صرخات ساخرة (6) معيد بكلية الهندسة ..!

تذكير بمساهمة فاتح الموضوع :

.





اعرفكم بنفسي / خالد معيد بكلية الهندسة ميهمنيش جامعة إيه .. يهمنى الإنسان .. ولو ملوش عنوان .. ايه الهبل اللى انا بقوله ده ؟! اااه معلش يا اخوانا اعذرونى أصلى انا بعيش الدور وبلخبط الكلام على الأغانى .. هبل بعيد عنكم .. هههه

المهم .. كــ يوم روتينى وصلت الكلية بعد رحلة شيقة فى زحمة المواصلات .. وطوال الطريق أحلم ببطل الفيلم الأجنبى الذى شاهدته سهرة أمس وهو يرتدى البالطوو الأسود (كان شيك قوى عليه.. هشترى واحد زيه) بس امتى ؟؟ مش عارف ..
وكام حلم كده جاء فى بالى .. مطولش عليكم عارف انى رغاى قوى .. دخلت مكتب سكرتارية القسم .. وهكذا الإجراء الروتينى ..

سلام عليكم يا عم ابراهيم .. صباح الخير يا مدام سوسن .. ومش عارف ليه بحس انها بترد عليا السلام من تحت الضرس وكانها بتقول فى سرها (انت شرفت يا بيه ؟؟!!) وطبعا مبقولهاش سلام عليكم لانها مبتعرفش ترد السلام غير بـــ صباح الخير .. والله انا أحمد ربنا فى ناس تانية تقولك الله يعافيك يا اخويا .. وناس تانية تقولك العافية تلبس بدنك يا حبيبى .. مش عارف هتلبس بدنه ازاى ؟؟ ما علينا .. انا برغى كتير ليه ..؟

المهم فتحت الشنطة (السامسونايت) دى ماركة عالمية مضروبة –صنع فى الصين- وأخرجت أدواتى لاستعدادى لشرح المحاضرة .. يوووووووووه .. كل مرة أنسي أسلم على د/ عبد الحميد .. رحت بسرعة أسلم عليه .. قابلنى عم سلمونى وهو ينظر لى بدقة بعيناه التى تحدق بي خلف نظارته الـ "القعر كباية" ويبتسم لى على غير العادة ..

إزيك يا عم سلومة .. أهلا ازيك يا باشمهندس أخبارك ايه ؟؟ متنساش تنزل الخزنة بسرعة للـ "حاج صابر" علشان يديك فلوسك .. وباستغراب شديد منى قلت : فلوس ايه يا عم سلمونى ؟؟ قال لى : مش عارف .. ممكن تكون مكافأة المراقبة بتاعت الترم الأول .. وهنا بدأت الأحلام تهرول إلى ذهنى .. يااااااااااااااااااه .. يا فرج الله .. ده ايه الصباح الحلو ده .. هجيب البالطوو اللى نفسي فيه .. شكله بـ 600 جنيه .. مش مهم ولو حتى بألف جنيه هجيبه .. اممممممم .. طيب والشقة اللى بجهزها علشان الجواز .. لالالالا الجزمة خلاص كفرت وعاوزة تتغير ورجلى اشتكت منها .. طيب هم يطلعوا كام ؟؟
ما دام مكافأة يبقى اكيد كتييييييييييير .. أحمدك يارب

طبعا كل هذه الأحلام بينى وبين نفسي .. وتظاهرت أمام عم سلمونى بعدم الاهتمام للمكافأة .. وقلت له : بعد ما اخلص المحاضرة ابقى أنزل ..
قاطعنى / لازم تنزل دلوقتى علشان صابر يقفل الحساب .. وما إن قال لى ذلك .. رأيتنى اطير على درج السلم طيرا .. نزلت الخزنة .. صباح الفل يا عم صابر .. صباح الورد يا باشمهندس ..

عم سلمونى قابلنى وقالى أنزلك علشــ..........
أيوه أيوه .. هكذا رد على عم صابر بمعنى (فهمت خلاص مترغيش كتير)
اخرج بسرعة كشف النقدية .. وظل يبحث عن اسمى حتى وجده .. وأشار بالقلم تجاه اسمى .. م/ خالد امضى هنا .. أمسكت الورقة .. وبطرف عينى دون أن يلمحنى عم صابر .. نظرت إلى خانة النقود وإذا بى بالصدمة والطامة الصغرى .. (75.5 جنية) ..

خمسة وسبعين ؟؟؟؟؟؟؟؟؟ بس !!!!!!!!!!!! ..

لالالالالالالا ونص لو سمحت .. ااااه كده كويس النص جنيه قبل الخمسة وسبعين ..

أحسست بصداع فى الرأس وفقدان لحظى للذاكرة .. تبخرت خلالها كل أحلامى .. حتى البالطوو اتحرق .. واحمر وجهى واصفر وجاب ألوان الطيف .. وقعت بمكان الاستلام .. مد ا/ صابر يده فى الدرج وعد بعض النقود .. ووضعهم على البار الذى امامى .. أمسكت النقود أعدها .. واحد .. اتنين .. تلاتة ................ سبعة !!

ا/ صابر .. دول سبعة جنية .. ؟؟

رد ا/ صابر : لا .. دول سبعة جنيه و(خمسة وخمسين قرش)

ياااااااااللصدمات .. فى لحظة تنتقل العلامة العشرية (75.5) إلى ما بين الخمسة والسبعة (7.55) .. فضلت التفت يمين وشمال .. مصيبة ليكون حد شايفنى ..

بتوع ايه دول يا عم صابر (ع اللى بيجرالى) .. دول فروق مراقبة .. أخذت النقود فى صمت ووضعتها فى جيبى .. ورجعت إلى البيت وكلى إحباط ويأس وأثناء الطريق كلما تذكرت أضحك وحدى (فشر البلية ما يضحك) .. والناس تبصلى .. ايه الاهبل ده ؟؟


أحسن لك تنسى اللى انا قلته .. أحسن تتعب .. وعن قريب سأبيع الــ (7.55) جنيه فى مزاد علنى مع التحف .. حد يشترى ؟؟







.

مش عارف عمرو امام عايز ايه مننا

دا بيتريق علينا عشان الناس تعرف احنا بنقبض كام هههههه

بس انا فعلا محتار المعيدين حاجة هاي او هكذا يبدو

عربيات وبدل وجايبين جواكت احلى من بتاع الحلم

انا محتار ما بين كلامك وكلام احمد عبدالمجيد

بس انت مركز على الماديات ليه يعني هههه

البلد خربانه من كل حته ههههههه

والله انت بضحكنا وتبكينا وكلامك كله حلو

تقبل مروري أخي / عمرو امام

أحمد عبدالعزيز كتب:

مش عارف عمرو امام عايز ايه مننا

دا بيتريق علينا عشان الناس تعرف احنا بنقبض كام هههههه

بس انا فعلا محتار المعيدين حاجة هاي او هكذا يبدو

عربيات وبدل وجايبين جواكت احلى من بتاع الحلم

انا محتار ما بين كلامك وكلام احمد عبدالمجيد

بس انت مركز على الماديات ليه يعني هههه

البلد خربانه من كل حته ههههههه

والله انت بضحكنا وتبكينا وكلامك كله حلو

تقبل مروري أخي / عمرو امام

هو انا ورايا غيركم ههههههههههههه ؟؟

مش هخليك تحتار

الكلام ده كلام واحد زميلى وكان معيد فعلا واشتغل دلوقتى فى الشركة وربنا فتح عليه ومبقاش يعبرنا ههههههههههه

واحنا بجد اتعلمنا الكلام الحلو منك انت وم/احمد فتحى .. انتم كلامكم عسل والله العظيم

والمرة الجاية ان شاء الله هتبقى حاجة كلها ضحك ومفيش فيها مواجع [ندعوك للتسجيل في المنتدى أو التعريف بنفسك لمعاينة هذه الصورة]

مروركم عسل