ليه منحاولش نجرب الباب الوحيد اللى فاضلنا وخايفين ندق عليه

أنا عن نفسى مشحرة زى القلم الجاف وتعبانه وغلطانه ودقيت كل الأبواب بس بدون جدوى

فقلت تعالوا بينا ندق على باب ربنا أكيد هنلاقى فيه كل حاجة

أكيد هنلاقى الطمأنينة والأمل والحب والمستقبل والطموح والهدوء والسعادة أكيييييييييييييييييييد

ليه منرجعش واحدة واحدة مقرين ومعترفين بذنوبنا مفيش كلام أذنبنا وأخطأنا ورجعنا

طيب خلاص يبقى نستغفر ربنا ونبدأ من جديد صفحة أولها تواصلنا مع ربنا

حبنا لبعض وتسامحنا مع بعض

إيه رأيكم نبدأ نعمل الآتى وواحدة واحدة نرجع زى الأول ونطمن ونهدى ونتفائل :

1- نحافظ على صلواتنا فى أوقاتها ونأديها بهدوء

2- نعمل زيارة أسبوعية صلة رحم

3- نرجع نبر أبائنا وأمهاتنا ونحسن علاقتنا بيهم

4- نقرأ على الأقل صفحة يومية من المصحف

5- نتصالح مع نفسنا ومع اللى حوالينا ونترك الجدل

6- نخلى دايما على وشنا ابتسامه واحنا بنتعامل مع بعض

7- ننحى المشحنات جانبا ونصفى قلوبنا تجاه بعض

8- نبعد عن الصغير قبل الكبير من ذنوبنا وأخطاءنا ونخاصمها للأبد

بس واحدة واحدة علشان نقدر نستمر

مين معانا مين تعبان زينا ولسه مشحر ؟؟

مين محتاج وقفة مع النفس وتوبة صح؟

مين ,,,,,,,؟؟

أنا أولكم محتاااااااااااااااااااجة كلللللللللللللللللللل ده

ومقدميش غير باب ربنا دلوقتى,,

وهدق بقلب جامد لأنى عارفه إنه مش هيخذلنى

يلا مين تانى؟

يااااااااااااااااااااااااااااااااااااااااااااااااااااارب بابك الوحيد اللي مفتوح ليل ونهار يااااااااااااااااااااااااااااااااااااااااااااارب

كويس يا حنين

الإحساس بالذنب هو أول طريق للوصول

ربنا سبحانه وتعالى يقول (والذين جاهدوا فينا لنهدينهم سبلنا)

الهداية محتاجة صبر على الطاعات وصبر عن المعاصى

محتاجة مجاهدة ومحاربة مع النفس حتى تصل إلى تزكيتها

أنا ممكن أقترح عليكى طريق عملى جدا وجميل جدا جدااااا

طرحته عليكم قبل كدا .. لكن محدش خد باله منه ومحدش شجعنى فيه

وانا هقتنص الفرصة دى واعملها

ياريت لو نعمل جلسه جماعة (لله وفقط) كل اسبوع او كل شهر

نقرأ فيها قرءان نتكلم فى التاريخ الاسلامى نتكلم عن شخصيات اسلامية

نتعلم فيها امور فقهية

ما هو دا أجمل عمل خيرى وأحسن من حاجتا كتيرة فيها شغب وكلام وحوارات ونقاشات

قال الله تعالى (أفأنت تنقذ من فى النار) ؟؟

انقذ نفسك قبل ما تنقذ غيرك

ياريت اشوف آراءكم ..

اقتباس :

جميل ,, فكرة ممتازة جزاك الله خير عليها

وعاوزة أقول برضه إن لم نستطع أن تكون الجلسة كلها زى ما بتقول يا أستاذ عمرو

ممكن نخلى جزء منها حتى المهم يبقى لينا ورد

يعنى مثلا عندنا البنات بيتجمعوا كل يوم سبت

ممكن نخصص جزء من الجلسة للى حضرتك أشرت إليه

وأنتم كشباب برضه حسب ظروفكم بس تبقى حاجة دورية

ومش شرط جماعة كبيرة حتى لو انا وصاحبتى أو انا واختى

انا وزميلتى فى الكلية المهم نبقى أكتر من واحد

و نحاول نعمل جو تعبئة روحانية

إحنا فى أمس الحااااااااااااجة إليه علشان نقدر نكمل فى هدوء وإطمئنان

Amr Emam كتب:: كويس يا حنين

الإحساس بالذنب هو أول طريق للوصول

ربنا سبحانه وتعالى يقول (والذين جاهدوا فينا لنهدينهم سبلنا)

الهداية محتاجة صبر على الطاعات وصبر عن المعاصى

محتاجة مجاهدة ومحاربة مع النفس حتى تصل إلى تزكيتها

أنا ممكن أقترح عليكى طريق عملى جدا وجميل جدا جدااااا

طرحته عليكم قبل كدا .. لكن محدش خد باله منه ومحدش شجعنى فيه

وانا هقتنص الفرصة دى واعملها

ياريت لو نعمل جلسه جماعة (لله وفقط) كل اسبوع او كل شهر

نقرأ فيها قرءان نتكلم فى التاريخ الاسلامى نتكلم عن شخصيات اسلامية

نتعلم فيها امور فقهية

ما هو دا أجمل عمل خيرى وأحسن من حاجتا كتيرة فيها شغب وكلام وحوارات ونقاشات

قال الله تعالى (أفأنت تنقذ من فى النار) ؟؟

انقذ نفسك قبل ما تنقذ غيرك

ياريت اشوف آراءكم ..

الله ينور عليك وجزاك الله خير

فكرة رائعة

وعاوزة أوضح حاجة مثلا لو الجلسة حتى خاصة بشىء معين

يعنى لو خاصة بدراسة او اجتماع او مشروع او اى حاجة

ممكن نخصص جزء منها فى البداية او النهاية للى انت قولته فوق

المهم يبقى لينا ورد

ونبدأ ندعى ربنا يقوينا على جو تعبئة روحانية كده تساعدنا فى حياتنا

وتهدأ من روعنا وتبيلنا الحقيقة صح كما هى

محتاجين هدوء نفسى ناتج عن إحساس برضى ربنا علينا

إحنا فى أمس الحاااااااااجة للخطوة دى بجد علشان نقدر نواصل

لا اله ألا أنت سبحانك أنى كنت من الظالمين

كلامك جميل اوى ياحنين وبيحكى حياتنا اليوم بصورة واقعية فعلا

الواحد مشحر

فعلا كلنا محتاجين الوقفة دى اوى ، ربنا يهدينا ويثبت اقدمنا ....

ربنا يجعلو ف ميزان حسناتك يا حنونة.....

ASMAA MO7Y

والله ياحنين كل حاجة انتي قولتيها بالظبط فينا او فيا انا علي الاقل..

انتي عارفة بقالي اسبوعين والله بشوف كوابيس يوماتي..مع اني بكون مصلية..

بس امبارح خليت نفسي هادية شوية وصليت الفجر ونمت..والله نمت بهدوء..

الواحد فعلا محتاج يتغير..عشان نفسه وعشان خاطر الناس اللي حواليه..

الواحد لازم يبقي صادق مع ربنا..(ان الله لا يغير ما بقوم حتي يغيروا ما بأنفسهم..)..

تسلمي ياحنين وجزيتي عنا خير ان شاء الله..

تسلمى يا أخت حنين على الموضو ع ده وفعلا زى ما اخويا أ - عمرو امام قال ممكن نقعد كل شهر سوى ونصفى نفوسنا دون الدخول فى تفاصيل المشاكل وبعد مانخلص قراءه القراءن هتلاقى الناس كلها هديت تماما ونسيت وساوس الشيطان .

ليا برده اقتراح لو ممكن تعينوا فى المنتدى واحد منكوا زى المشرفين بس يكون للعلاقات العامه ويبقى دوره يصلح بين المتخاصمين واللى بينهم وبين بعض مشاكل على المنتدى ويخلص الموضوع ده من بره بره وبلاش كل خلاف يوصل لحد المنتدى ويشتت الناس .

وهيبقى معروف للكل الشخص ده ويكون شخص نفسه طوووووويل ويكون بيسعى للصلح بين الناس لله .

اظن ممكن ده يكون حل برده لتقريب الناس مع بعض بالاضافه لجلسه اخويا عمرو اللى اتكلم عليها .

تم التثبيت

يارب

يسرها وأفرجها,, أحسن دى ضااااااااااااااااااااااااااااااااااااااااااااااااااااااقت

أوووووووووووووووووووووووى

حنين كتب:: يارب

يسرها وأفرجها,, أحسن دى ضااااااااااااااااااااااااااااااااااااااااااااااااااااااقت

أوووووووووووووووووووووووى

خير بإذن الله

بعد العسر يسر ان شاء الله

بعد الضيق فرج ان شاء الله

يااااااااارب يسر

كلما ضاقت عليك نفسك .. لاتـشـتـكـي لإنســــان بل ردِّد
.
.
.
.
....
.
.
.
.
.
.
.

♥♥ ربِّ إنّي قد مَسَّنِيَ الضُّرُّ وَأَنتَ أَرْحَمُ الرَّاحِمِينَ.

أجمل الكلمات أن تقول
.
.
.
.
..........
.

"يـــــــارب"

قـد أذنـبـــــت

قـد أخطــــأت

قـد أســــــأت

قـد قصــــــرت

"فيقول الله"

يــا عبــــدى

قـد عفـــوت

قـد غفـــرت

قـد صفحـت

قـد رحمــت

فاذكروا الله يذكركم

لا اله الا انت سبحانك انى كنت من الظالمين

الحل هنا,, تعالوا ندق باب ربنا

يا مواضيعك
موضوع جميل بجد وجزاكى الله كل خير
الحل هنا,, تعالوا ندق باب ربنا
الكلمه دى هيا الحل فعلااااااااااااااااااااااااااااااااااااااااااااااا اننا ندق باب ربنا
تسلم ايدك ع الموضوع

بس لحنا مش محتاجين ان حد يفكرنا او يشجعنا فى طاعة ربنا احنا مولودين ع الفطرة دى وهى نعمة الاسلام وربنا مديلنا نعم كتير لازم طبعا نعمل الوجب الى علينا ربنا هو الهادى الرحمن الرحيم ولى عاوز ينهدى بينهدى لواحدة قال تعالى من يهد الله فهو المهتد ومن يضلل فلن تجد له وليا مرشدا يعنى دى حاجة منك لربنا الكلام سهل ونعبر ع براحتنا بس لا يمكن يكون فيه فعل الا من داخلك انت وشكرا ع التشجيع ده ياعمرو اختك صباح

لسلاام عليكم و رحمه الله و بركاته
اولا بحييكى يا حنين الموضوع فعلا رائع و مهم جداااااااا
كلنا بنحس اننا ساعات بنبقى قريبين من ربنا و ساعات كتيره بنبقى بعاد عن ربنا و ده طبعا لان الايمان بيزيد و ينقص و احنا لازن نزوده اوى
علشان لما ينفص ميروحش خالص يبقى عندنا بردو ايمان

انا فعلا فرحانه جدااااااااا يالفكره ال اخونا عمرو قالها و فعلا فكره جميله جدااااااا
انا و اصحابى بنعمل كده بس مش بالظبط
يعنى بتلم اناو بين صحباتى و اخوتى و قاريبى و نحضر كل واحد حاجه يقولها
يعنى حديث يشرحه او ايه
او فضل الاذكار او قصه صحابى او السيره
اى حاجه و على فكره هى مفييييييييييييييده جدااااااااا لان ال حضر ده بيبقى اكثر واحد اتاثر و هيعملها فاحنا كده كسبنا طاعه ولواحد و هكذا يبقى كده كل واحد كسب معلومه فى الدين و قالها للباقى يعنى طلعنا من الجلسه بحاجات كتييييره
ده غير انها بتعلى ايمانا جداااااااااا لاننا بنبقى محضرين معلومات و بنستعد قبلها بيوم او ساعات فبقضى الوقت ده ووقت الجلسه فى طاعه ربنا

و كمان بعد فتره قولنا لاصحاب اكتر و جرانا و الخير كده بيكتر
و مثبتيناها كل اسبوع يوم نكون معظمنا فاضى فيه

و كمان يا جماعه ركعتين قيام ليل مش هتخصر بدااااا
نبداها بركعتين عادين و بعدين من المصحب و بعدين بالترتيل و بعدين نزودهم و دعوه قيام الليل لا ترد لو عاوزين اى حاجه ادعو بس و ملكوش دعوه
و طبعا زى ما حنين قالت الورد القران هتاخد صفحه منا ايه يعنى5 دقايق اكيد مش كتير على الجنه يعنى

و بالنسبه لكلاام اخونا حسام
فعلا احنا مولودين على الفطره بس اكيد محتاجين حد يشجعنا و يذكرنا لان فى كائن بينسينا و ييأسنا و يحبطنا :<<الشيطان >>

و ربنا قال .{.فذكر إنما أنت مذكر لست عليهم بمصيطر.]
{و ذكر ان الذكرى تنفع المؤمنين}

و شكرا للتذكير و اسفه للاطاله

اقتباس :: الحل هنا,, تعالوا ندق باب ربنا الخميس مارس 31, 2011 12:17

الحل هنا,, تعالوا ندق باب ربنا

واللة كويس جدا ان المضوع اتفتح تانى
انا طبعا لانى عضويتى جديدة لسة شايفة الموضوع حالا
طبعا الموضوع مش محتاج انى اقول رائع لانة بيدل على نفسة
فعلا باب ربنا هو الباب اللى الواحد بيدق علية بقلب جامد
ويرمى حمولة ويشكى همة منغير واسطة ولاحواجز
وكثرة الذكر هى اللى بتخلى الواحد شايف ربنا دايما فى كل شىْ بيعملة

انا اول مرة اشوف الموضوع ده مع انه بقاله فترة
بجدفعلا كل واحد محتاج انه يدق علي باب ربنا طبعا
وانا اول المحتاجين ان انا ادق باب ربنا
ونفسي جدااا يرضي عني ويسامحني في حاجات كتير ...محتاجة انه يقف جمبي دايما
وانا بحاول اسعي لحاجة زي كده اكيد
انا دايما حاسة ان هو شايفني ....وده بيطمني اوي

كلام سليم و كلام عاقل جدا... ربنـــــا يهدينا جميعا ...

تسلم إيديك على الموضوع الواقعي ..

الواحد محتاج يعمل كدا يا حنين أوى ..

» ايه الحل
» شاركنا الحل
» الإيمان هو الحل
» لإيمان هو الحل (2/2)
» ما الحل لوووووووو