مطبخ (حنين) وأكلات على كيف كيفك

تذكير بمساهمة فاتح الموضوع :

السلام عليكم

كتيييييييييييييييييييييييييييييير منا بل معظمنا بيحب السمك جدا

وكنت بدور أنا على طريقة جديدة للسمك قولت اوريكم سمك الصيادية الاول بيتعمل ازاى وتجربوا كده

وخاصة بنات المنتدى اللى كبيرهم يسلقوا بيض وبينسوا كمان يحطوله مية

فركزوا معايا بقى:

المقــــــــــــــــــــــــــــــــــــــــــــــ ـــــــادير

2 قطعه سمك - 2 كوب رز - 2 بصله وطماطه - 2 فص ثوم - ربع شده كزبره

2 لومي اسود مجفف -

البهارات : ملح - بهارات مشكله - كركم - كزبره وكمون محمصه ومطحونه

هيل ودارسين مطحون

الطــــــــريقـــــــــــه :-

1- يغسل السمك ويقطع ثم يملح ويترك نص ساعه لتزول الزفره ثم يغسل

ويترك بالمصفاه حتى ينشف .

2- يتبل بما يلي ( الكزبره والكمون + الكركم + البهارات + ملح ) ثم يقلي

بالزيت نص قلي ويترك .

[ندعوك للتسجيل في المنتدى أو التعريف بنفسك لمعاينة هذه الصورة]

يوضع البصل المفروم بالقدر على النار ويقلب مع رشه بالماء قليلا حتى يلين

ثم يضاف الزيت ويحمر البصل .

[ندعوك للتسجيل في المنتدى أو التعريف بنفسك لمعاينة هذه الصورة]

يضاف الثوم والطماطم وتترك حتى تلين

[ندعوك للتسجيل في المنتدى أو التعريف بنفسك لمعاينة هذه الصورة]

يضاف اللومي والكزبره + رشه بهارات + هيل ودارسين مطحون

[ندعوك للتسجيل في المنتدى أو التعريف بنفسك لمعاينة هذه الصورة]

يضاف السمك ثم الماء المغلي بحيث يغطي السمك فقط

[ندعوك للتسجيل في المنتدى أو التعريف بنفسك لمعاينة هذه الصورة]

يترك ليغلي ويعدل الملح

[ندعوك للتسجيل في المنتدى أو التعريف بنفسك لمعاينة هذه الصورة]

يضاف الرز ويقلب برفق ويراعى ان يكون الماء 1 سم فوق الرز يترك حتى

يغلي 5 دقائق

[ندعوك للتسجيل في المنتدى أو التعريف بنفسك لمعاينة هذه الصورة]

يتشرب الماء يوضع على نار هادئه ممكن تضيفى زبدة وممكن لأ وبالهنا والشفا

ا

ــــــــــــــــــــــــــــــــــــــــــــــــــــــــــ

أى نوع من انواع المصطلحات المش مفهومة فى المقادير هتلاقيها عند العطار

اكتبوها فى ورقه وهاتوها مش هتغلبوا يعنى

مع تحيات الشيف (حنــــــــــــــــــــــــــــين) هيصة

[ندعوك للتسجيل في المنتدى أو التعريف بنفسك لمعاينة هذه الصورة]

والله يا اخت حنين انا ما لحقت اشوف حاجه

لان الاجازة كانت قصير جدا

وعلى العموم المرء على دين خليله

وشكرا للرد وتعبناك معانا

بــــــــــسم الله الرحمن الرحيم

ــــــــــــــــــــــــــــــــــــــــــــــــــــــــــــــــــــــــــــــــــــ

أكلة اليوم:

(صينية البطاطس بالفراخ فى الفرن)

الاكلة دى يا جماعة أسهل أكلة ممكن اى حد يعملها بسيطة جدا جدا جدا

نشوف مقاديرها مع بعض بقى:

1- فرخة عادى جدا وتقطعوها اربع او 8 قطع زى ما تحبوا

2 - بصلة كبيرة متقطعة حتت صغيرة

3 - اربع حبات بطاطس او اكتر او اقل حسب الحاجة يعنى

4- معلقتين عصير ليمون

5 - بهارات بقى زى ما تحوب افلفل اسمر شطة حمرا حبهان كمون اى حاجة تحبوها

مننساش الملح ويا سلام بقى لو ضيفتوا ليها زعتر بجد وصايه يعنى

6- طماطم متقطعة شرايح وفلفل اخضر متقطع شرايح برضه وبصل شرايح

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الطريقة :

1- شوفو يا جماعة بكل بساطة ويسر نخلط كل من البصل المفروم واللمون والبهارات مع

بعضها كويس ونجيب الفراخ المتقطعة وهى لسه نيه ونقلبها عليها ودى اسمها التتبيله بتاعة الفراخ

نسيب الفراح فى التتبيلة دى لمدة ساعة كويس؟؟

3 - بعد الساعة نولع على الفراخ المتبلة دى فى كوبيتين ميه تاخد نص سوا على النار نص سواااااااا

2- بعد كده نجيب صينية تكون بنظرنا احنا تستوعب المقادير دى لا كبيرة ولا صغيرة

ونحط فى ارضيتها نقطة زيت درة ونرص فيها شرايح الطماطم والفلفل والبطاطس وفوقهم كده

الفراخ اللى اخدت نص سوا ونجيب المرقة اللى احنا سوينا فيها الفراخ نحط منها على الفراخ

والبطاطس فى الصينية ونحطها فى الفرن على درجة حرارة متوسطة لغاية ما البطاطس

تستوى فى الوقت نفسه تكون الفراخ أخدت وش أحمر كده بشكلها النهائى

[ندعوك للتسجيل في المنتدى أو التعريف بنفسك لمعاينة هذه الصورة]

وبالهنا والشفا............

ـــــــــــــــــــــــــــــــــــــــــــــــــــ

طبعا الاكلة دى بسيطة وسلسه جدا وممكن نقدم معاها رز أبيض يا جماعة بتبقى هايلة

أو تتاكل بالعيش أى حاجة يعنى زى ما نحب

جربوا بقى وإدعولى مبسوط

هشام السيد احمد احمد كتب:: والله يا اخت حنين انا ما لحقت اشوف حاجه

لان الاجازة كانت قصير جدا

وعلى العموم المرء على دين خليله

وشكرا للرد وتعبناك معانا

هههههههههههه تعبكم راحة وعلى فكرة متقلقش دى هى ممتازة ممتازة ممتازة

والحياة مشاركة برضه يا استاذ هشام متنساش دى مبسوط

ربنا يارب يوفقكم ويسعدكم

طيب انتى شطره فى المطبخ عايزين حاجه مختلفه اكله
مش تقليديه كده وتورينا شطرتك بقى
انا بعرف اعمل صينية البطاطس دى بجد
بعرف
عايزين حاجه مختلفه

مبحبش الفراخ اصلا

مش باكلها غير لما اكون جعانه ومفيش غيرها مضطره يعني

عايزه مربة جزر

خدي بالك انه انا بتحايل عليكي من امبارح

وكده صوتي ابتدي يعلي وده مش كويس في المطبخ بتاعك علي فكره

وبعدين ياحنين الجزر كله فايده

فيه فيتامينات ومضاد للاكسده يعني بيساعد جهاز المناعه وانتي فاهماني بقي

ده غير انه فيه صبغه طبيعيه بتصبغ الجلد بلون برونزي رائع

يعني الناس اللي بتشربه كعصير علي الريق الصبح بيبقي لونها برونزي طبيعي من غير ماتروح تتحرق في الشمس

والجميل اللي فيه انك بعد ماتبطليه باسبوعين بترجعي للونك الطبيعي

يعني مش بيستهبل زي الملانين اللي لما بيعلي مش بنعرف نزله تاني

وبعدين لو عملتي مربة الجزر هاقولك علي عشرين فايده للجزر

بس لو طلعت وحشه انسي

أحمد عبدالعزيز كتب:: ياريت ياجماعة حد يفيدنا فى المولوخية الناشفة

الطشة قبل وضع الملوخية فى الشربة ولا بعدها أنا عملتها اربع مرات وكل مرة متبقاش حلوة واخذ تريقه من العيال هنا للركب

عايزين طريقة سهلة وبسيطة الله يكرمكم

وشكراً للموضوع المسبّك ده

ههههههههههههههههههههههههههههههه

والله ياهندسة أنا لما قرات ردك قعدت اضحك هستيري.

الأكل نفس ويجعله عامر

مسلم كتب /

ههههههههههههههههههههههههههههههه

والله ياهندسة أنا لما قرات ردك قعدت اضحك هستيري.

الأكل نفس ويجعله عامر

*********

أضحك أضحك ماشي

اصلك بتروح تلاقي الأكل جاهز

مش على بالك

صبرك لما أرجعلك

وحشتني ياأبو علام

******

نعتذر لإدارة المطبخ ولكن وجب الرد على حبيبي أبو علام حتى يعلم بما أعاني

دمتم بخير

ياريت صاحبة الوصفات الرائعة تشوف لينا طريقة لعمل المحاشى خاصة ( الكرنب)

وصفاتك رائعة ولكن احنا بنعرف نعملها ومش لازم الجودة 100%

الباشمهندس احمد دكتوراه فخرية فى عمل صنية البطاطس وهذه شهادة حق لكثرة التكرار

لكن كيفية عمل المحاشى دا الصعب علينا وشكرا

مقالة :

الباشمهندس احمد دكتوراه فخرية فى عمل صنية البطاطس وهذه شهادة حق لكثرة التكرار

*********

مبسوط

وهذه شهادة حق لكثرة التكرار مبسوط

لكثرة التكرار كركر

لكثرة التكرار

*********

ياجماعة بصراحة كلام هشام مظبووط

أنا ملك صينية البطاطس ولا فخر ولاطعم ولا ريحة ههههههههه

كركر

اقتباس :: أنا ملك صينية البطاطس ولا فخر ولاطعم ولا ريحة ههههههههه

ههههههههههه شكل الشيف مهندس /أحمد هو اللى متولى الطبخ عندكم بره يا استاذ هشام

يا بختكم بقى مبسوط

بخصوص المحشى ده اسهل حاااااااااااااااااااااجة والله

شويه بصل نخرطهم حتت صغيرة وبلغة ستات البيوت مسمسمه ونحط معلقتين سمنة وشويه زيت

ذرة ونحمر البصل لما يبقى لونه اصفر نحط الطماطم المضروبة فى الخلاط طبعا ونسيبها تتسبك

ونظبط ملحها تتسبك بمعنى انها تستوى اوى اوى اوى طيب اعرف منين انها

اتسبكت يا حنين؟؟؟؟؟

*ببساطة اولا هتاخد اكتر من ربع ساعة وهتلاقى ان السمنة والزيت بعد ما الأوطه تتسبك بقوا

منفصلين كده عن الطماطم وتلاقى الطماطم بدأت تلزق فى ارضية الحاجة اللى انت بتسبك فيها

وعلى فكرة لو الطماطم متسبكتش كويس مش هيبقى محشى إطلاقا وله هيبقى ليه طعم

2- بعد ما الطماطم اتسبكت والملح بتاعها اتظبط نحطك الرز ونقلب 3 اربع مرات كده

ونزل الخلطة دى من على النار ونحط عليها شبت وبقدونس مقطع ومسمسم مبسوط

وفلفل اسمر

مدقوق وشطة حمرا لو بتحبوها واى بهارات ونقلب وبكده الخلطة وهى اهم شىء فى المحشى

خلت والدور والباقى بقى على لف المحشى مبسوط

طبعا بتكونوا سالقين الكرنب ومقطعينه ومنسيبش الكرنب فى المية اللى بتغلى اكتر من خمس

دقايق يا اما هيتهرى ويبوظ مننا

ونحشى بقى عادى ونرص فى حلة وعلشان تسوى تضيف شوربه على المحشى وتخليها فوق

المحشى ب 2 سم بالظبط ولو عاز بعد كده ممكن نحطله تانى عادى

ومسألة الاتنين سم سهلة لان الباشمهندس اللى بيطبخ بقى صح

جربوا وادعولى بقى ههههههههههههه

Anaheed كتب:: مبحبش الفراخ اصلا

مش باكلها غير لما اكون جعانه ومفيش غيرها مضطره يعني

عايزه مربة جزر

خدي بالك انه انا بتحايل عليكي من امبارح

وكده صوتي ابتدي يعلي وده مش كويس في المطبخ بتاعك علي فكره

وبعدين ياحنين الجزر كله فايده

فيه فيتامينات ومضاد للاكسده يعني بيساعد جهاز المناعه وانتي فاهماني بقي

ده غير انه فيه صبغه طبيعيه بتصبغ الجلد بلون برونزي رائع

يعني الناس اللي بتشربه كعصير علي الريق الصبح بيبقي لونها برونزي طبيعي من غير ماتروح تتحرق في الشمس

والجميل اللي فيه انك بعد ماتبطليه باسبوعين بترجعي للونك الطبيعي

يعني مش بيستهبل زي الملانين اللي لما بيعلي مش بنعرف نزله تاني

وبعدين لو عملتي مربة الجزر هاقولك علي عشرين فايده للجزر

بس لو طلعت وحشه انسي

من عنيا يا اناهيد والله انت تؤمرى وانا انفذ بس

بس اخد نفسى بس من المحشى بتاع استاذ هشام

معلش بقى خطيب صاحبيتى وانتى عارفه بقى مبسوط

من الآخر اللي عايز محشي ينزل مصر

هيصة

على فكرة الكرنب هنا غير متداول دولياً

ونعرفه هنا بالملفوف

وأخيراً هيه صينية بطاطس فى الفرن

كل حاجة تتقطع وكله مع بعضه وادخل الفرن وبالهنا والشفا

كركر

اللي عاجبه عاجبه

وبعدين موضوع مطبخ حنين ده شكله جه على دماغي

:رلا*رف: :رلا*رف: :رلا*رف: :رلا*رف: :رلا*رف:

أنا هعترض عن البث المباشر للبرنامج ده

انا احتج

ههههههههههههه مش نافع التعسف ده يا باشمهندس

لو سمحت اعملهم اللى ما عاوزينه بقى

اعملهم محشى وكل حاجة ولو مش كرنب علشان متعرفوش تلفوا الكرنب

خلوها بندجان او كوسة او فلفل سهل واسمه محشى برضه هيصة

ممكن اطلب من الشيف حنين طلب صغير

طبعا ممكن مبسوط

ممكن طريقة عمل البيتزا لو امكن:*فلحر-:

توبيكـ جنان

كركر

ايه الجماااااااااااااااااااااااااال ده ( الشيف حنين) لا شغل جامد جداااااااااااااااااااااااا مبروك على الوظيفة الجديدة يا حنين والله بجد موضوع حلو تسلم افكارك وايديكى وارفعى شعااااااااار المطبخ للجميع مبسوط

شعار ممتاز هتشجعى ناس كتير تدخل المطبخ من البنات والشباب مش عيب يا شباب والله دخول المطبخ وبعدين المطبخ ده هوايتى بجد ولو احتجتى اى مساعة احنا فى الخدمة برده ؟؟؟؟؟؟؟ مع انى عارفة انك شيف ممتاز ده انتى عايشة فى المطبخ على طول ؟
تصدقى جوعت ؟؟؟؟؟؟؟يلا اتحفينا باكلة جديدة من بتوعك وتقبلى مرورى :*فلحر-:

منورة المطبخ يا ست جيلانا وكفاره يا ستى من الامتحانات

وإيه رأيك تبقى المساعدة بتاعتى بقى مبسوط

عايزين مسقعه إن أمكن . .

مسقة؟؟؟؟؟؟؟

أمممممممممم

حاضر إن شاء الله يا استاذ محمد نعملها....... بس كده ؟؟

انتوا تؤمروا

الاول أناهيد اللى طالبة مربى الجزر من زمااااااااااان

شوفى يا اناهيد خاصة فى موضوع المربى ده تلاقى روايات كثيرة وكثيرة

لكن هقولك حاجة يا ستى

1- انتى تجيى الجزر عادى جدا تغسلية كويس اوى اوى

وتقشريه بس مش تقشريه زى البطاطس لا ده حكة بسيطة كده وخلاص المهم تقومى مقطعاه

حتت صغيرة طويلة بس تبقى تخينة شويه مش رقيقة

2-وتجيبى سكر العادى بتاعنا الخشن ده وهاتيه سكر الاسرة علشان نضيف ههههههه (اعلان)

3- وتقومى جايبة طبق بلاستيك او حله بلاستيك تستوعب كم الجزر

وتحطى طبقة جزر وطبقة سكر كافية كتير يعنى وطبقة جزر وطبقة سكر وهكذا بالتبادل وتسبيها

12 ساعة يعنى لو من بليل تسبيها للصبح وعلى فكرة فيه ناس بتضيف قشرايه واحدة

بتاع يوستفندى لو عاوزة يعنى

4-المهم بعد 12 ساعة تقومى جايبة حلة كويسة كده تحطة فيها كل الحاجات دى وفقهم

كوبياية مية وتحطيهم على النار مع بعض بس تكونى مهدية النار لغاية ما السكر يدوب مع الجزر

وبعدين تعلى عادى وتخليها متوسطة كده لغااااااااااااااية ما يستوى الجزر ويبقى لزج وسائل

قد نص ساعة كده مع التقليب المستمر وتقومى زى الشاطرة كده ضايفه لهم عصير لمون

بس مش كتير ليمونه واحدة كبيرة بس وتبيسهم تانى يغلوا وتنزليها لغاية لما تبرد حطيها فى

برطمانات زجاج نظيفة ودمتم

جربى وادعيلى ...........

نسيتى ملح الليمون ..مادة حافظه ..

ياااااااااااه ده شرف ليه يا حضرة الشيف انى اكون المساعدة بتاعتك هيصة

على فكرة يا استاذ احمد هى منسيتش ملح اليمون لان هى وضعت ليمون مادة حافظة

M7meD A EsLaM كتب:

عايزين مسقعه إن أمكن . .

بص يا محمد أنا هقولك طريقة مسقة انا هجربها معاك يوم السبت إن شاء الله

شوفتها فى التلفزيون وعجبتنى جدااااااااا هى مسقة باللحمة المفرومة والباشميل ...اه الباشميل

1- اول حاجة نجيب بندجان اسود مكعبر ونقطعة شرايح مدورة ومعاه بطاطس ونقطعها شرايح دائرية برضه

ونحط البندجان فى مصفة عليه شويه ملح ابيض قيمة ربع ساعة علشان لما نيجى نقليه ميشربش زيت

وكمان نحط البطاطس فى مية بالملح هى كمان بعد كده نقليهم ويبقى كده قلينا البطاطس والبندجان

وعندك الباشميل طبعا جاهز لو عاوز طريقته هى هنا فى الصفحة رقم واحد وعندك اللحمة متعصجة هى كمان

كل اللى عليك

2- تجيب الصينية بتاعتك تدهنها زيت درة وترص فيها اول طبقة بندجان وبطاطس فوق بعض

وبعدين تنزل باللحمة المفرومة عليهم وبعدين تحط طبقة تانية من البطاطس والبندجان وبعدين تنزل بالباشميل

تحطها فى النار تلت ساعة لغاية ما وشها يحمر وتبقى مكسوفه ههههههههه وتطلعها

انا عن نفسى ان شاء الله هجربها يوم السبت ووالله انا متوقعة طعمها من دلوقتى لا يقااااااااااااااااااااااااااوم

جرب وادعيلى ............

ويجرب هو ليه
طيب ما انتى هتعمليها
واحنا نعتبر نفسنا معزومين
ايه البخل ده

ان شاء الله بعد الامتحانات بقي ياحنين

بس انتي متخيله انه هاسيب الجزر كده قدام عنيا 12 ساعه مقربلهوش

ع الصبح ياحبيبتي هايكون اتنسف

ممكن اسيبه وابات برا البيت

بس اللي جوا البيت هايكلوه مبسوط

بجد شكرا ياحنين

وان شاء الله هاجربها

واقولك ع النتايج بيني وبينك مبسوط

» مطبخ المنتدى....
» ادوات مطبخ على الزيرو
» لما دا مطبخ تبقى الشقه ايه ..*_*
» ديكور مطبخ هايل
» اطقم مطبخ ثرايات