مشروع جديد لشباب العمار بالتعاون مع الجمعية الخيرية والشرعية

تذكير بمساهمة فاتح الموضوع :

اخواني واخواتي كل عام وانتم بخير جميعا

اراكم مشتاقين لعمل الخير

اراكم مشتاقين لرمضان وانا معكم في اشد الاشتياق الي هذا الشهر الكريم

احبائي واخوتي واخواتي اتي شهر الخير وفيه يكثر الخير بايديكم

لذا

اتانا مشروع جديد في منتهي الجمال والروعة انه ليس بجديد ولكن مفيد جدا

وهو جمع الملابس المستعملة القابلة الي الاستعمال مرة اخري وكل ما عليك

ان تجهز تلك الملابس علي ان تكون بحالة يستطيع غيرك استخدامها عليها

وعلي اعضاء الجمعية جمع تلك الملابس وفي العشرة يام الاواخر في شهر رمضان

يكون المعرض وبسعر زهيد لاخواننا الذين في حوجهة الي ذلك

انها لمسة حب حقيقية ورمز جديد من رموز الوفاء والالفة بين ابناء العمار

كن مشاركا ولو بوجودك كل هذا في ظل الشرعية وسيشرف عليه

اعضاء الجمعية الشرعية وشباب منتدي شباب العمار

ودمتم احبة واخوة

وكل عام وانتم بخير ورمضان كريم

زائر

انتى ياطنط طير مش عارفه اوصل لاسماء الناس وخلاض مفيش وقت

زائر

حنين فينك يابنتى

فاتك صلاه القيام فى مسجد ابو عجور الشيخ ماشاء الله بيختصر اختصار

المهم كنت عايزه اعرف انتوا ايه نظامكم بكره ونوين على ايه ان شاء الله

بيتهيقلى احنا مهمتناانتهت

اقتباس :: لكن إن شاء الله أكون عندك بكرة بالنهار

قلنا من الفجر [ندعوك للتسجيل في المنتدى أو التعريف بنفسك لمعاينة هذه الصورة]

وشدوا حيلكم بقي معاها علشان بتقول محدش بيساعدها وبتعمل كل حاجة لوحدها

وكلكم غدرتم بيها.. وانا طبعا مش بهدي النفوس ولا حاجة [ندعوك للتسجيل في المنتدى أو التعريف بنفسك لمعاينة هذه الصورة]

المهم خلي بالكم بقي علشان لو إتأخرنا المرة دي هيبقي بسببكم

اقتباس :: حنين فينك يابنتى

والله يا كنزى حنين غرقانه لشوشتها فى مليون حاجة

وربنا أعلم بيا والله

لكن عااااااااااامة هكون عند الطير بكرة إن شاء الله

بدرى اتسحر وأروح إن شاء الله ولا على ايه

اروح دلوقتى والسحور عليها[ندعوك للتسجيل في المنتدى أو التعريف بنفسك لمعاينة هذه الصورة]

وشكرا يا أستاذ أحمد على الروح دى بجد[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههه ةالله ياجماعة مش عارفة اقول ايه

ردى ياكنزى بيقول الطير غرقانة لوحدها يابنتى اكلمى احنا كنا بنعمل ايه النهاردة

ولونك يعنى جاية بعد ماعملنا كل الهدوم صح وايه قاعدتى نصف ساعة ومشيتى

وهانشوف بكرة هاتعملى ايه ياحنين

اقتباس :: وهانشوف بكرة هاتعملى ايه ياحنين

مالها دى.........؟؟ [ندعوك للتسجيل في المنتدى أو التعريف بنفسك لمعاينة هذه الصورة]

روحى نامى يا ماما هتشوفنيى بكرة لو فى العمر بقية ان شاء الله

ولو مبعملش أى حاجة كفاية شخطتى فيكم اللى بتظبطكم وبس [ندعوك للتسجيل في المنتدى أو التعريف بنفسك لمعاينة هذه الصورة]

بقولكم ايه بطلوا كلام هنا علشان الموضوع ده مش هينفع نعمل شات فيه

أنا قلت اللى عندى وخلاص

سلامات..........

زائر

مش لازم يا ريتاج تسيحى للطير على الهوا

بس هى بصراحه مجبتش سيرتكوا خالص

وعماله تقولى انها مطحونه لوحدها ومحدش معبرها نوهائى ده أنا كنت هعيط من كلامها [ندعوك للتسجيل في المنتدى أو التعريف بنفسك لمعاينة هذه الصورة]

يا ساتر عليها ..يلا معلش لازم نستحملها [ندعوك للتسجيل في المنتدى أو التعريف بنفسك لمعاينة هذه الصورة]

..................

اللهــم إنــك عفـــوٌ كريـــم تحب العفـــو فاعفــــو عنــا

...........

اللهم اجعَل في قُلوبِنا نورا و في قُبورِنا نورا و في أسماعِنا نورا

و في أبْصارِنا نورا و عن يميننا نورا و عن شِمالِنا نورا ومن فَوقِنا نورا

ومن تحَتِنا نورا وفي أَنْفُسِنا نورا و في أَهْلِنا نورا وفي آبائِنا نورا

وفي أُمَّهاتِنا نورا وفي أَزواجِنا/...زَوجاتِنا نورا وفي ذُرِّيَتِنا نورا

وأَعطِنا نورا وأَعظِم لنا نورا واجعَل لنا نورا مِن نورِكَ فَأَنتَ نورُ السّماواتِ وَالأرضِ

يالله

ظرف ليه مش واخدين بالكم من ردى الاولنانى ياماما انا مش نكارة الجميل زيكم

وعموما نشوفكم بكرة وكلواحدة تجيب برة خياطه معاها وخيط والله لزلكم ههههههههه

والله اخيرا حنين ظهرت كنت فين يارادل ؟؟؟؟؟؟؟؟؟؟؟؟؟ [ندعوك للتسجيل في المنتدى أو التعريف بنفسك لمعاينة هذه الصورة]

وياكنزى حرام عليكى بعتلك الاميل الجديد تضفيه مضفتيش وقولتلك ابعتيهم فى رساله خاصه ياستى هتشلينى وربنا

مش محتاجة كل دة اللى بيعمل ربنا يجازية خير ومش يبقى العتاب على العام كدة

لا بقى العتاب على العام علشان ولا شوفنا حنين ولا توتا
خالص فى اى حاجة ودول بنات يتكلموا وخلاص وعادى التقيل جاى
ورى لانى المعرض جاى ويشوفوا لازم يقفوا فيه وبالذات انتى ياتوتا
وكفايه حرام الطير متبهدله وتمرمطت خالص ياعينى فين الطير ايام زمان دى البت خست حرام عليكم كثر ماهى مختفيه

زائر

على فكره ده مش عتاب

ده كله هزار ومش العمل ده اللى ممكن حد يعاتب بعضه عليه

ممكن تقول ده مجرد تحميس ..

وربنا يقدر اللى عمل واللى لسه معملش واللى عنده النيه للخير

زى ما تشوفى يا ريتاج

زائر

شوف أنا بقول أيه وريتاج بتقول ماشى يا ستى

من عنتينى الأتنين أنا تحت امركم

وكفايه شات بئى علشان ميقولوش علينا رخايين [ندعوك للتسجيل في المنتدى أو التعريف بنفسك لمعاينة هذه الصورة]

ربنا يجازيكم خير يا رب

ويجعله فى ميزان حسناتكم

ومفيش تقيل جاى ولا حاجة

لانه عمل الخير لازم يتحب

وتعملوه كانه شئ بيجرى فى دمكم

مش حاجة تقيلة خالص

انا عارف انكم فيكم خير لكن أن بذكر فإن الذكرى تنفع المؤمنين

بجد انتم تعبتم قوى ووفيتم .. وتنتظروا الجزاء من الله

ياريت الخير ده يفضل فينا حتى بعد رمضان

وافر التحية الطيبة لكل من قام على هذا العمل

وافر التحية الطيبة لكل من ساهم فى نشره

والله من وراء القصد

والله المستعان

نسيت اقول حاجة

عجبانى جدا نبرة الفرحة فى كلامكم لعمل الخير [ندعوك للتسجيل في المنتدى أو التعريف بنفسك لمعاينة هذه الصورة]

يمكن ده اكبر مشورع اتعمل

لكن لا تنسوا أن العمل فى السر أفضل وسحقا للرياء

وبلاش تسقط منا إنكار الذات

إنكار الذات = أنا معملتش حاجة

اقتباس :: لا بقى العتاب على العام علشان ولا شوفنا حنين ولا توتا

يا ستى أنا معملتش حاجة

المهم انه العمل يتم وخلاص على أتم وجه

والأهم إن ربنا يتقبل وياريت نهدى سرنا شويه

والكلام الكتير ده مش لطيف خالص

عن نفسى مش هكتب ولا حرف فى الموضوع ده تانى

إلا عند الضرورة فقط

ياريت نلتزم الصمت علشان منضيعش قيمة اللى اتعمل ........

سلام

الله يبارك فيك يا استاذ عمرو

إن شاء الله إحنا كنا علي أتم إستعداد نفرش المعرض أمس وإنهاردة نكون شغالين

لكن للأسف عائلة الجزارين لديها إستخدام للدوار حتي صلاة الظهر إن شاء الله

فبإذن الله إحنا جهزنا كل ما يلزمنا لفرش المعرض وبعد صلاة الظهر مباشرة هنبدأ

وتوضيحا لسير عمل المعرض إن شاء الله

أولا .. إحنا عندنا فرضين لسير العمل ..

الفرض الاول .. سير العمل بمعاونة فتيات منتدي شباب العمار المتطوعات للعمل الخيري

وهنا سيقسم المعرض إلي نصفين

الأول : مكان المعرض وهو الدوار وهنا سيتواجد الفتيات فقط لإتمام عمليات البيع بما يلزمها

الثاني : مكان إستلام الدعوات وتحديد مقدار ما سيصرف لكل مستفيد سوف يتقدم للمعرض

وهذا المكان سيكون أمام الدوار وده هيكون دور الشباب بحيث إنهم هيستلموا الدعوات ومن خلال

قاعدة البيانات اللي عملناها من كشوف الجمعيات هيتم تحديد عدد القطع التي ستصرف لكل مستفيد

وسوف يكتب هذا علي بون يستلمه المستفيد ويسلمه بالداخل للقائمات علي البيع .. وهكذا

وفي حالة المستفيدين الذين لم تأتيهم دعوات فسوف يتم تقدير حد أدني لكل حالة 3 قطع وسوف يكتب

أيضا هذا علي بونات الصرف التي سيدخلون بها إلي المعرض

وهذا الفرض هو الأنسب للمعرض من وجهة نظري لإن أغلب المستفيدين هيكونوا من النساء العائلات للأيتام

وهذا الفرض يتطلب جماعية من عدد من الفتيات فلن نقبل فتاة واحدة أو إثنين لتقوم بهذا الدور

كما يتطلب هذا الدور جرأة وشجاعة وإقدام علي الخير لطالما عهدناها فيهن

والفرض الثاني هو تولي الشباب كل أعمال المعرض وهنا سننقسم لفريقين لتأدية هذه المهام

أو نستعين بفتيات بمقابل مادي لتأدية دور البائعات وأتمني أن لا نلجأ لهذا إن شاء الله

ونلتقي غذا مع إفتتاح المعرض إن شاء الله

اللهم تقبل منا ومنكم صالح الأعمال

بسم الله ما شاء الله

اللهم من اراد للاسلام والمسلمين خيرا فوقه لكل خبر

الله يبارك فيكم وجعل كل هذه الاعمال فى ميزان حسانتكم

هى دى العمار ودى روح شباب العمار

الى الامام دائما

اخ احمد منصور

لا داعى لوجود الفتيات فى المعرض

ده كان أخر كلامى معك عبر المحمول

أكيد انتم كشباب تقدروا تقوموا بالعمل ده على أكمل وجه وكنت أتمنى ان اكون معكم

أضف نقطة :

هذا ليس تهميش لعمل الفتيات

والله أقولها بحق .. انتم كبنات عملتم اللى عليكم وزيادة

واللى يشوف الملابس من اول ما جمعناها لحد ما خرجت الى نطاق العرض ينبهر بها

وف نفس الوقت مش عاوز اكبر الموضوع ده أولا وأخيرا عمل الخير

تعود للنقطة الاساسية

لا داعى لتواجد الفتيات وأقل سبب هو ( عدم الاختلاط)

أحمد منصور كتب:: والفرض الثاني هو تولي الشباب كل أعمال المعرض وهنا سننقسم لفريقين لتأدية هذه المهام

أو نستعين بفتيات بمقابل مادي لتأدية دور البائعات وأتمني أن لا نلجأ لهذا إن شاء الله

ونلتقي غذا مع إفتتاح المعرض إن شاء الله

اللهم تقبل منا ومنكم صالح الأعمال

ده كلام جميل

أذكرك أخى ان اخر مقابلة معكم

اتفقنا على انشاء قاعدة بيانات وهى كانت الحل الأمثل لهذا الموضوع

واستعينوا ايضا بالاستاذ/ حمادة من الجمعية الشرعية فهو جدير بذلك

واتفقت معك اخ احمد منصور انك هتعمل البيانات دى وقد قمت بها وجزيت خيرا

وان شاء الله انتم غير محتاجين أيضا لفتيات بالأجر كبائعات

الشباب يقدروا يقوموا بالمعرض

وكتر خير البنات عملوا اللى عليهم

والله المستعان

اقتباس :: لا داعى لوجود الفتيات فى المعرض

وده مين اللى يحدده يا أستاذ عمرو حضرتك وانت

فى شغلك وجامع عمرو ولا مين بقى

حضرتك بقالك اكتر من اسبوع مش هنا

يعنى تقريبا متعرفش ايه اللى بيحصل بالضبط

فبالتالى معلش اعذرنى مش حضرتك اللى هتحدد

ايه اللى داعى وايه اللى غير داعى

وده مش كلامى انا مليش لازمه ولا ليا اى اهميه

ده كلام الشباب اللى اجمع كله النهارده على ده

وتعجب من طلبك واصرارك على ان البنات

متكونش موجوده يا سيدى الفاضل

طلبت ان تكون مع ربك فى الاعتكاف هذه الايام

ولك ذلك ولك كل الشكروجزاك الله خيرا

على ماقدمت لهذا المشروع

وقررنا نحن ان نكون فى قضاء حوائج الناس

ولنا عند الله بكلام رسول الله

اجر اعتكاف شهر فى مسجد رسول الله

لذلك دعنا نعمل كما نريد لاننا هنا نرى ونسمع

اما انتم فبيننا وبينكم مسافات

البنات لابد ان يتواجدوا فى المعرض على الاقل

بعد الظهر او بعد العصر الى الافطار

وبعد صلاة التراويح الى التاسعه او التاسعه والنصف

لابد لان فى لبس بناتى كتيير احنا منعرفش عنه حاجه

انا بقول الكلام ده وانا اختى حضرت النهارده

الظهر وكمان بالليل

هى وأختين يعلم الله انهما فى معزتها عندى

وكل أخت فاضله ساهمت فى هذا المشروع

وقصرت فى المعرض فبارك الله فيها

ولكن أقولها بأعلى صوتى اختى فى المعرض

ولو كنت متزوج أقسم بالله لكانت زوجتى فى المعرض

كلنا فى طريق الله وكلنا فى طريق قضاء حوائج الناس

ـــــــــــــــــــــــــــــــــــــــــــــــــــــــــ

على الهامش

الى البنات اللاتى امتنعن عن حضور المعرض

خرجت النساء مع رسول الله الى الغزوات
ـــــــــــــــــــــــــــــــــــــــــــــــــــــــــــــ
نسأل الله ان يرزقنا الاخلاص وان يتوب علينا

وان يسامحنا وان لايستخرج منا الا ما يرضيه عنا

وان يتقبل عملنا اللهم امين

سبحانك اللهم وبحمدك أشهد ان لا اله الا الله استغفره وأتوب اليه

وجزاكم الله خيرا

السلام عليكم ورحمه الله وبركاته

حبيبي عمرو أتمني أن تكون الأن تنعم بنصيب وافر من الرحمات والسكينة وأنت في إعتكافك الجميل

وجزاك الله خيرا علي هذا التواصل الجميل والإهتمام الشديد بالمشروع رزقنا الله وأياكم الإخلاص

منذ حوالي الساعة قد تم إنتهاء فاعليات أول يوم من أيام المشروع والمنتظر إستمراره

يومان أخران إن شاء الله

أخي الجميل أنت لا تعلم مدي الإقبال الكبير جدا علي المعرض ومدي كبر المعرض وكثرة محتوياته

وأنت تعلم أن كل الترتيب والتخطيط ومهما كانت دقته علي الورق لكن دائما الواقع أمر أخر

وهذا ما أعددنا أنفسنا له جيد بحيث مهما كان الواقع نستطيع أن نتعامل معه

فاليوم بفضل الله كان المستفيدون ما يقرب من 180 أسرة ولك أن تتخيل !!!!!!

.. ولك أيضا أن تعلم أن مكان المعرض حوالي 18 متر في 6 والعمل مستمر دائما منذ أن نفتح أبوابنا

إلي أن نغلقها

ولهذا أتمني أن لا تتحدث ثانية في مسألة الإختلاط لأنك تتكلم عن شيء ليس له وجود

فالجميع يعملون .. فلسنا بصدد لعب ولهو وإختلاط محرم

فقد كان هناك اليوم ثلاث أخوات كريمات يقمن علي الملابس النسائية وأتمني أن يصفنً لك الوضع ؟

في فترة ما بعد العصر فقط

اما الفترة المسائية فلم تكن هناك أخوات معنا والله يا أخي الجميل .. غلبنا أخر غلب مع النساء في ملابس النساء

وكنا بصدد حدوث أكثر من مشكلة بسبب التعامل مع النساء لكن الحمد لله مرت الفترة المسائية بسلام

ولهذا يا أخي دع البنات يأخذون قرارهم كيفما أرادوا ولا تحكم علي الوضع إلا بمعاينته

وهن قد شاهدن الوضع ولهن حرية الإستمرار أو التخلي

ووفقنا الله جميعا لما يحبه ويرضاه

اقتباس :: ولكن أقولها بأعلى صوتى اختى فى المعرض

ولو كنت متزوج أقسم بالله لكانت زوجتى فى المعرض

وأنا أقسم بالله لو كان لدي أخت لجعلتها أول من تدخل هذا المعرض من الفتيات

جزاك الله خيرا يا احمد يا سيد ومش هقول بعد كلامك حاجة انت قولت كل حاجة
بس فى حاجة بسيطة يا عمرو يمكن مش واخذ بالك منها

انت متخيل انى فى راجل مننا يقف يقلب فى لبس بنات
دى حاجة

طب لو انت يا عمرو عاوز تمنع الاختلاط انت كدا مش بتمنعه

انت كدا بتنشأه من العدم

يعنى لما اقف اكلم واحدة ست فى لبس بناتى والكلام على الفرش مش هيبقى لا اتفضلى ولا اسمك ايه زى ما بيحصل على البوابه انت فاهم قصدى

ا

..

اقتباس :: ولك أيضا أن تعلم أن مكان المعرض حوالي 18 متر في 6 والعمل مستمر دائما منذ أن نفتح أبوابنا

إلي أن نغلقها

ولهذا أتمني أن لا تتحدث ثانية في مسألة الإختلاط لأنك تتكلم عن شيء ليس له وجود

فالجميع يعملون .. فلسنا بصدد لعب ولهو وإختلاط محرم

[ندعوك للتسجيل في المنتدى أو التعريف بنفسك لمعاينة هذه الصورة] بجد والله برافو كلام فى الجون

ربنا يكرمك يا عمنا

علي الهامش ..

الجمعية الخيرية لم يكن لها أي تواجد اليوم بالمرة

الجمعية الشرعية كان لها تواجد كبير في الفترة المسائية فقط

شباب العمار كان عددهم حسب ما إستطعت تذكرهم 16 شاب وثلاث فتيات

فضلا عن العاملين علي تجهيز الملابس في المنازل

» الجمعية الخيرية للخدمات الاجتماعية والبيئية
» الجمعية الشرعية بالعمار - مشروع إنشاء مجمع الملك القدوس
» 25 فرصة عمل لشباب العمار
» مشروع جديد
» بوابة أمل...وفكرة مشروع جديد.