مشروع جديد لشباب العمار بالتعاون مع الجمعية الخيرية والشرعية

تذكير بمساهمة فاتح الموضوع :

اخواني واخواتي كل عام وانتم بخير جميعا

اراكم مشتاقين لعمل الخير

اراكم مشتاقين لرمضان وانا معكم في اشد الاشتياق الي هذا الشهر الكريم

احبائي واخوتي واخواتي اتي شهر الخير وفيه يكثر الخير بايديكم

لذا

اتانا مشروع جديد في منتهي الجمال والروعة انه ليس بجديد ولكن مفيد جدا

وهو جمع الملابس المستعملة القابلة الي الاستعمال مرة اخري وكل ما عليك

ان تجهز تلك الملابس علي ان تكون بحالة يستطيع غيرك استخدامها عليها

وعلي اعضاء الجمعية جمع تلك الملابس وفي العشرة يام الاواخر في شهر رمضان

يكون المعرض وبسعر زهيد لاخواننا الذين في حوجهة الي ذلك

انها لمسة حب حقيقية ورمز جديد من رموز الوفاء والالفة بين ابناء العمار

كن مشاركا ولو بوجودك كل هذا في ظل الشرعية وسيشرف عليه

اعضاء الجمعية الشرعية وشباب منتدي شباب العمار

ودمتم احبة واخوة

وكل عام وانتم بخير ورمضان كريم

صح يا أستاذتنا

بس احنا بس هنحتاجكم معانا فى كام موضوع كده لاننا مش هينفع نقوم بيه

محتاجينكم معانا يوم المسابقة فى مصلى النساء تمام

وكذلك فى معرض الملابس القسم النسائى انما احنا منقدرش ننكر أدواركم وبالفعل صدقتى المفروض يكون فيه سرية وبارك الله فيكم وفى أعمالكم ورزقكم الله الاخلاص

إحنا كلامنا هنا في حد ذاته خير يأخت طير

لما نتكلم علشان نجتمع كلنا علي الخير يبقي ده إسمه أيه ؟

انا بتكلم علشان ألاقي اللي يساعدني ويقف جنبي وبدل ما أعمل حاجة وتكون بسيطة

نعمل حاجة كبيرة يبقي ده خير ولا مش خير

لما ألاقي غيري بيتكلم وأقف جنبه ونبقي أيد واحدة كلنا في عمل الخير يبقي ده خير ولا مش خير

ياخت طير كلامنا هو عين الخير

لكن إنتم لو فعلا بتعملوا في السر وده طبعا أكيد هيكون عمل فردي يعني ممكن إنتِ لكن هل غيرك بتعمل ؟

مش ممكن هتقدروا تعملوا حاجة تفيد البلد كلها أو علي الأقل شريحة كبيرة من الناس

فلو فعلا بتعملوا حاجة إعرضوها هنا خلي باقي البنات تشترك معاكم فيها وإحنا كمان ممكن نساعد

لان في تجمعنا ده في قوة للعمل ودعم كبير للفكرة وللتنفيذ

ولا تنسوا .. يد الله مع الجماعة

اقتباس :: محتاجينكم معانا يوم المسابقة فى مصلى النساء تمام

إن شاء الله اطمئنوا بخصوص هذا الشأن تماااااااااااااااااااااااما

وإن شاء الله برضه أى مساعدة أخرى إحنا موجودين وقدها بإذن الله

وكلام طير هو اللى كنت هقوله وفيه كلام كتير عاوزة اقوله بس هختصر

وربنا يوفق الجميع ويرفع شأننا جميعا

(إيدك منهم والأرض)ــــــــــــــــــ>؟؟؟؟؟؟؟؟؟

عامة إحنا مسامحين برضه........

وردا على باشمهندس باهر : أيوه احنا موجوين يا باشمهندس

وان شاء الله لو وكل إلينا أى عمل هنقوم بيه وربنا اللى بيساعد الكل

وربنا يتقبل وكل سنة وانتم طيبين

اقتباس :: عامة إحنا مسامحين برضه........

ياريت متسمحوش والله متسمحوا بس أتمني تثبتوا إني غلطان

وميبقاش كلام زي موضوع إدخل الجنة بـ 30 جنيه

نص بنات المنتدي بعتوا علي الخاص وقالوا إحنا معاكم

والله فات بدل الشهر 4 ومشفناش أي مشاركة ولو بربع جنيه مخروم .. مش عايزين نتكلم

ومعظم المشاريع الموجودة حاليا تناسبكم أنتم لإنها متشكلشي ليكم أي إحراج

يعني مثلا حاجة زي توزيع الواجبات الجاهزة أو شنطة رمضان إحنا بنشيلها في شنط أولا بتتبهدل من النقل من شنطة

لشنطة لإن الشنط بنغيرها طول ما أحنا ماشيين لإنها بتتقطع والحاجة بتتبهدل فضلا عن إنها بتلفت النظر جدا

لكن إنتوا تقدروا تشيلوها كويس وتوصولها بدون متتبهدل أو تعمل لفت للأنظار وبدون إحراج كمان

لإننا بنتعامل مع سيدات مش مع رجالة

لكن إنتوا فين ؟؟؟؟؟؟؟ بتتكلموا بس مش كدا

فياريت متسمحيش لكن قولي مرة وصلوا الكراتين في مكان معين وإحنا هنوزعها بمعرفتنا

وكمان الأخ عمرو امام لما سألته علي كمية الملابس اللي إتجمعت عنده اللي هفترض إن ممكن

تكونوا شاركتوا في تجميعها ولو إني مظنش .. لقيتها والله نص الكمية اللي واحد فينا جمعها

فيارت الكلام اللي ملوش معني نبطل نقوله ونعمل حاجة مفيدة أحسن أو الأفضل منتكلمشي خاااالص

وعموما العمل موجود قدامكم ومدوا إنتوا بس إيدكم

وإن كان علي الإختلاط في العمل قولوا بس هتبقوا مستعدين إمتي وإحنا والله مهنصدق مش هتشوفوا وشنا

علي الأقل نلتفت لحاجة تانية بدل ماأحنا بنأجل حاجة بعد حاجة

وعموما أنا اتحداكي إنك تعملي حاجة أو تلاقي حد معاكي أصلا ممكن يشارك

والله الكلام ده مش بقوله دفع ليكم لكن بقولها حزن علي قلة الحيلة والتشتت اللي إنتوا فيه

وياريت محدش يزعل من كلامي ده رأي وبقوله بمنتهي الصراحة

وذي مقلتلك يد الله مع الجماعة

وإنتوا من ناحية الجماعية دي بمنتهي الصراحة صفر علي الشمال

ورمضان كريم

زائر

يا أ/أحمد

مش شرط الفلوس اللى تتلم تروح الجمعية

ولا شرط الملابس اللى بتتجمع تروح فى مكان محدد

الفكرة هى ( فعل الخير ) أو على أقل تقدير ( نية الخير )

والمنتدى فكرته ( نشر فكرة الخير )

تقف خطواتنا عند هذا الحد

وكما قيل من الإخوة أن الموضوع فيه جانب من السرية بين العبد وربه

وهو أعلى مراتب الخير

أحبنا الله فى الخير

بسم الله......

حقيقة انا مش عارفه اقول ايه ولكن الموضوع ببساطة المفروض يتاخد بنوع من الهدوء عن كده

احنا مش فى حرب وبما انى اتعلمت ان وراء كل سلوك نية موجبة

فعتبر رد استاذ احمد منصور كده ومش هزعل ولا حاجة لسبب واحد انه نيته سليمة جدا

ـــــــــــــــــــــــــــــــــــــــــــــــــ

تعالوا بقى نتكلم حاجة حاجة :

بخصوص موضوع الوجبات محدش يعرف هنا فى المنتدى كبنات عنه حاجة

غير اللى يعرف بالصدفة وانا مثلا اعرف لان اخويا مشترك فى الموضوع ده فعرفت

لكن هل انت جيتم عملتم موضوع قلتم يا بنات احنا عاوزينكم تساعدونا وتختاروا مكان

نوديلكم فيه الحاجة توزعوها ؟؟؟؟؟؟؟؟؟؟؟؟؟؟؟؟

محصلش ان حد قال كده

وعلشان بس اثبت حسن نيتى اسأل احمد السيد انا قولتله إيه اول يوم حصل فيه موضوع

الوجبات ده قلتله بالنص ( أحمد آجى معاك)؟؟ قالى لأ لو عوزتك هتصلك بيكى

ومتصلش ومع ذلك ساعت كتير بييجى البيت بشنط واحنا بنوزعها الحمد لله

وقسما بالله احنا مستنيين كلمة منكم تقولوا تعالوا اعملوا حاجة

وكانت لسه الطير الباكى عندى بتقولى هما مش عاوزين مننا حاجة خالص ؟

قولتلها والله ما أعرف بس طالما مبيطلبوش يبقى عندهم اكتفاء وادينا على كلمة لو احتاجونا احنا معاهم

ومع ذلك يا أستاذ أحمد وعلشان انت بتقول اتحداكى تعملى حاجة وبتهاجم نيتى

وربى أعلم بيها فأحنا على أتم إستعداد بتحمل اى حاجة وأنا دايما أقول أحنا أكثر صبراً

وتحمل منكم خاصة موضوع التوزيع ده وحاجات تانية كتير

ولو تحبوا تسيبوا موضوع الوجبات ده وتوزيعها والشنط علينا موافقين

وأى عمل بيأخركم عن عمل أهم منه قولوا اعلموه انتم ووقتها لو قصرنا حاسبونا

ربنا أعلم بنيتى وأعلم قد إييييييييييه عرضت المساعدة

وكمان بخصوص موضوع المسابقة برضه احمد السيد قالى على موضوع تنظيم السيدات

قولتله شيلوه من دماغكم خالص ومتقلقوش كل خير هيحصل

إحنا بنحب عمل الخير جدا يا أستاذ أحمد وبنتمنى حد يقولنا تعالوا

بس انتم جربوا كده وبدل ما نرمى اتهامات على بعض وانتوا تقولوا مبنعملش حاجة واحنا

نقول انتم مقلتوش ادخل حضرتك دلوقتى قول طيب يا حنين عليكم

كذا وكذا وكذا فى نقاط واضحة ووقتها هتشوف إحنا إيدك مننا والارض ولا هنبقى يد قوية

وبرضه مع شدة الاسلوب إلا إن الهدف أنبل من إننا نزعل منه

وبحييك على غضبك لعمل الخير والله

وجزاكم الله خيراً

منتظرين ما يوكل إلينا من أعمال..........

خير إن شاء الله وربنا يعينكم إنهاردة وبكرة في موضع الملابس

وربنا يكرمك يأخت حنين ويقويكي علي اللي جاي لإنه هيبقي أصعب

والمشكلة إن أنا شايفك حاليا إنتِ والطير الباكي فقط اللي عندهم الإستعداد ده

طيب الباقي فين .. بيكتفوا بالدخول والتجول في المنتدي فقط أغلبهن تحت ستار التخفي

لكن بدون أي مشاركة ولا تأثير

عموما ربنا يخلف الظن ونشوف صورة جماعة لبنات العمار لا تقل عن صورة شباب العمار

بل تكن أفضل إن شاء الله

لنتذكر كل من يحتاج منا يد العون

لنتذكر كل من يبات يأكل البرد في جسده من قلة حيلته

لنتذكر كل يتيم يحتاج الي ما نحن بصدده بعد فقد الغالي والعزيز

لنتذكر مدي كيان هذا الفعل عند رافع السماء بلا عمد

ولنقل لانفسنا ان الله قادر علي ان يغنيهم عن المسألة

ولكن جعل للناس مقدار من الحسنات متعلق علي مراعاة هؤلاء

لندع الكلام ولنقوم بما يرتضيه ضميرنا ويرضي الله عنا ويرضي رسوله

اللهم بارك في كل من ساهم ويساهم وسيساهم في تلك المشروعات

اقتباس :: اللهم بارك

وعلى الوزن ممكن نقول حاجه تانيه

للى مش ساهم ياعمنا ولا ايه رأيك

هههههههههههههههههههههه

اقتباس :: للى مش ساهم ياعمنا ولا ايه رأيك

وللي مساهمش يا عم احمد ولا يهمك

وبالاخص انا

أعانكم الله وأثابكم خير الجزاء
وعظم اجركم
وماتفعلونه هو بالفعل ما اراه فى مدينة الرسول الكريم سيدنا محمد صلى الله عليه وسلم
من خيرات ومساعدات توزع فى كل مكان بمدينة الرسول وبغزاره
جزاكم الله خيرا

واود ان اطرح فكرة رايتها هنا بالمدينة ما ادري هى موجودة عندكم ام لا
وهل ممكن تنفيذها ام لا .. وهى
انى اري امام كل المساجد فى المدينة المنورة ...
كل مسجد بجوار بابه صندوق بطول الفرد من الحديد .
ومكتوب عليه التبرع بالملابس وله فتحة من اعلى ترفع ويوضع فيها الملابس ثم تنزل بعد الانتهاء
وتفتح فى هذه الايام وتوزع بواسطة جمعية خيرية مثل جمعيتكم وتوزع على
اشخاص واسر معلومة لدي الجمعية وكذلك بعض دور الرعاية الاجتماعية

واخيرا ادعوا الله لكم الثبات فى القول وعظيم الاجر فى العمل
وفقكم الله
ــــــــــــــــــــــــــــــــــــــــــــــــــــــــــــ
اخوكم احمد هلول من المدينة المنورة

جزاك الله جم الخير يا استاذ احمد

وسوف نضع مقترحك في الحسبان فاذا كان من المستطاع

تنفيذه كان وان لم نستطع فكفانا ما رأيته اليوم وما من شاب

الا ويقوم ب(كي او حياكة او تكييس او تطبيق ) والله الخير في امة محمد

رأيت الكرام يقومون في شهر كريم بعمل كريم لاهل بلد كرام

كرم الله اهلك يا عمار وبارك فيهم في الدنيا وجعلهم من سكان الفردوس الاعلي

وبارك الله في كل من ساهم ويساهم وسيساهم في كل خير للبلد

اللــه أكبر
والله صورة جميلة اللى بترسمها دى ياعم عمر
وباين فيها كل المشاركين
وان شاء الله هيكون محيط الصورة وبروازها الرحمة والمغفرة والعتق من النار
ومكانها هيكون فى الجنة بكل اللى طالعين فى الصورة دى ان شاء الله
ياريت الصورة دى تكبر وتوسع وتاخد كل المحبين للخير مثلكم

ــــــــــــــــــــــــــــــــــــــــــــــــــــــــــ
أخوكم احمد هلول من المدينة المنورة

زائر

ان شاء الله انا معاكم فى كل مشروع انتو اقترحتوه وانا اسفه انى انا رديت متاخر بس ياريت تعذرونى وتسمحونى بس اوعدكم بكل اللى ربنا يقدرنى عليه

اسفه مره تانيه على التاخير

إتأخرتى علينا أوووووووى ليه؟؟

بس إنتى نفسك دايما معانا والله

الطير الباكى قيلالى إمبارح إنك معانا قولتلها هى دى أم يوسف اللى انا أعرفها أصلا

وبالنسبة للشباب هما الجروب بتاعهم معرف إحنا بقى

(الطير الباكى - كنزى - ريتاج - anosha - حنين -وأخوات لينا مش من المنتدى )

بس بجد العمل الجماعى جميل جدا لكن الأجمل والأهم ربنا يتقبل مننا .......

اقتباس :: (الطير الباكى - كنزى - ريتاج - anosha - حنين -وأخوات لينا مش من المنتدى )

اللهم ارني فيكم يوما

تكونون فيه مائة او مائتين يا رب العالمين

ولكن مجتمعون علي الخير

جزاكم الله جم الخير

شاركونا الرأي في مقترحاتكم بخصوص معرض الملابس

لانه بأذن الله سوف يكون عما قريب

اللهم اجعل جمعنا هذا جمعا مرحوما واجعل تفرقنا من بعده تفرقا معصوما

زائر

انا عندى استفسارات كتير بخصوص معرض الملابس

بما ان مش كل الناس ملايكه ممكن ناس تستغل المعرض بمعنى ممكن جدا فرد واحد يشترى او ياخد كمايات كبيره زياده عن طاقته

فياريت تكونوا محددين عدد قطع للاسره الوحده
ولسه عندى استفسارات كتير

والله قولت المفيد ياستاذ عمر اللى كنت داخله اقوله

بجد احنه خلاص يعنى بننهى الحاجات ولسه معرفناش حاجه

واللى عرفنه انكم اختلفته وظهرت مشاكل ياريت تشركونا معااكم بحيث اللى انتم ممكن تكونه مش

شيفينه ممكن يكون له حل عندنا ويوضع سرة فى اضعف خلقه [ندعوك للتسجيل في المنتدى أو التعريف بنفسك لمعاينة هذه الصورة]

احنه لسه منعرفش ان كان المعرض هيتعمل معرض او احنه اللى هنوزع الحاجات ؟؟؟؟؟؟

ومشكله ان ممكن حد يجى لواحد تانى مننا فى فترة تانيه دة لو قسمنا نفسنا ورديات وياخد منه

بردة اناعندى حل بسيط ممكن يحل المشكله دى ويكون حتى فى محافظه على مشاعر الشباب

اللى هيبقوا فى سننا

احنه ممكن نخلى اللى يستلمه الملابس اولياء الامور يعنى ممكن الام او الاب ودة احسن

لانى مظنش بنوته كبيرة فى الجامعه او شاب يكون من سن الشبااب اللى بيوزعه ويمكن يكون

صحبهم او له كلام معاة او يعرفه وهيرضه يدخل ياخد لانى دى هيبقى فيها احراج وحساسيه لانى

معظم الحاجات للشباب يعنى راى ان اللى يستلم الحاجه لااما الام للاب وفى نفس الوقت

ممكن ناخد اسمهم وددة من البطاقه الشخصيه او العائليه ونكتب الاسماء ونسجلها بترتيب الحروف

الابجديه

عشان يبقى سهل اما واحد مننا يجيله حد منهم يعرف يطلع اسمه بسهوله ويعرف ان كان جه وخد

قبل كدا ولا لا واظن بكدة هتبقى اول مشكله انحلت ودى المشكله اللى عرفت انها وجهتكم

فياريت حد بقى يشارك معانا ويقولنا ايه اخر الاخبار ويقولنا عن المشاكل االى بتوجهكم

عشان نبقى معاكم يمكن نلاقى معاكم حل

وبالنسبه لقسم البنات متشلوش هم له نهائى باذن الله لانى احنه معندناش اى مشاكل خالص

واى مشكله مرتبين لها الحمد لله

فياريت تبلغونا اول باول بكل اللى بتعمله وبيتم عشان نقدر ننظم نفسنا معاكم وميظهرش اى مشاكل

لانى ممكن يكون قرار ليكم مفاجاة لينا ومنكنش مرتبن له خالص وتلغبطه كل اللى بنرتبه

فياريت تحافظوا على النقطه دى

اقتباس :: بس بجد العمل الجماعى جميل جدا لكن الأجمل والأهم ربنا يتقبل مننا .......

والله فعلا زي مبتقول الاخت حنين وجميل أوي إننا نلاقيكم تاني بعد مكنتم شاردين

معرفشي كنتم تايهين ولا أيه ؟؟ [ندعوك للتسجيل في المنتدى أو التعريف بنفسك لمعاينة هذه الصورة]

اقتباس :: انا عندى استفسارات كتير بخصوص معرض الملابس

والله يا جماعة إنتوا بتسألوا الأسئلة وبتجاوبوا عليها بنفس الإجابة اللي عندنا وكل كلمة الطير الباكي

كتبتها هي وصف دقيق للي هيحصل إن شاء الله حتي بدون هي متعرف إحنا هنعمل أيه لكن الفكر واحد

بإذن الله هيكون في دعوات هتتوزع من قِبل الجمعية الخيرية والجمعية الشرعية

لإننا حاليا بنعمل قاعدة بيانات شاملة وحصرية من خلال الأسماء المدرجة في الجمعيتين

وبإذن الله هيكون المعرض في أوله مغلق علي هذه الأسماء وطبعا في حد أقصي للشراء

اللي طبعا هو مش شراء بمعني شراء يعني هيكون سعر رمزي وإحتمال يكون بدون مقابل ..

لسة في كلام في النقطة البسيطة دي

المهم هتتوزع الملابس داخل المعرض حسب جودتها ونوعها وكلما زادت الجودة كلما قل الحد

الأقصي للشراء والعكس وطبعا الحد الأقصي لسة متحددشي لإن لحد اللحظة دي في ملابس لسة بتجيلنا

فإحنا منعرفشي الكمية كلها اللي هنبدأ بيها المعرض علشان نقدر نحدد من خلالها الحد الأقصي

وطبعا لسة في ملابس جديدة وأحذية هتيجي إن شاء الله فعلشان كدا لسة محددناش

المهم ياجماعة يكون عندكم ثقة إننا بنفكر بنفس الطريقة وطبعا لينا نفس الهدف

ومش معقول هنعمل نظام يحرج الناس بل بالعكس إن شاء الله هنعمل حاجة جميلة جدا

وعلي مستوي راقي جدا إن شاء الله

نيجي بقي لنقة الخلاف أو المشاكل اللي بتتكلم عنها الطير الباكي

أولا ده كلام مش صح نهائيا معرفشي مصدره أيه مفيش أي خلاف أو مشاكل بخصوص مشروع الملابس

والمهم يا جماعة أي حد عنده إقتراح يقترح أو إستفسار يستفسر

وإن شاء الله نعمل مع بعض حاجة ندعوا الله أن يتقبلها منا إن شاء الله

علي فكرة في إتفاق مبدئي إن المعرض يكون يوم الثلاثاء فياريت لو حد بيجمع ملابس

أو عنده نية لسة إنه هيقول لحد يبدأ يلحق نفسه علشان الوقت

وعلي فكرة بقول مبدئي

ياستاذ احمد انا مقصدش مشاكل بينكم لسمح الله ربنا ميجبش مشاكل بينا دة عمل خير

انا اللى اقصدة انها مشاكل فكرتوا فيها لاننا فى نفس الوقت فكرنا بردة فيها انها هتوجهنا

دة كل قصدى وياريت بجد لما يبقى فى حاجه او مشكله توقعتوها ياريت تعرضوها هنا يمكن

تبقى ليها حل عندنا

احنه كنا بنعرف اخر الاخبار من برة مش من المنتدى لولا ان الاخت حنين اخوها معاكم

غير كدا محدش بيدخل يقولنا اى حاجه

وياريت تشركونا معاكم فى القرارات وميكنش قرار لا يكون مجرد اقتراح عشان ممكن قرار انتم

تخدوة وميكونش مناسب لينا محدش يعرف الظروف

يعنى ياريت بجد ميكون فى قرار مفاجاة لانى ممكن يهدنا كل حاجه ودة اهم حاجه بالله عليكم

اة وفى نقطه كمان ياستاذ احمد احب اسال عليها فى ناس كثير مش مسجله فى الجمعيات دى

وكثير جدا ويمكن بحاجه اكثر من بتوع الجمعيات فياريت موضوع اننا نقتصر على الاسماء الجمعيات دى

نفكر فيه عشان بجد فى ناس بحاجه اكثر من المسجلين بالجمعيات ؟؟؟؟؟

اما ارجع شويه واكلم البنات واوجهلهم رساله بسيطه كدا ياجماعه براحتكم على الاخر

الى تقفل موبيلها بردة براحتها انا مش هكلم حد ولا هتحايل على حد بس على الاقل تحفظه

على وعدكم

والاخت ريتاج وحنين ياجماعه ياريت منتكلمش وخلاص وانا اقسم بربى مهكالم حد تانى

كفايه كدا بقى وبعد كدا الكلام على العام عشان يبقى كلام نهائى

[ندعوك للتسجيل في المنتدى أو التعريف بنفسك لمعاينة هذه الصورة]

السلام عليكم

. ومن اول السطر :

الاخوه و الاخوات الأعزاء منورين والله

الموضوع بأختصار كبيير ومهم لدي الجميع ومن هذا المنطلق هنحاول

نحطله شوية نقط نتحرك علي ضوءها

عظيم

مفيش خلاف ولا حاجه ولكن هناك اختلاف في وجهات النظر لا يفسد للود قضية

طيب احنا دلوقتي بنعمل مشروع غاية في المودة والالفة بين الناس عشان كده

بنتحرك في محورين الاول ازاي نوصل الحاجة للناس الثاني بدون جرح للشعور

عشان كده بتكون المعادلة صعبة شوية بس طبعا لها حل عشان كده هنحط لنفسنا

نقط اساسية نتحرك من خلالها حقنا لمضيعة الوقت حياكم الله

نوجزها في الاتي :-

1- مكان المعرض

2- طريقة عرض الملابس

3- فريق العمل الخاص بالمعرض الاساسي والاحتياطي

4- مدة المعرض

5- مدة المشاركة او العمل بالمعرض ( الورديات )

6- الطريقة التي يتم عن طريقها اعطاء المستحق

7- دور الشباب و دور البنات

اظن بكدة لو كل واحد دخل قال رأيه في عجالة نقدر نوصل لوجه نظر الجميع

لا تنسوا ان عماد تلك المعارض هو البنات لأن اغلب المستحقين ربات بيوت

فمن الادعي ان تكون البنات اكثر ولكن هذا لا يمنع من وجود شباب وكل واحد له دور

طيب بالنسبة للداتا او قاعدة البيانات الخاصة بالجمعيات احنا بننتهز الفرصة ونوحدها

عشان المستفبل كمان مش هي لوحدها المقياس الموضوع لا يحتمل التأخير

ايضا نحب( شباب العمار ) ان نقول ان المشروع والحمد لله في سيره الطبيعي

والشباب علي قدم وساق حتي ان الدكتور علي حينما اتي الينا اثني علي العمل

وارتفعت درجة معنوياته الي 120 درجة بمقياس ريختر

ايه الكلام الكبير ده

المهم اننا قلنا مقترحات لكي لا نغفل دوركم وكلكم يعلم ان هذا هو المكان الاول للتواصل

بيننا حتي نجتمع علي ارض الواقع ويؤدي كل واحد دوره

وفقنا الله جميعا

اقتباس :: وانا اقسم بربى مهكالم حد تانى

التمس لاخيك بضع وسبعون عذرا نحن في عمل

توضع فيه الحسابات ايا كان نوعها في الارشيف ولا يرجع اليها الا لحزفها

سامحوني للتدخل

اقتباس :: انا عندى استفسارات كتير بخصوص معرض الملابس

استفسري وهناك المجيب بأذن الله بس بعد متقولي رأيك في العناصر المطروحة

اقتباس :: فى ناس كثير مش مسجله فى الجمعيات دى

وكثير جدا ويمكن بحاجه اكثر من بتوع الجمعيات فياريت موضوع اننا نقتصر على الاسماء الجمعيات دى

نفكر فيه عشان بجد فى ناس بحاجه اكثر من المسجلين بالجمعيات ؟؟؟؟؟

لا طبعا مش هنقصر وأنا قولت ف ردي اوله بس لكن طبعا لو أي حد جه إحنا منملكشي نقوله مش هتاخد

أو تعالي يوم تاني لكن إحنا بنحاول يكون المستفيد الأول هو الأكثر إستحقاق .. وده كان إقتراح الدكتور علي الدعوس

وبالنسبة للأسماء اللي هي مش مقيدة بالجمعية فياريت نكتبها ونضمها وعلي فكرة قاعدة بيانات الجمعيات

بتتعمل بدقة إلي حد كبير وبيضعها أفراد من كل مكان في البلد فبتكون شاملة إلي حد كبير جدا

وعموما لو في فكرة أفضل بحيث تضمن إن المستفيد الاول يكون هو الأكثر إستحاقاً ياريت نعرضها

ونشوفها مع بعض إن شاء الله زي مقال الأستاذ عمر

زائر

انا عايزه بس اطمن احنا كده مشيين صح وهنقدر نحقق الغرضالل الاساسى من المشروع ولا بندخل نفسنا فى متهات انا بس قلقانه من اللى جى يعنى بيشغلنى كل العناصر اللى حضرتك قولتها دى

عايزين نعرف راسنا من رجلينا
احنا يافرحتى بنجمع ونكيس وياعالم ايه هيحصل بعد كده

ممكن تشركونا معاكم ومش تفجؤنا[ندعوك للتسجيل في المنتدى أو التعريف بنفسك لمعاينة هذه الصورة]

ياجماعه احنه عايزين نعرف انتم ساكتين ليه ؟؟؟؟؟

ولا عرفنا المكان ولا عرفنا الميعاد ولا عرفنا ايه اللى هيحصل

وانتم قولته احتمال يوم الثلاث دة لو فرضنا الثلاث المفروض كانت اللبس اتلم وراح المكان اللى

هيتعرض فيه وكانت الدعات اتعملت وتوزعت على الناس ياجماعه ان كنتم انتم لسه محددتوش اى

حاجه لحد النهاردة يبقى ازاى هيبقى الثلاث ؟؟

ان كان النهاردة خلاص بقى يعتبر الاحد يعنى فاضل يوم الاتنين يوم واحد هتقدرة تعمله فيه كل

حاجه المفروض اصلا المشروع دة كان اتعمل من 15 رمضان عشان العيد خلاص

والناس اللى اتصرفه اشتروا وخلاص

ياجماعه لحظوا ان لو المعرض اتعمل الثلاث هيبقى فاضل اربع ايام على العيد بالوقفه

بزمتكم مين اللى هيبقى لسه متصرفش دة اصلا لو اتعمل الثلاث دة انتم بتقوله احتمال مبدئى كمان

ياريت حد يدخل يفهمنا فى ايه وايه سبب السكوت دة عشان نعرف فى ايه

ونعرف نرتب نفسنا معاكم ؟؟؟؟؟؟؟؟؟؟؟؟

ايوة كده ياطير كنت هابعتلك علشان تقولى كده
هما فين لازم نعرف الميعاد ياجماعة لانى مش فاضل حاجة خالص

» الجمعية الخيرية للخدمات الاجتماعية والبيئية
» الجمعية الشرعية بالعمار - مشروع إنشاء مجمع الملك القدوس
» 25 فرصة عمل لشباب العمار
» مشروع جديد
» بوابة أمل...وفكرة مشروع جديد.