عاوز تعرف سر احداث ماسبيرو ؟؟

احنا طبعا كلنا عاصرنا الاحداث المؤسفه ف ماسبيرو واللى لم يتضح اسبابها او مثيريها

تعالا شوف معايا مين السبب؟؟
وبجد هتتفرج ع الفيديو وتحس بحزن كبير اوى مش عشان انتا مسلم بس عشان انتا انسان

انا بعد ماشوفت الفيديو كرهت البلد دى وكرهت الجيش وكرهت التليفزيون المصرى وكرهت كل واحد امعه معاهم معاهم عليهم عليهم
بجد صدق رسول الله عندما قال: قال رسول الله صلى الله عليه وسلم :
(( لا تكونوا إمعة ، تقولون : إن أحسن الناس أحسنا ، و إن ظلموا ظلمنا ، و لكن وطنوا أنفسكم إن أحسن الناس أن تحسنوا ، و إن أساؤوا فلا تظلموا )) .

ربنا يجاذى كل واحد كان السبب
ربنا يجاذى كل واحد مد ايده على اخوه القبطى
ربنا ينتقم من الفاسدين والخونه واللى ميعرفوش ربنا

أسيبكو مع الفيديو

اولا فى حجات كتير مش واضحه فى الفيديو يا كريم

ثانيا لما الشرطه العسكريه نزلت او الجيش ....انا مشفتش اى ضرب وهو بلال فضل يقلك شوف الضرب

وكمان اللى كانوا مشايين ومعاهم ازازه وسكينه دول ليه بيجزم انهم مسلمين وليه التريقه بتاعت ...هو كده بيطبق الحد في حين انهم ممكن يكونوا مسيحين اصلا

ولما الصوره اتنقلت عن رمسيس هيلتون وجه الراجل الملتحى بيقلك سيبوه ...يقوم بلال باشا يقلك علشان الاعلام مش كويس

بيوجه المشاهد باى طريقه للى هو عاوز يوصله للناس

الفيديو بصراحه فى اهانه واضحه للمسيحين فى اللقطه بتاعت الشارع الجانبى لرمسيس هيلتون

هى دى بس اللى محزنه انما هو طول الفيديو عمال بينخور ورا التليفزيون والمسلمين

شوف الفيديو ده كده

انا نفسى والله الحقيقه تبان وكل مخطئ يتعاقب وبلاش الفتى اللى ملوش اول من اخر ده

الفيديو بتاعك يا شريف ضعيف جدا

كله خساير ماديه للجيش حرق مدرعه اعمل شغب
انما دهس متظاهرين ..واطلاق رصاص حى ...وبلطجه ..

الفيديو بتاعى باين فيه مين بدأ الجيش ولا المتظاهرين
ثانيا:لو كان فعلا الاقباط بدأو بأعمال شغب مش مبرر اطلاقا لرد الجيش العنيف والغباوة المتناهيه
منتظر ايه من جماعه شايفه ناس منها بتتدهس وبتتقنص اكيد لازم يثاروووووووو

خسائر ماديه ...!! انت عاوز ايه تانى يعنى

ثم انت مشفتش العساكر اللى اتسحلوا دول ...ذنبهم ايه ؟؟؟

وفيديو بلال فضل والله انا مش فاهم مين بدأ لانه مش واضح اصلا والحجات دى متعرفغش تصورها بكاميرا

اساسا على منطقه صغيره زى دى

اقتباس :: ثانيا:لو كان فعلا الاقباط بدأو بأعمال شغب مش مبرر اطلاقا لرد الجيش العنيف والغباوة المتناهيه
منتظر ايه من جماعه شايفه ناس منها بتتدهس وبتتقنص اكيد لازم يثاروووووووو

عمال اقلب فى الجمله مش فاهمها ...فى ايه بتقول هما اللى بدأو وفى ايه بتقول اندهسوا ؟؟

انا مش ضد الاقباط نهيائيا لكن عاوز اعرف الحقيقه ...كل يوم تلاقى فيديو مصور جزء معين فيه حدث ما

يصورلك ان هى دى الحقيقه ...وده مش صح

طيب تعرف فى واحد كان هناك قالى ان الاقباط هما اللى بدأو ...واحد منهم كان بيقطع مصحف

وكان عاوز يدوس عليه نزل عسكرى من على مدرعه يحوشه نزلوا فيه ضرب

ده واحد شغال هناك اصلا وقال الكلام ده ،، ومع ذلك لسه مش اعرف الحقيقه [ندعوك للتسجيل في المنتدى أو التعريف بنفسك لمعاينة هذه الصورة]

الحكاوى خد منها كتيــــــــــــــر ..
انما اى اسناد بفيديو بيظهر جزء م الحقيقه واانا شايف ان فيديو بلال فضل اقرب الى الحقيقه
وبعدين الاقباط ياعم شريف خارجين من عندنا م الدوران لا حد ظهر معاه سكينه ولا حتى مسدس مايه
اترمى عليهم طوب من مجهولين وحاجات غريبه ف السبتيه ع الكوبرى ومحدش ضرب ولا رمى طوبه واحده

الموضوع مش م الاقباط خالص وانا مؤمن ان التليفزيون المصرى هو السبب
استثار مواطنين عاديين ف البيت نزلو يدافعو عن الجيش كرد فعل طبيعى ..وتخيل واحد متحمس من التليفزيون ونازل يدافع عن جيش بلده
بصراحه زى ماقال الفيديو اليوم ده
كان الشعب والجيش والبلطجيه ايد واحده ع الاقباط

لأ طبعا فيديو بلال فيه تجني واضح جدا و جايب جزء من كل
يعني ما تسيبش أحداث كتير جدا حصلت و تمسك في جزء لا تعرف توقيته و لا دواعيه و لا مين أصلا اللي فيه
و ما تقولش تحريض عالفتنة و انت بتجيب فيديو مسلمين بيضربوا في مسيحيين يعني بدل الصورة و الشكل العام ما كان أقباط و جيش لأ هنحولها لفتنة حقيقية و نقول مسلمين نزلوا يدبحوا في الأقباط
ان كنت ما بتقتنعش غير بالفيديو ممكن أجيبلك فيديوهات كتير جدا لأقباط ملمومين على مسلم و نازلين تقطيع فيه و مجموعات على جندي لمجرد انه من الجيش و الإسيس فلوباتير اللي كان بيشعللها قبلها بيوم و التاني اللي بيقول لو المحافظ ما مشيش هيموت من بكرة و بهددك يا طنطاوي هنعمل مجزرة لو مطالبنا ما اتنفذتش
و هنروح بعيد ليه ما شوفتش اليفط اللي كانت مرفوعة قدام ماسبيرو واحدة مكتوب عليها جيش المسيح سيغلب جيش المشير اليوم و التانية شهداء السماء مش عارف هيعملوا ايه يعني ناس جاية ناوية على نية ما تقوليش الجيش السبب و لا الإعلام السبب و لا الفيديو بتاع الإسيس الحيوان اللي بيخطب فيهم و بيقول دي بلدنا و احنا استضفناهم إنما هيقلوا أدبهم ياخدوا بالجزم و يرحلوا و السلفيين الكلاب و أبو زبيبة الكداب واحنا عندنا استعداد يستشهد مننا مليون في سبيل نصرة 30 مليون على أساس انهم 31 مليون مثلا
كل دي فيديوهات شوفناها و سمعناها و كان بالنسبالي التعليق باب من ابواب إيقاظ الفتنة إنما حتة فيديو تعبان لبلال فضل ما نعرفش ايه تفاصيله أو جايب جزء و جانب واحد بس من الحقيقة و يقول هي دي الحقيقة و في ثانية الفيس و النت كله مالوش سيرة غيره يبقى للأسف عايز يشعللها من تاني و بدل ما بيدفن راسه في الرمل بيزمر للتعابين و يقولها صهللي و صحصحي مش عايزين نوم

بلال فضل وأمثاله يشعلون نار الفتنة من جديد
الفتنة نائمة ملعون من أيقظها

والله انا لا اعترف بالكلام انا اعترف بالدلائل كل كلامك يا استاذ اسلام صح
بس عندك دليل ع الاقباط يضاهى دليل بلال فضل ؟؟

شوف ياعم الفيديو اللى فوق وانا متأكد مش هتكمله اصلن

بقولك فيديوهات يا كريم
كل كلامي ده من فيديوهات سمعتها و ممكن أجيبهالك لو تحب
ثم الفيديو بتاعك ده مافيهوش أي دليل
ايه اللي عرك ان دي البداية أصلا ما يمكن ده بعد ما تم الإعتداء على المجموعة الي كانت قدام ماسبيرو و اللي افيديو بدأ بيهم دول تعزيزات مفيش دليل عل ان الجيش هو اللي بدأ
و الفيديو لما يحولها من قضية فئوية لفتنة طائفية يبقى فيديو زبالة ما يستحقش نشره
العنوان بيقول عاوز تعرف سر أحداث ماسبيرو؟ طيب عرفنا ايه بقى احنا كده؟ ان المسلمين نزلوا يدبحوا في المسيحيين لما الإعلام شعللها وانهم مش بلطجية لأ دي ناس مسلمةنزلوا يشاركوا في المذبحة و الحق ياعم في مسيحي هناك أهو هاتوه
بيتهيألي فيديو لو صح مفيهوش أ حقيقة مقنعة و بيعتمد على جزء صغير قوي قوي من أحداث كتير جدا حصلت

شوف يا استاذ اسلام الفيديو التانى ونبى ..
وشوف اعتراض الجيش للمظاهره وبداية الضرب والدهس
بس ونبى يا اخى كمله للاخر
والله حاجه تحزن سواء م الجيش او الناس اللى بتضرب ف الاقباط
الموضوع واضح وضوح الشمس بس انا مش فاهم حضرتك بتحاول تنكرها حقنا لدمائ الفتنه انا معاك بس ده الواقع ولازم نكون صرحه

شوفت الفيديو و عبارة عن حرب دايرة بين أقباط و جيش و فقط
مين اللي بدأ مين اللي غلطان مش مجال حديثنا
إنما الفيديو المستفز الأولاني اللي عايز يركز قوي على المسلمين و عايز يديك إيحاء انها كانت معركة بين مسلمين و أقباط و الجيش كان بيساند المسلمين اللي معاهم أسلحة و بيجروا يدوروا على أي مسيحي علشان يقتلوه و كأن اللي ماتوا دول دبحوهم المسلمين اللي مش بلطجية و لا تبع الجيش
و كأنهاكانت حرب أهلية بين مسلمين و أقباط

هفضل معاك للاخر .
مين اللى دهس الناس دى؟؟
مش الجيش؟؟ يبقى اول طرف ف المعركه الجيش اهه ؟؟تمام كدا ؟

طب الفيديو الاولانى بغض النظر ان هو بيثير الفتنه ولا لآأ احنا مش ف تقييم الفيديو وهل هو صح عرضه او لاأأ...اانا هاخد الماده الفلميه اللى فيه والاعتداء على المسيحين من قبل ....مسلمين بقى... بلطجيه... اى حد المهم ان ده واقع ملموس .ولا حضرتك عندك شك ف الفيديو اصلن ..استحاله يعنى يكون تركيب؟؟

طالما هو حقاني قوي كده كان المفروض الصورة تبقى مكتملة مش تركيز على جانب واحد و عايز يشيله الليلة و يقولك الحق يام اعرف سر الأحداث
في رأيي رأس الأفعى فلوباتير و متياس و أمثالهم اللي حرضوا وشعللوا و كان ليهم الدور الأكبر في الأحداث دي لازم يتحاكموا

يا عم كريم ما تصورليش مجموعة في آخر الأحداث بلطجية بقى و لا ناس عادية استفزتهم الأحداث و تحسسني ان المسلمين نزلوا دبحوا في المسيحيين و هو ده السر اخفي

إسلام كتب:: يا عم كريم ما تصورليش مجموعة في آخر الأحداث بلطجية بقى و لا ناس عادية استفزتهم الأحداث و تحسسني ان المسلمين نزلوا دبحوا في المسيحيين و هو ده السر اخفي

مين قال ان ده السر الخفى
ده سر من مجموعة اسرار وكويس ان الدليل موجود

ده اوضح فيديو لدهس المتظاهرين والله حاجه تحزن

[ندعوك للتسجيل في المنتدى أو التعريف بنفسك لمعاينة هذا الرابط]

اخى الكريم لماذا تحزن على مثل هؤلاء ان كانو ثوار اصلا ولهم مطالب فلماذا لم يذهبو الى التحرير لماذا ماسبيرو الا ان كان هناك نية مبيتة للا حتكا ك بالجيش ولذلك فهم يستحقون ما حدث لهم الامر واضح مش محتاج لف ودوران تمام مثل اللذين ذهبو عند اقسام الشرطة لا يمكن ان تقنعنى انهم ثوار سلميين بل هم ماجورين وختاما من احب قوما حشر معهم

» شايل نوكيا أصلى ولا مش عاوز تعرف أدخل
» معتصمو "ماسبيرو" يعلنون مشاركتهم فى مليونية الجمعة القادمة
» عاوز ترحيب بالاستاذه ورده محمد...مش عاوز حد يكفسنى عاوز ترحيب نار
» أقباط ماسبيرو يرحبون ببيان شرف ويستمرون فى الاعتصام
» قنابل مولوتوف وأعيرة نارية فى اشتباكات ماسبيرو