الحلقة الثانية .. كورس أتوكاد .. متجدد

تذكير بمساهمة فاتح الموضوع :

حد عاوز ياخد كورس اتوكاد هنا ع المنتدى وبأسلوب متميز ان شاء الله تبقى بروفيشنيل فيه؟

توضيح بسيط :
انا هدفى من الموضوع ف الصفحتين دول هو حصر الناس اللى ناويا تاخد الكورس وعمال اقول مين جاى معانا عشان اعرف العدد هيبقى فعال معانا ولا لأأ يمكن العدد يبقى قليل

ياريت اللى يرد يحاول يفهمنى مدى احتياجه للكورس من عدمه فقط لاغير

تم التعديل ..

تمام يا جماعه

يلا يا باشمهندس إبدأ وأنا إن شاء الله هكون معاك

..

بس ياريت تنقل الموضوع لمنتدى الكورسات لإن هناك أفضل

مصطفى فتـ7ـى كتب:: يلا يا باشمهندس إبدأ وأنا إن شاء الله هكون معاك

..

بس ياريت تنقل الموضوع لمنتدى الكورسات لإن هناك أفضل

ياريت يا معلم تقوم بالمهمه دى

تم النقل يا باشا

..

يلا إبدأ فى أسرع وقت والعدد كويس جدا وكلنا منتظرينك

،،

هههههههههههههه
بتلعب ع الوتر الحساس انتا
حاضر ,,

لتحميل اتوكاد 2010

[ندعوك للتسجيل في المنتدى أو التعريف بنفسك لمعاينة هذا الرابط]

تمام ..

انت يا كريم ايه يؤهلك انك تخلينا محترفين للكاد؟

هو إيه اصلا الأتوكاد؟
محدش يضحك....... ده إستفسار لأنى معرفش هو إيه
وكمان إيه إمكانيات الكورس ومن خلاله نقدر نعمل إيه
بس شكله حاجه مهمه يعنى وإن شاء الله أكون معاكم

أجمد مهندس كتب:: انت يا كريم ايه يؤهلك انك تخلينا محترفين للكاد؟

انا معنديش ضمانات
ضمانى الوحيد اللى ان شاء الله هتشوفه
واكيد يعنى انتا هتعرف تقيم الشغل

دهب كتب:: هو إيه اصلا الأتوكاد؟
محدش يضحك....... ده إستفسار لأنى معرفش هو إيه
وكمان إيه إمكانيات الكورس ومن خلاله نقدر نعمل إيه
بس شكله حاجه مهمه يعنى وإن شاء الله أكون معاكم

برنامج الاتوكاد احد برامج التصميم وان شاء الله اول حصه هتتضمن تعريف كويس بالبرنامج

دهب كتب:: هو إيه اصلا الأتوكاد؟
محدش يضحك....... ده إستفسار لأنى معرفش هو إيه
وكمان إيه إمكانيات الكورس ومن خلاله نقدر نعمل إيه
بس شكله حاجه مهمه يعنى وإن شاء الله أكون معاكم

برنامج الاتوكاد احد برامج التصميم وان شاء الله اول حصه هتتضمن تعريف كويس بالبرنامج

اوك منتظرين

LetS Go ya hamDaSa :D

بســـــــــم الله الرحمن الرحيم

الحصه الاولــــــى

First session

اولا لازم الكل يعرف ان خيركم من تعلم العلم وعلمه

انا مش كونستركتور بس خدت الكورس واستفدت والحمد لله بشتغل عليه كويس فقلت ليه لاأ مانستفدش من بعض

حتى لو انتا او انتى ناوى تاخد الكورس مافيش مشكله اهو ابقى فتحتلك دماغك ع البرنامج ... هو سهل جدا ومش محتاج كورس بصراحه ويارب اقدر اوصل المعلومه بشكل صحيح

اولا:الكاد برنامج ممارسة بمعنى ماينفعش تاخد الكلام من هنا وتركنه لازم تطبق ع البرنامج نص ساعه كل يوم كفايه جدا وبجد برنامج مفيد جدا ومجزى(المهندس بيخبطلو 1000 جنيه ف الرسمه مش انتا اولى؟)

وكمان بيتعامل مع الصور وبيطلع فيديوهات بجد برنامج تحفه وسهل ف نفس الوقت وسريع

البرنامج بيتعامل مع اى تصميميات سواء هندسيه او فنيه يعنى ديكورات تصميمات هندسيه تصميمات ميكانيكيه او اى تصميمات تخطر ببالك

ثانياا:عشان تفهم كورس الكاد مش مطلوب ان انتا تكون عندك اى خبره بيه قبل كدا او حتى تكون شوفته ف اى حته ان شالله طبق اليوم

بس المهم تكون اتعاملت مع اى نظام من نظم الكمبيوتر يعنى اكس بى ..98 ..2000.. ليونكس
م الاخر تكون قعدت على جهاز كمبيوتر وبتعرف تمسك الماوس

هو ده كله المطلوب من حضرتك يا سعة الباشا

بداية لازم كلنا نتأكد اننا سطبنا برنامج الكاد على اجهزتنا

ولو حد عنده اى فيرجن من اى كاد بداية من كاد 2002 الى كاد 2012
وطريقة التسطيب سهله جدا

لو انتا نزلت كاد 2010
هيكون تسطيبه كالاتى:

هتكمل التسطيب عادى جدا وبعد كدا لازم نثبت البرنامج بالكراك عشان نخليه نسخه صالحه على طول انما لو مثبتناش الكراك هيبقى لمدة شهر بس
طريقة التثبيت

عن طريق الملف اللى جمب ملف التسطيب

[ندعوك للتسجيل في المنتدى أو التعريف بنفسك لمعاينة هذه الصورة]

الملف ده موجود أصلن ف ملحقات البرنامج فى

c:system

program files

autocad2010

موجود الملف بنفس الاسم

adlmint.dll

المهم هنروح ملحقات البرنامج نشيل الملف ده خالص وبعدين ننسخ اللى جمب ملف التسطيب ونحطه فى نفس مكان الملف اللى شلناه عملية تبديل يعنى

وبكدا تم تثبيت البرنامج وبقى صالح على طول وكأنه جاى م الشركه(دى سرقه على فكره)

ودى شكل ايقونة البرنامج على سطح المكتب

[ندعوك للتسجيل في المنتدى أو التعريف بنفسك لمعاينة هذه الصورة]

نيجى بقى لنبذه وتعريف عن البرنامج :

الشركه المنتجه للبرنامج بجميع النسخ

AUTODESK

هى شركه فالحه اوى فى برامج التصميم سواء ثنائى الابعاد او ثلاثى الابعاد

وبرامجها مغرقه السوق
المهم الاتوكاد واحد من برامج الشركه دى

نيجى بقى لواجهة البرنامج :

عاوزين نعرف مع بعض البرنامج ومكوناته وادواته والشرايط اللى فيه

ده البرنامج اول ماهتفتحه هيحمل شويه وبعدين هيفتحلك الصفحه دى
[ندعوك للتسجيل في المنتدى أو التعريف بنفسك لمعاينة هذه الصورة]

نيجى بقى لشرح وتفصيص الصورة اللى هى واجهة البرنامج
:هنبتدى من فوق لتحت

أول شريط فوق خالص اسمه شريط العنوان

ADDRESS BAR

[ندعوك للتسجيل في المنتدى أو التعريف بنفسك لمعاينة هذه الصورة]

وده بيبقى عليه اسم البرنامج من الناحية الشمال ومن الناحيه اليمين بيبقى فيه 3 زراير تصغير تكبير اغلاق البرنامج

شريط القوائم:

MENU BAR

[ندعوك للتسجيل في المنتدى أو التعريف بنفسك لمعاينة هذه الصورة]
وده فيه مجموعه من القوائم المنسدله يعنى اللى بتفتحها تنزل كدا وفيها قوائم زى :

(VIEW_INSERT_EDIT_FILE....)

أشرطة الادوات

TOOL BARS

[ندعوك للتسجيل في المنتدى أو التعريف بنفسك لمعاينة هذه الصورة]

ودى هتلاقيها ف الجنب ع الشمال وفوق تحت شريط القوائم بتاع البرنامج وفيها الادوات اللى هنستخدمها ف البرنامج والادوات دى ممكن نجيبها من شريط القوائم
TOOLS

منطقة الرسم:
DRAWING AREA

[ندعوك للتسجيل في المنتدى أو التعريف بنفسك لمعاينة هذه الصورة]

ودى منطقة الرسم وهى بتاخد اكبر مساحه م البرنامج

وهنلاحظ فيها سهمين متعامدين على بعض

[ندعوك للتسجيل في المنتدى أو التعريف بنفسك لمعاينة هذه الصورة]

ودى اسمها UCS

يعنى USER COORDINATE SYSTEM
وهنعرف بعدين دى لزمتها ايه

أهم حاجه بقى

خــــــــــــــــــــط الاوامر
COMMAND LINE

[ندعوك للتسجيل في المنتدى أو التعريف بنفسك لمعاينة هذه الصورة]

ويوجد ف اخر البرنامج تحت خالص وده بنكتب فيه الاوامر ع الكيبورد بدل ما نختار الاوامر من قائمة الادوات

كدا معظم الشرايط والقوائم تقريبا عرفناها اهم حاجه منستعجلش على الباقى كله جاى

نيجى بقى للشغل بقى والاوامر اللى من خلالها هنرسم

اولا:بعد ما يتم تسطيب الاتوكاد بتبقى مساحه الرسم اللى هى عباره عن مساحه كبيرة بيضاء اللون على عكس اللى ف الصوره

ولو حضرتك قررت ان انتا ترسم على الشاشه البيضا دى ممكن لاقدر الله تصاب بالعمى وضعف النظر نتيجه اللون الابيض
وبالتالى هنغيرها للون الاسود عن طريق:

نذهب لقائمة
tools
,ونختار

optins

هيظهر مربع حوارى كدا هنختار منه

display

وبعدين هنختار

colors

ونختار منه اللون الاسود

[ندعوك للتسجيل في المنتدى أو التعريف بنفسك لمعاينة هذه الصورة]

طيب لو انا عاوز ارجع الاتوكاد زى ماهو بعد التسطيب يعنى ارجعه ابيض من غير اى تعديلات يعنى انتا روحت مكان ولقيت البرنامج على جهاز مش جهازك وعاوز تلغى اى تعديلات من عليه وترجعه للنسخه الاصليه
هتروح لقائمة
tools
ونختار
optins

profiles
ونختار
reset

[ندعوك للتسجيل في المنتدى أو التعريف بنفسك لمعاينة هذه الصورة]

كدا أنا هيأت البرنامج للشغل والتصميم مش فاضل غير اوامر الرسم

الادوات بتاعت الرسم دى عباره عن ادوات من خلالها اقدر ارسم أشكال زى الخط والدائره والمماس والمنحنى والقطع الناقص والمستطيل
وعشان اقدر استخدم الادوات دى ممكن اجيبهم عن طريق ثلاثة طرق :

1/ عن طريق شريط القوائم فوق خالص واختار قائمه الرسم draw
واختار الاداة اللى انا عاوزها

2/عن طريق شريط الادوات اللى ع الشمال ممكن اختار منه الاداة برضو

3/عن طريق مربع الاوامر command bar

ودى تعتبر الطريقه الاسرع ف الشغل

والمربع ده بنكتب فيه الامر وبمجرد الضغط مفتاح enter
يتم استحضار الامر

والاوامر اللى ممكن نكتبها فى مربع الاوامر ممكن يكون اسم الامر كامل زى :
line
circle
erase
وهكذا
أو ممكن يكون اختصار للامر وده للسرعه مش اكتر
يعنى
L
c
e
وهكذا ...والاختصارات دى بتتحفظ مع الشغل وان شاء الله نعرفها مع بعض
أول أمر معانا هو امر

line

وهو لرسم خط والخط ف الاتوكاد معرف بنقطتين بمعنى نقطه الخط هيبدا منها ونقطه الخط هينتهى منها

طيب ازاى ارسم خط ؟؟

اولا لازم اختار امر الخط يا اما اختاره من قائمه
draw

او اكتب

line

فى مربع الاوامر

واختصار الامر ده هو حرف

L

بمجرد ماهختار الامر

هبص على مربع الاوامر ومربع الاوامر هو الدليل بتاعى اللى لازم اتبعه واسمع كلامه وابص عليه طول الوقت

بمجرد ما انا اختارت الامر ده هلاقى مربع الاوامر بيقولى جمله كدا

SPECIFY FIRST POINT

ومعناها ان البرنامج بيقولك حدد اول نقطه من الخط واللى هيبدأ من عندها الخط

انتا ممكن تكلك بالزرار الشمال بتاع الماوس على اى نقطه ف الشاشه السوده عشان تختار اول نقطه كدا لقط البرنامج أول نقطه

هنبص تانى على مربع الاوامر هنلاقيه كتب جمله جديده

SPECIFY NEXT POINT

وده يطلب النقطه التاليه للخط
برضو كليك بالماوس ف اى نقطه كدا عملت خط لو انا عاوز اختار نقطه تانيه اعمل كليك ف مكان تانى وهكذا

طب انا خلصت وعاوز اطلع من الامر...... فى طريقتين للخروج من الاوامر :
يا اما اضغط

ENTER

او ممكن أضغط

ESCAPE

وكدا يبقى انا خرجت من الامر وممكن اختار امر جديد

احنا هنكتفى بهذا القدر النهارده بس اهم حاجه التطبيق على البرنامج عشان ماحدش ينسى الكلمتين السهليـــــــن دول

يالا بالتوفـــــــــــــــــــــيق

الله ينور عليك ياهندسة

بجد تسلم ايدك ياكريم

يااااااااريت كل الناس زيك كدا

ربنا يجعله فى ميزان حسناتك يااااااااارب

متابعه معاك جدا واسلوبك ممتاز وسلسل جدا بصراحه

Baher Hokkam كتب:: الله ينور عليك ياهندسة

وعليك ياهندسه المهم تكون بتراجع معانا بس مبسوط

الطير الباكي كتب:: بجد تسلم ايدك ياكريم

يااااااااريت كل الناس زيك كدا

ربنا يجعله فى ميزان حسناتك يااااااااارب

متابعه معاك جدا واسلوبك ممتاز وسلسل جدا بصراحه

ربنا يكرمك ياطير تشجيع جامد منك وان اشاء الله من حصة لحصة هتحسو الفرق والسهوله ف الشرح

حلو شغلك اوي يا هندسة

متابع ..

جزاك الله خيرا

هي طريقة العرض سهل و بسيطة جدا

لكن ممكن لو سمحتم لينك مباشر لتحميل البرنامج غير اللينكات اللى في الصفحة الأولى

شــــــــكرا

برنس يا كبيــر

اسلوبك و الله جميل و بسيط

ربنا معاك و معانا ان شاء الله

فى لينكات اهه

من هنا
من هنا

لو موضوع التحميل صعب
انا ممكن أسيب البرنامج ف اى مكان ممكن المركز العلمى للكمبيوتر اى حد ممكن ينزله من هناك
او ممكن ف سيبر النادى
وده هيبقى أحســــــــن

» كل يوم صفة جديدة ( الحلقة الثانية)
» الحلقة الثانية عشر (عضو مفجأة ) 2010
» الرفيق ...والرحلة ( الحلقة الثانية )
» يوميات حد مبسوط جداااا(الحلقة الثانية)
» مفاجأة ....كورس الجامعة الامريكية 12 CD