مشروع جديد لشباب العمار بالتعاون مع الجمعية الخيرية والشرعية

إنهاردة ربنا كرمنا بصفقة ملابس جديدة والله حاجة جميلة وتفرح جدا

والحمد لله شغالين والله بإيدنا وسنانا وعلي وشك الإنتهاء

وباقي بكرة وبعده بعون الله هنكون جاهزين علشان نفتح يوم الثلاثاء

والدكتور علي زي مقال أخويا أحمد السيد إقترح نفتح يوم 27 لكن إن شاء الله لو كله بقي تمام

وخلصنا كل حاجة هنفتح يوم الثلاثاء إن شاء الله

ولو أي مشكلة قابلتنا هنطرحها عليكم أكيد وطول ماأحنا ساكتين ده معناه إن الشغل ماشي تمام

ولو في يا جماعة أي إقترحات بخصوص أي حاجة تخص المشروع ياريت تتكتب دلوقتي

الاقتراح انى كان المعرض انفتح من زمان انتوا فاهمين مش
دلوقتى ولا يوم الثلاثاء وعلى فكرة ممكن منكنش موجدين اساسا

بالنسبة للميعاد علشان الناس اللي متنرفزة وفكرينا ساكتين ومبنعملشي حاجة

المعاد الثلاثاء إن شاء الله ولو هيتأخر هيبقي الاربع

وبالنسبة للناس اللي إشترت فالمعرض مش معمول للي معاه فلوس وبيشتري

المعرض معمول أولا وأخيرا للي كان هيعدي عليه العيد ومش هيكون إشتري

وعمرو سافر لكن برور معانا وكلنا متواجدين وشغالين والله إنهاردة مخلصين الساعة 2 يعني تقريبا من ساعة إلا ربع

وإحنا والله مقدرين حرصكم علي المشروع بس والله تأكدوا إننا عندنا نفس الحرص والله

ولو هنقدر نفتح بكرة هنفتح والله

فبالله عليكم تهدوا وتقدروا اللي إحنا فيه وبإذن الله كله هيبقي تمام بس همتكم معانا بعد كدة

اقتباس :

الاقتراح انى كان المعرض انفتح من زمان انتوا فاهمين مش
دلوقتى ولا يوم الثلاثاء وعلى فكرة ممكن منكنش موجدين اساسا

والله إقتراح جميل جدا وأوعدك السنة الجاية هناخده في الإعتبار

ولو ربنا أحيانا هنعمل نفس المشروع ده وهنفتحه أقصاها 15 أو 20 رمضان

طيب ياستاذ احمد اوكى عرفنا المعاد انه اخر حاجه الاربعاء بازن الله

طيب والمكان هيبقى فين بالضبط ؟؟

انا عندى اقراح بخصوص الاسماء لانى اكيد الجمعيات دى مفهاش كل اسماء المحتاجين

احنه ممكن نكتب اسماء الناس اللى نعرفهم محتاجين ونقرنهم بالكشوفات نعرف انا كان

مسجلين ولا لا ولو مش مواجدين نظيفهم على الكشوفات ونبعتلهم هما كمان دعوات

ان ربنا احيانا ونشوف المشروع ده هيرسي على ايه

اقتباس :

انا عندى اقراح بخصوص الاسماء لانى اكيد الجمعيات دى مفهاش كل اسماء المحتاجين

احنه ممكن نكتب اسماء الناس اللى نعرفهم محتاجين ونقرنهم بالكشوفات نعرف انا كان

مسجلين ولا لا ولو مش مواجدين نظيفهم على الكشوفات ونبعتلهم هما كمان دعوات

تمام

جهزيهم بكرة وإحنا هناخدهم وهنظبطهم مع الكشوف

نفس المشكله اللى وقعتوا فيها رمضان اللى فات فى حد يوزع شنط رمضان يوم 27 رمضان
ها؟...وبعدين لوسمحتم ياريت تهتموا شويه بمعاملتنا وتشورونا على الاقل مش قرارت بتتاخد من غير مانعرف بيهااحناتقريبا شبه بنترجاكم علشان تقولولنا احنا هنفضل نجمع كده من الناس لحد امتى والناس اللى بتسألنا دى نرد عليها نقول ايه
لان احنا طبعا بنتخرس لاننا منعرفش اى حاجه احنا نجمع وبس ملناش راى

انا لو اعرف ان النظام هيكون كده ديكتاتورى
انا كنت انا والبنات عرفنا ازاى نوزع الحاجه دى على الناس ومن بدرى بس يلا ادينا بنعلم ربنا يحيينا ورمضان اللى جى نتحرك احنا بدرى شويه

سبحان الله إحنا قلنا حاجة

متسألوا يا جماعة والله هنجاوب وبمنتهي الصراحة هو إحنا لنا مصلحة نخبي عليكم

وبعدين ديكتاتورية أيه بس .. بلاش الكلام ده

المشكلة إن الموضوع كبير وإنتوا مش شايفين كدا خالص

والدنيا في البلد مشدودة ومفيش حد ملاحظ أي حاجة .. وخلينا نقول يارب

عموما الأسماء بكرة هنخلصها وهنوزع الدعوات وياريت الأسماء اللي عندكم تتكتب وتتبعت في رسالة

علشان ندرجها ولو إني متأكد إنها هتطلع مكررة عندنا

.............................

علي الهامش

- مينفعشي أي عمل يتعمل بالشكل ده إلا لو كان عمل قانوني تحت رعاية جمعية مشهورة تحت رقم معين ..

يبقي لازم تشرف عليينا جمعية ونخضع لها علشان تكون الساتر القانوني لينا وده اللي حصل

وجزء كبير من التأخير بسبب الجمعيات

- مينفعشي نعمل معرض ونفتحه كدا والسلام ويافرحتي عملنا معرض لكن لو بصينا علي الناس

اللي تستحق هذه الإعانة هنلاقي أغلبه موصلتوش .. يبقي لازم تكون في كشوفات بالأسماء اللي تستحق

ونعمل نظام معين بحيث إن الناس دي يكون لها الأولوية وده يتطلب لف علي كل جمعيات العمار وأخذ

الكشوف اللي عندهم وتجميعها وعمل كشف شامل نشتغل علي أساسه وده شغالين فيه

- مكان المعرض لازم يكون مكان بمواصفات معينة بحيث إننا نحافظ علي الحاجة اللي عندنا

وكمان منجرحشي الناس اللي هتدخل المعرض

كل دي من أسباب التأخير

لكن بإذن الله هنفرش المعرض يوم الثلاثاء وهنبدأ الأربع بإذن الله

والملابس اللي وصلناها إنهاردة عن الطير الباكي ياريت تجهزوها وتجهزوا كل اللبس اللي عندكم

سواء اللي إحنا جبناه في الاول عند عمرو أو اللي إنتم جمعتوه في مكان واحد وتحددوه لينا

وربنا يوفقنا جميعا

وإن شاء الله نظام المعرض هيكون إزاي وإنتوا دوركم هيبقي أيه فده هنخلي أحمد السيد يوصله بالتفصيل

للأخت حنين لإني لو قعدت أتكلم هكتب كتير أوووووي

اقتباس :

نفس المشكله اللى وقعتوا فيها رمضان اللى فات فى حد يوزع شنط رمضان يوم 27 رمضان
ها؟.

وعلشان كدا شنطة رمضان السنة دي إتعملت وإتوزعت قبل نص رمضان وبعدها كان مشروع

الوجبات الجاهزة اللي كان بشكل شبه يومي

يعني يأختي الكريمة الحاجة لما بتكون بتتعمل لأول مرة لازم يكون فيها تأخير وإضطراب لكن لما بتتعمل

بعد كدا بيكون نظامها معروف وبتتعمل

واللي إحنا بنعمله حاليا في المشروع ده قاعدة لأي عمل بالشكل ده بعد كدا

هو إحنا كنا عملنا مشروع الملابس ده قبل كدا

وبعدين إنتوا للأسف مش بتشوفه اللي إحنا فيه او المشاكل اللي بتحصل بسبب الحاجات دي

واللي لازم نتعامل معاه بمنتهي الحرص

يعني مثلا ممكن إنتِ أو غيرك من البنات تجمع تبرعات وهدوم وكل حاجة سهلة جدا

لكن إحنا لو مشتغلناش قانوني يبقي هنعمل المعرض من هنا وهنتشد من هنا وأظن مفهوم هنتشد علي فين

فلازم كل حاجة تمشي بشكل قانوني نحمي بيه المشروع وكمان نحمي نفسنا قبل المشروع البلد لها نظام يا جماعة

والعمل الخيري ليه نظامه اللي لو خرج عنه يبقي من الأخر عمل إجرامي يودينا في داهية

فلازم نعمل كل حاجة بشكل قانوني صرف ونأمن كل حاجة ومن كل ناحية

في قانون يا أخونا ولازم يمشي علينا الدنيا مش سهلة زي مانتوا بتتخيلوا